Sýret: inform.kz
Atap aıtar bolsam, aýyldy qoldaý, sharýalardyń jumysyna dem berý, eldi mekenderde sapaly medısınalyq mekemeler ashyp, bilikti kadrlarmen qamtamasyz etý, eń kókeıtesti másele jol salý sekildi túıtkilderdiń bári osy Joldaýda qamtyldy. Demek, Prezıdent Qasym-Jomart Kemeluly elimizdiń barlyq óńirindegi halyqtyń jaǵdaıynan jaqsy habardar ári sol máseleniń bárin sheshý úshin kúsh salyp keledi.
Bul qujattyń ishindegi meni qyzyqtyrǵan, tipti búginde elimizdiń árbir turǵynyn alańdatyp otyrǵan másele – atom elektr stansasynyń qurylysy. Prezıdent buǵan deıin ózi bastamashy bolyp, ýáde etkenindeı 6 qazanda respýblıkalyq referendým ótedi dep belgiledi.
Aldaǵy ýaqytta energııa tapshylyǵyn qalaı sheshemiz, qandaı qýat kózderin paıdalanamyz, atom elektr stansasyn salamyz ba, joq pa, eger onyń qurylysyn qoldaıtyn bolsaq, ony kim salady, qandaı tehnologııa paıdalanylady degen suraqtar elimiz úshin óte ózekti bolyp otyr. Bul taqyrypty Prezıdenttiń kóterýi beker emes. El úshin, bolashaq úshin mańyzdy bolǵandyqtan, qaıta-qaıta aıtyp keledi. Osy oraıda referendýmda halqymyz durys tańdaý jasap, óz daýystaryn beredi dep úmittenemin.
Bıylǵy Joldaý memlekettik organdarǵa, sondaı-aq depýtattar korpýsyna aldaǵy ýaqytta qolǵa alynyp, atqarylýǵa tıis kóp mindetti júktedi. Jańa zańdardy qabyldaý tapsyrmasy da aıtylǵanyn estidińizder. Osy bastalyp jatqan sessııada biz Joldaýda aıtylǵan baǵyttar boıynsha jumys istep, alǵa qoıylǵan mindetterdi oryndaýǵa kúsh salamyz.
Maksım ROJIN,
Parlament Májilisiniń depýtaty
