Ajaldyń aıaq astynan ekendigine «Teńiz» kenishinde vahtalyq ádispen eńbekke tartylǵan jumysshylardyń bireýiniń ómirden ozýy dálel bolǵandaı. Osy oqys oqıǵa 26 qańtarǵa qaraǵan tańda tirkelgen. «Teńiz» kenishindegi merdiger kompanııanyń biri – «Imstalkom» seriktestiginde qyzmet etetin Shyǵys Qazaqstan oblysynyń 1973 jyly týǵan azamaty juqpaly dertten klınıkada tańǵy 5 saǵat 15 mınýtta kóz jumǵan. Alaıda Jylyoı aýdandyq tutynýshylar quqyǵyn qorǵaý basqarmasyna jergilikti ýaqytpen 9 saǵat 15 mınýtta «Teńizshevroıl» seriktestiginiń vahtalyq qalashyǵyndaǵy klınıkaǵa eki syrqattyń jetkizilgeni týraly ǵana málimet túsipti.
Kóz jumǵan azamattyń janynda júrgen taǵy bir jigitke áýeli Jylyoı aýdandyq ortalyq aýrýhanasynyń juqpaly aýrýlar bólimshesinde em jasalyp, keıin oblys ortalyǵyna jetkizilipti. Dárigerler naýqas janǵa ázirge «menıngıt-menıngokokksemııa» dıagnozymen aýyrǵan dep boljam jasap otyr. Naýqastan mynadaı aýrý belgileri anyqtalypty, ıaǵnı onyń dene qyzýy 37 gradýsqa deıin kóterilip, álsizdik, aıaǵynda gemmoragasııalyq bórtpe paıda bolǵan. Onymen birge jumys isteıtin taǵy 3 adam «Teńizshevroıl» seriktestiginiń klınıkasynda oqshaýlanyp, dárigerlerdiń qatań baqylaýyna alyndy. Bul jigitterden ázirge aýrý belgileri anyqtalǵan joq.
«Qazir oblystyq deńgeıde quramynda ınfeksıonıst, epıdemıolog-dáriger, vırýsologııa jáne bakterıologııa zerthanasynyń meńgerýshilerinen jasaqtalǵan arnaıy brıgada qurylyp, Jylyoı aýdanyna issaparǵa jiberildi. Qajetti sharalar atqarylyp, aýrý shyqqan jerde epıdemııaǵa qarsy jumystar jasalýda. Barlyq jaǵdaı jiti baqylaýda», dep málimdedi Atyraý oblysy ákimdiginiń baspasóz qyzmeti.
Joldasbek ShО́PEǴUL,
«Egemen Qazaqstan».
Atyraý oblysy.
Kóz jumǵan azamattyń janynda júrgen taǵy bir jigitke áýeli Jylyoı aýdandyq ortalyq aýrýhanasynyń juqpaly aýrýlar bólimshesinde em jasalyp, keıin oblys ortalyǵyna jetkizilipti. Dárigerler naýqas janǵa ázirge «menıngıt-menıngokokksemııa» dıagnozymen aýyrǵan dep boljam jasap otyr. Naýqastan mynadaı aýrý belgileri anyqtalypty, ıaǵnı onyń dene qyzýy 37 gradýsqa deıin kóterilip, álsizdik, aıaǵynda gemmoragasııalyq bórtpe paıda bolǵan. Onymen birge jumys isteıtin taǵy 3 adam «Teńizshevroıl» seriktestiginiń klınıkasynda oqshaýlanyp, dárigerlerdiń qatań baqylaýyna alyndy. Bul jigitterden ázirge aýrý belgileri anyqtalǵan joq.
«Qazir oblystyq deńgeıde quramynda ınfeksıonıst, epıdemıolog-dáriger, vırýsologııa jáne bakterıologııa zerthanasynyń meńgerýshilerinen jasaqtalǵan arnaıy brıgada qurylyp, Jylyoı aýdanyna issaparǵa jiberildi. Qajetti sharalar atqarylyp, aýrý shyqqan jerde epıdemııaǵa qarsy jumystar jasalýda. Barlyq jaǵdaı jiti baqylaýda», dep málimdedi Atyraý oblysy ákimdiginiń baspasóz qyzmeti.
Joldasbek ShО́PEǴUL,
«Egemen Qazaqstan».
Atyraý oblysy.
