Aýyldyń aıtqyshtary

«Juldyz sırep ketip edi» Bir molda ózinshe bilgishsinip: «Bir adam baqıdan ótkende, bir jul­dyz aǵyp túsedi», – depti. Qasynda otyr­­ǵan Qalı degen qýshykesh kisi: «Báse, 1941-1945 jyldary juldyz sırep ketip edi. Sodan eken ǵoı», – dep «qostapty». Sholjyń qyz Joǵaryda sóz bolǵan jańaǵy Qalı balalarynyń kenjesi bolǵandyqtan bir qyzyn erkeletip ósirip, betinen qaqpapty. Álgi qyzy er balasha kıinip, júr­gen jeri tóbeles, daý-damaı bolypty. Sol qyzy boıje­tip, turmysqa shyǵatyn bolyp, qudalary kelip otyr­sa, Qalı: «Kelinge jaryǵan ekensińder», – depti kúrsinip. Shalqaıtýdyń amaly Jas kezinde kóp aýyryp, eńkish tartqan kúrjik jezdesin kórgen Qalı: «Seniń basyńdy keri qaratyp salý kerek. Sonda shalqaıǵan jigit bolasyń» –dep qaǵytqan eken. Sopaq jeńge Qaǵytpa sózden qarap qalmaıtyn Qalekeń bet álpeti sopaqtaý kelgen jeńgesine: «Túriń samaýyr­daǵy sýret sııaqty», – dep ázildepti. Adasqan shóp Saılaý degen kisi kezekti bir reısten keıin tirke­­me­sine onshaqty taılanǵan shóp qaldyryp úıine túsirgeli keledi eken. Sol eki arada keńshar dırektory kezigip qalyp: «Kólik ústindegi shóp qaıda barady?» – dep surapty. Saılaý: «Bul negizinde úıge baǵyttalǵan edi, endi amalsyz shóp bazasyna barady ǵoı», – depti. Saılaýdyń sózine rıza bolǵan dırektor qarqyldap kúlip: «Jaraıdy, úıińe túsire sal», – degen eken. Tórkininen kıip kelgeni Kúzembaı degen atamyz jıeni Amanjannyń úıine barsa, onyń kelinshegi Qanjý jalańaıaq júr eken. Aıaǵy azdap kirleý me, qalaı?.. Sony baıqaǵan Kúzem­baı aqsaqal Amanjan ádeıi kórsin dep: «Kelin­niń aıaǵyndaǵy galoshy neshinshi razmer?» – dep surap­ty. Onsha qysyla qoımaǵan Amanjan: «Bilmeı­min, tórkininen kıip kelgeni ǵoı», degen eken. Jınaǵan Ereken QORABAEV. Mańǵystaý oblysy.