Sýretti túsirgen – avtor
Ǵıbadat úıiniń qurylysy úsh jyl buryn bastalǵan. Ertistiń oń jaǵalaýyndaǵy Jibek matalar kombınaty shaǵyn aýdanynda 146 myń halyq turady. Kúlenov kentinde ǵana 16 myń jan sany bar. Sondyqtan esep-qısapqa júgine otyryp, kásipkerler jańa shaǵyn aýdanǵa bir meshit kerek dep sheshken.
– О́skemende osydan 12 jyl buryn Halıfa Altaı meshiti ashylǵan. Sodan keıin ashylyp turǵan meshit – osy. Aıta keteıin, bul qulshylyq orny ǵana emes, sondaı-aq qazaqtyń salt-dástúrin, ádet-ǵurpyn úıretetindeı ortalyq ashylýy kerek. Jastardy rýhanııatqa, túzý jolǵa baýlyp, jaman ádetterden aýlaq bolýǵa shaqyrýymyz kerek. Bizdiki usynys. Qalǵanyn múftııat ózderi naqtylaıdy, – dedi qurylys jumystaryna demeý bolǵan kásipker Qaınar Dúısenov.
Árıne, qazaqtyń umyt bolyp bara jatqan saltyn osyndaı rýhanı oryndarda úıretip, jastardyń sanasyna sińirý qajet-aq. Jańadan boı kótergen meshittiń ishki-syrtqy sáýleti, dızaıny da qazaqy órnektermen bezendirilgen. Eńseli ǵımarat myń adamǵa shaqtalǵan. Munaralarynyń bıiktigi – 20 metr. Meshittiń negizgi zalynda tálim-tárbıe, sabaq berý maqsatynda 36 sharshy metrlik led-ekran qoıylǵan. Túsingenimizdeı, arab tilinde oqylyp jatqan súreler qazaqsha aýdarylyp, ekrannan shyǵyp turatyn kórinedi.
Meshittiń taǵy bir ereksheligi, erler men áıelder eki bólek esikten kirip, eki jaqta namaz oqıdy. Quran baǵyshtaýǵa arnalǵan bólme de bar. Bala-shaǵasymen kelgen jamaǵattyń da jaǵdaıy oılastyrylyp, shaǵyn ǵana oınaıtyn burysh jasalǵan. Sondaı-aq 230 adamǵa arnalǵan qatymhana ashyldy. As pen naýqannan túsetin qarajat meshittiń kommýnaldyq qyzmetterin tóleýge jumsalady.
Oblystyń bas ımamy Ermek qajy Muqataıulynyń aıtýynsha, 19-shaǵyn aýdan turǵyndary meshittiń qajettiligin burynnan aıtyp júripti.
– Halyqpen kezdesken saıyn meshit bolsa dep tilek bildiretin. Nıetterine qaraı kásipker azamattar qolǵa alyp, tilek qabyl boldy. Az ýaqyttyń ishinde záýlim meshit boı kóterdi, – dedi Ermek qajy Muqataıuly.
Aıtqandaı, Ál-Farabıdiń ataýyn berý týraly usynys Dinı basqarmaǵa jiberildi.
О́SKEMEN
