Qazaqstan Respýblıkasy Tótenshe jaǵdaılar mınıstrliginiń buıryǵy  № 303

2014 jylǵy 18 maýsym,  Astana qalasy Respýblıkalyq azamattyq qorǵaý qyzmetteri týraly erejeni bekitý týraly «Azamattyq qorǵaý týraly» Qazaqstan Respýblıkasynyń 2014 jylǵy 11 sáýirdegi Zańynyń 12-baby 1-tarmaǵynyń 43) tarmaqshasyna sáıkes buıyramyn: 1. Qosa berilip otyrǵan Respýblıkalyq azamattyq qorǵaý qyzmetteri týraly ereje bekitilsin. Respýblıkalyq azamattyq qorǵaý qyzmetteri tıisti erejeni bekitsin. Qazaqstan Respýblıkasy Tótenshe jaǵdaılar mınıstrliginiń Azamattyq qorǵanys departamenti zańnamada belgilengen tártippen osy buıryqty Qazaqstan Respýblıkasy Ádilet mınıstrliginde memlekettik tirkelýin jáne onyń resmı túrde jarııalanýyn qamtamasyz etsin. Osy buıryqtyń oryndalýyn baqylaý Qazaqstan Respýblıkasynyń Tótenshe jaǵdaılar vıse-mınıstri V.V. Petrovqa júktelsin. Osy buıryq alǵashqy resmı jarııalanǵan kúninen keıin on kúntizbelik kún ótken soń qoldanysqa engiziledi. Mınıstr V. Bojko. Qazaqstan Respýblıkasy Tótenshe jaǵdaılar mınıstriniń 2014 jylǵy 18 maýsymdaǵy № 303 buıryǵymen bekitildi Respýblıkalyq azamattyq qorǵaý qyzmetteri týraly ereje Jalpy ereje 1. Respýblıkalyq azamattyq qorǵaý qyzmetteri týraly ereje «Azamattyq qorǵaý týraly» Qazaqstan Respýblıkasynyń 2014 jylǵy 11 sáýirdegi Zańynyń 12-baby 1-tarmaǵynyń 43) tarmaqshasyna sáıkes ázirlengen jáne Respýblıkalyq azamattyq qorǵaý qyzmetteriniń (budan ári - Qyzmetter) negizgi mindetteri men ókiletterin belgileıdi. 2. Azamattyq qorǵaý qyzmetteri beıbit ýaqytta jáne soǵys ýaqytynda azamattyq qorǵaýdyń arnaıy is-sharalaryn oryndaýǵa, halyqty tótenshe jaǵdaılar saldarynan, qazirgi zamanǵy zaqymdaýshy quraldar faktorlarynan qorǵaýdy qamtamasyz etýge arnalǵan. 3. Qyzmetter basqa azamattyq qorǵaý kúshterimen jáne Qazaqstan Respýblıkasy Qarýly Kúshteri, basqa áskerler jáne áskerı quralymdarynyń tartylǵan bólimderimen jáne bólimshelerimen olarǵa júktelgen mindetterdi tyǵyz ózara is-qımyl jasap sheshedi. 4. Qyzmetterdiń kúshteri men quraldaryn daıyndaý tabıǵı jáne tehnogendik sıpattaǵy tótenshe jaǵdaılar týyndaý, sondaı-aq qazirgi zamanǵy zaqymdaý quraldaryn qoldaný nátıjesinde qalyptasýy múmkin boljanatyn ahýaldy esepke ala otyryp, kúndelikti qyzmette aldyn ala júrgiziledi. 2. Respýblıkalyq azamattyq qorǵaý qyzmetteriniń negizgi mindetteri Qyzmetterdiń negizgi mindetteri: tótenshe jaǵdaılar saldarynan, qazirgi zamanǵy zaqymdaýshy quraldar faktorlarynan halyqty qorǵaý jáne zalaldy azaıtý jónindegi azamattyq qorǵaý is-sharalaryn josparlaý jáne qamtamasyz etý; avarııalyq-qutqarý jáne kezek kúttirmeıtin jumystardy uıymdastyrý jáne júrgizý, zardap shegýshi halyqqa kómek kórsetý; azamattyq qorǵaý quralymdaryn qurý jáne daıarlaý, maqsatqa saı jumystardy júrgizý úshin olardy ázirlikte ustaý; qaramaǵyndaǵy organdar men kúshterdi basqarýdy uıymdastyrý, olardy qajetti materıaldyq-tehnıkalyq quraldarmen qamtamasyz etý; basshylyq quramdy daıarlaý, qazirgi zamanǵy zaqymdaý quraldarynyń zaqymdaýshy faktorlarynan qorǵaný jáne tótenshe jaǵdaılardaǵy is-qımyl tásilderine personal men halyqty oqytý; azamattyq qorǵaýdyń basqarý, tótenshe jaǵdaılar qaýpi men týyndaýy týraly, qazirgi zamanǵy zaqymdaý quraldaryn qoldaný týraly halyqty qulaqtandyrý jáne aqparattandyrý júıelerin jasaýdy jáne ázirlikte ustaýdy qamtamasyz etý; radıoaktıvtik, hımııalyq, bakterıologııalyq (bıologııalyq) juqtyrýǵa (lastaý) turaqty qadaǵalaý men baqylaýdy uıymdastyrý; tıisti basqarý organdarymen jáne áskerı qolbasshylyq kúshterimen, ishki ister organdarymen ózara is-qımyldy uıymdastyrý jáne qoldaý; vedomstvolyq baǵynysty uıymdardyń evakýasııalyq is-sharalaryna basshylyq jasaý, qaýipsiz aımaqqa ornalastyrý aýdandaryn aldyn ala daıyndaý sharalaryn qabyldaý; azamattyq qorǵaý josparlaryn jáne tótenshe jaǵdaılardy joıý josparlaryn ázirleý, vedomstvolyq baǵynysty býyndarynda josparlaýdy basshylyq etý; avarııalyq-qutqarý jáne kezek kúttirmeıtin jumystardy júrgizýge sheshimderdi qabyldaý úshin azamattyq qorǵanystyń tıisti bastyqtaryna usynystar ázirleý; tıisti azamattyq qorǵanys bastyqtary qoıǵan mindetterdi oryndaý kezinde qyzmetterdiń qaramaǵyndaǵy kúshteri men quraldaryna basshylyq etý; tótenshe jaǵdaılardyń týyndaý qaýpin azaıtý, salalar men uıymdar jumystarynyń turaqtylyǵyn arttyrý jónindegi is-sharalardy ázirleýge jáne iske asyrýǵa basshylyq etý; qyzmetter quzyreti sheginde azamattyq qorǵanys is-sharalarynyń barlyq keshenine tikeleı basshylyq etýdi júzege asyrý bolyp tabylady. 2. Negizgi Respýblıkalyq azamattyq qorǵaý qyzmetteri jáne olardyń mindetteri Paragraf 1. Azamattyq qorǵaýdyń ınjenerlik qyzmeti Azamattyq qorǵaýdyń ınjenerlik qyzmeti beıbit ýaqytta jáne soǵys ýaqytynda azamattyq qorǵaý is-sharalaryn ınjenerlik qamtamasyz etý maqsatynda qurylady. Qyzmet mindetteri: 1) soǵys ýaqytynda jetispeıtin qorǵanysh qurylystary qoryn salý úshin tez salynatyn qurylystardyń úlgi jobalaryn ázirleýdi uıymdastyrý; 2) azamattyq qorǵaý salasynda jańadan qabyldanatyn jobalardy, memlekettik normatıvterdi kelisý; 3) aýdandyq josparlaý jáne aýmaqtardyń, eldi mekenderdiń, ónerkásiptik aımaqtardyń qurylysyn salý shemalary men jobalaryn jasaǵan kezde, uıymdardyń qurylys salý, keńeıtý, rekonstrýksııalaý men tehnıkalyq jaraqtandyrý jobalarynda azamattyq qorǵaý salasyndaǵy ınjenerlik-tehnıkalyq is-sharalardy iske asyrý monıtorıngi. Paragraf 2. Azamattyq qorǵaýdyń medısınalyq qyzmeti Azamattyq qorǵaýdyń medısınalyq qyzmeti beıbit ýaqytta jáne soǵys ýaqytynda azamattyq qorǵaý kúshteri jeke quramynyń densaýlyǵy men jumysqa qabilettiligin saqtaý, zaqymdanǵandarǵa jáne naýqastarǵa ýaqytynda medısınalyq kómek kórsetý, olardy evakýasııalaý, emdeý jáne qatarǵa qosý, juqpaly aýrýlardyń kenetten týyndaýy men taralýynyń aldyn alý maqsatynda qurylady. Qyzmettiń mindetteri: 1) tótenshe jaǵdaılar kezinde azamattyq qorǵaý kúshteri jeke quramy aýrýlarynyń aldyn alý jáne emdeý boıynsha vedomstvolyq baǵynysty uıymdardyń ázirligin qamtamasyz etý; 2) medısınalyq kómekti uıymdastyrý; 3) densaýlyq saqtaý vedomstvolyq baǵynysty uıymdarynyń qyzmetine basshylyq etýdi júzege asyrý; 4) medısınalyq quralymdardy qurý jáne ustaý, olardy tehnıkamen, múlikpen jáne jaraqtarmen jaraqtandyrý; 5) medısınalyq kómekti ýaqytynda kórsetý, zaqymdanǵan adamdardy evakýasııalaý jáne emdeý, zaqymdanǵan adamdardyń densaýlyǵyn qalpyna keltirý, tótenshe jaǵdaılar aımaqtarynda jáne zaqymdaý oshaqtarynda aqtalmaǵan qaıtarylmaıtyn shyǵyndar esebin barynsha azaıtý; 6) halyqty ózine jáne ózara kómek tásilderine úıretý; Paragraf 3. Azamattyq qorǵaýdyń órtke qarsy qyzmeti Azamattyq qorǵaýdyń órtke qarsy qyzmeti beıbit ýaqytta jáne soǵys ýaqytynda azamattyq qorǵaý órt qaýipsizdiginiń is-sharalaryn qamtamasyz etý maqsatynda qurylady. Qyzmet mindetteri: 1) tótenshe jaǵdaılar aımaǵynda izdestirý-qutqarý jumystaryn júrgizý, órtti sóndirý jáne oqshaýlandyrý; 2) qyzmettiń azamattyq qorǵanys josparlaryn ázirleý jáne ýaqytyly túzetý; 3) jeke quramdy qurý, jasaqtaý jáne qyzmet quralymdaryn materıaldyq quraldarmen jaraqtandyrý; 4) tabıǵı jáne tehnogendik tótenshe jaǵdaılarda ortalyq jáne jergilikti atqarýshy organdarynyń basqarý organdarymen, azamattyq qorǵaý kúshterimen ózara isqımyldy uıymdastyrý; 5) beıbit ýaqytta jáne soǵys ýaqytynda tótenshe jaǵdaılardy joıýǵa órt sóndirý bólimsheleriniń ázirligin baqylaýdy júzege asyrý; Paragraf 4. Azamattyq qorǵaýdyń janar-jaǵar maı materıaldary qyzmeti Azamattyq qorǵaýdyń janar-jaǵar maı materıaldary qyzmeti óńirlik jáne jahandyq aýqymdaǵy tabıǵı jáne tehnogendik sıpattaǵy tótenshe jaǵdaılar kezinde azamattyq qorǵaýdyń arnaıy is-sharalaryn oryndaý úshin qajetti belgilengen nomenklatýra men kólemderge sáıkes azamattyq qorǵanys quralymdarynyń munaı ónimderine muqtajdyqtaryn qanaǵattandyrý, sondaı-aq beıbit ýaqytta jáne soǵys ýaqytynda azamattyq qorǵaý is-sharalaryn oryndaý maqsatynda qurylady. Qyzmet mindetteri: 1) beıbit ýaqytta jáne soǵys ýaqytynda belgilengen nomenklatýra men kólemderge sáıkes azamattyq qorǵaý arnaıy is-sharalarynyń muqtajdyǵyn qanaǵattandyrý maqsatynda munaı-gaz, munaı-hımııalyq ónerkásip, kómirsýtekti shıkizatty tasymaldaý salasyndaǵy uıymdar men obektiler jumysynyń turaqtylyǵyn arttyrýǵa baǵyttalǵan is-sharalar ótkizý; 2) maqsaty boıynsha jumys júrgizý úshin basqarý organdarynyń, munaı-gaz kesheniniń azamattyq qorǵaý kúshteri men quraldaryn qurýdy, daıarlaýdy jáne turaqty ázirlikte ustaýdy qamtamasyz etý; 3) kómirsýtekti shıkizatty tasymaldaý salasyndaǵy mamandandyrylǵan quralymdardy qurýdy jáne daıyndaýdy qamtamasyz etý. 4) esepke alýdy júrgizý: tabıǵı jáne tehnogendik sıpattaǵy tótenshe jaǵdaılardyń zardaptaryn joıý, qazirgi zamanǵy zaqymdaý quraldaryn qoldaný boıynsha azamattyq qorǵaýdyń arnaıy is-sharalaryn qamtamasyz etýge qajet munaı-gaz keshenindegi materıaldyq quraldardyń qoryn jınaqtaý; munaı ónimderiniń qozǵalysy, Qazaqstan Respýblıkasynyń munaı bazalaryndaǵy jáne janar-jaǵar maı quıý stansııalaryndaǵy saqtaý kólemderi men nomenklatýrasy týraly; 5) tıisti basqarý organdarymen jáne áskerı qolbasshylyq kúshterimen ózara is-qımyldy uıymdastyrý jáne qoldaý; 6) qyzmet quzyretiniń sheginde azamattyq qorǵaýdyń barlyq is-sharalar keshenine tikeleı basshylyqty júzege asyrý. Paragraf 5. Azamattyq qorǵaýdyń janýarlar men ósimdikterdi qorǵaý qyzmeti Azamattyq qorǵaýdyń janýarlar men ósimdikterdi qorǵaý qyzmeti janýarlar men ósimdikterdi, aýyl sharýashylyq óndirisiniń ónimderi men mal sharýashylyǵyn, sý kózderin qorǵaý jónindegi is-sharalardy oryndaý maqsatynda qurylady. Qyzmet mindetteri: 1) janýarlar men ósimdikterdi, aýyl sharýashylyq óndirisiniń ónimderi men mal sharýashylyǵyn, sý kózderin jáne sýmen jabdyqtaý júıelerin radıoaktıvtik, hımııalyq, bakterıologııalyq zaqymdanýdan qorǵaý jónindegi is-sharalardy uıymdastyrý jáne oryndaý; 2) veterınarııalyq jáne fıtopatologııalyq barlaýdy, óńdeýdi, zaqymdanǵan janýarlardy emdeýdi uıymdastyrý; 3) zaqymdanǵan (juqpaly aýrýlar juqtyrǵan) janýarlardy májbúrli soıýdy olardy kómýdi uıymdastyrý; 4) egis, mal jaıylymdaryn jáne mal sharýashylyǵy men ósimdik sharýashylyǵyn zalalsyzdandyrý; 5) aýyl sharýashylyq ónimderi men aýyl sharýashylyq janýarlaryn qaýipsiz aımaqqa shyǵarýdy (alyp ketý) uıymdastyrý; 6) jem men jemshóptiń qajetti qoryn jasaý; 7) qyzmet quralymdaryn maqsatqa saı qurý jáne is-qımylǵa ázirlikte ustaý, olardy jeke qurammen, tehnıkamen jáne múlikpen qamtamasyz etý; 8) dári-dármekter, zalalsyzdandyrý quraldary rezervin qurý jáne ýaqytynda jańartý; 9) aýyl halqyn tabıǵı jáne tehnogendik sıpattaǵy tótenshe jaǵdaılardaǵy, zaqymdaý oshaǵyndaǵy is-qımyldarǵa oqytýdy uıymdastyrý jáne júrgizý; 10) azamattyq qorǵaýdyń basqarý júıelerin qurý jáne joǵary ázirlikte ustaý, halyqty dúleı zilzalalar, qarsylastyń qazirgi zamanǵy zaqymdaý quralyn qoldanǵan kezdegi iri avarııalar, apattar qaýpi men týyndaýy týraly qulaqtandyrý jáne aqparattaý jáne radıoaktıvtik, hımııalyq, bakterıologııalyq zaqymdanýlardy turaqty qadaǵalaýdy jáne baqylaýdy uıymdastyrý. Paragraf 6. Azamattyq qorǵaýdyń aqparat qyzmeti Azamattyq qorǵaýdyń aqparat qyzmeti azamattyq qorǵaý mindetterin oryndaý múddesinde azamattyq qorǵaý basqarý organdary men halyqty ýaqytynda jáne senimdi aqparattandyrý maqsatynda qurylady. Qyzmet mindetteri: 1) beıbit jáne soǵys ýaqytynda tabıǵı jáne tehnogendik sıpattaǵy tótenshe jaǵdaılardyń qaýpi jáne týyndaýy týraly halyqty, uıymdardy aqparattandyrý boıynsha buqaralyq aqparattyq quraldarymen birlesip, azamattyq qorǵaý is-sharalaryn ázirleý jáne oryndaý; 2) halyqty jáne aýmaqty qorǵaý, tabıǵı jáne tehnogendik sıpattaǵy tótenshe jaǵdaılar jáne qazirgi zamanǵy zaqymdaý quralyn qoldaný kezindegi is-qımyldarǵa halyqty oqytý máselelerin nasıhattaýdy buqaralyq aqparat quraldary arqyly uıymdastyrý; 3) respýblıka aýmaǵyndaǵy azamattyq qorǵaý máseleleri boıynsha resmı aqparatty jınaýdy, qorytyndylaýdy jáne usynýdy jáne halyqtyń nazaryna jetkizýdi uıymdastyrý; 4) tabıǵı jáne tehnogendik sıpattaǵy tótenshe jaǵdaılardyń týyndaýy, qazirgi zamanǵy zaqymdaý quralyn qoldaný kezinde jedel ahýaldy jarııalaý máseleleri boıynsha buqaralyq aqparat quraldary qyzmetin úılestirý; 5) tabıǵı jáne tehnogendik sıpattaǵy tótenshe jaǵdaılarda, qazirgi zamanǵy zaqymdaý quralyn qoldanǵan kezdegi adamdardyń júris-turys qaǵıdalary boıynsha jadynamalar, plakattar, býkletter, broshıýralar jáne basqa da ádebıetterdi ázirleýge jáne basyp shyǵarýǵa qatysý; 6) tótenshe jaǵdaılardy joıý, azamattyq qorǵaý kúshteriniń, avarııalyq-qutqarý qyzmeti quralymdarynyń oqý-jattyǵýlar men mashyqtanýlar oryndarynan, azamattyq qorǵaýdyń basqarý organdary otyrystarynan jáne halyqty, aýmaqtardy jáne uıymdardy qorǵaý máselesi jónindngi basqa is-sharalardan reportajdar uıymdastyrý; 7) azamattyq qorǵaý máseleleri boıynsha oqý kınofılmderin kórsetýdi uıymdastyrýda mádenıet mekemelerine ádistemelik jáne praktıkalyq kómek kórsetý; 8) izdeýdegi adamdar, joǵalǵan múlik týraly tizim men aqparattyq materıaldardy, avarııalyq-qutqarý jáne qalpyna keltirý jumystaryn júrgizý týraly jarııalaýda azamattyq qorǵaý jónindegi basqarý organdaryna járdem kórsetý; 9) qyzmet quzyretine kiretin máseleler boıynsha jýrnalıster úshin baspasóz konferensııalaryn, brıfıngter men konsýltasııalar uıymdastyrý; 10) tabıǵı jáne tehnogendik sıpattaǵy tótenshe jaǵdaılar qaýpi men týyndaýy týraly halyqty, uıymdardy aqparattandyrý jóninde is-sharalar keshenin ázirleý. Paragraf 7. Azamattyq qorǵaýdyń baılanys qyzmeti Azamattyq qorǵaýdyń baılanys qyzmeti baılanys salasynda qyzmetter usynatyn tulǵalardyń qyzmetin úılestirýdi jáne retteýdi júzege asyrý maqsatynda qurylady. Qyzmet mindetteri: 1) qyzmettiń baǵynysty kúshteri men quraldaryn basqarýdy uıymdastyrý; 2) shart mindettemelerine sáıkes tabıǵı jáne tehnogendik sıpattaǵy tótenshe jaǵdaılardyń týyndaý qateri, qazirgi zamanǵy zaqymdaý quraldaryn qoldaný kezinde baılanys operatorlarynyń qosymsha baılanys arnalaryn usynýy; 3) tabıǵı jáne tehnogendik sıpattaǵy tótenshe jaǵdaılar aımaqtarynda, zaqymdaý oshaqtarynda qutqarý jáne basqa kezek kúttirmeıtin jumystardy júrgizgen kezde halyqty, aýmaqtardy qorǵaý jónindegi is-sharalardy júrgizgende azamattyq qorǵaýdyń basqarý organdarymen jáne uıymdarmen birlesip baılanysty josparlaý jáne uıymdastyrý; 4) azamattyq qorǵanys josparlary men tótenshe jaǵdaılardy joıý jónindegi is-qımyldar josparlaryn ázirleý, vedomstvolyq baǵynysty uıymdarda josparlaýǵa basshylyq etý; 5) qyzmettiń kúshteri men tehnıkalyq quraldaryn qurý jáne ázirlikte ustaýdy baqylaý; 6) tabıǵı jáne tehnogendik sıpattaǵy tótenshe jaǵdaılarda ortalyq jáne jergilikti atqarýshy organdarynyń basqarý organdarymen, azamattyq qorǵaý kúshterimen ózara is-qımyldy uıymdastyrý; 7) baılanys boıynsha azamattyq qorǵaý quralymdarynyń jeke quramyn qurý, ustaý, jasaqtaý jáne materıaldyq quraldarmen jaraqtandyrý, avarııalyq-qalpyna keltirý jumystaryn júrgizýge olardy daıyndaý jáne úıretý; 8) seısmıkalyq qaýipti aımaqta ornalasqan obektilerde jumys isteý úshin seısmıkalyq qaýipti aýdandardan tys jerdegi baılanys kásiporyndary qyzmetkerleriniń qosarlas quramyn daıarlaý jónindegi is-sharalardy ótkizý; 9) vedomstvolyq baǵynysty uıymdardyń evakýasııalyq is-sharalaryna basshylyq etý; 10) qalyptasqan ahýal, olardy taldaý týraly málimetterdi jınaýdy uıymdastyrý, qyzmet bastyǵy sheshimder qabyldaý úshin usynystar ázirleý, mindetter qoıý jáne olardy oryndaýshylar nazaryna jetkizý, oryndalýyn baqylaý. Paragraf 8. Azamattyq qorǵaýdyń qoǵamdyq tártipti qorǵaý qyzmeti Azamattyq qorǵaýdyń qoǵamdyq tártipti qorǵaý qyzmeti beıbit ýaqytta jáne soǵys ýaqytynda tabıǵı jáne tehnogendik sıpattaǵy tótenshe jaǵdaılar kezinde qoǵamdyq tártipti qorǵaýdy uıymdastyrý, qoǵamdyq qaýipsizdikti qamtamasyz etý maqsatynda qurylady. Qyzmet mindetteri: 1) tabıǵı jáne tehnogendik sıpattaǵy tótenshe jaǵdaılar aýdandaryn, zaqymdaý oshaqtaryn oqshaýlaý; 2) evakýasııalyq is-sharalardy qamtamasyz etýge qatysý; 3) azamattardy ýaqytsha ornalastyrý, jylytý, tamaqtandyrý jáne zattaı úles berý pýnktterin kúzetý; 4) komendanttyq qyzmetti uıymdastyrýǵa jáne ótkerýge qatysý; 5) qajet bolǵan jaǵdaıda múddeli memlekettik organdardy, sondaı-aq halyqty tótenshe jaǵdaılar týyndaý qaýpi, úreıge jáne jalǵan arandatýshy sybystardy taratýǵa jol bermeý týraly jedel qulaqtandyrýdy júrgizýge ishki ister organdarynyń qatysýy; 6) qyzmettiń azamattyq qorǵaý josparlaryn ázirleý jáne ýaqytynda túzetý; 7) azamattyq qorǵaý is-sharalaryn júrgizgen kezde olarǵa júktelgen mindetterdi sheshýge vedomstvolyq baǵynysty qyzmetterdi daıarlaýǵa baqylaýdy uıymdastyrý jáne júzege asyrý; 8) tabıǵı jáne tehnogendik sıpattaǵy tótenshe jaǵdaılar kezinde qoǵamdyq tártipti qorǵaýdy jáne jol qozǵalysynyń qaýipsizdigin qamtamasyz etý; 9) qutqarý jáne basqa kezek kúttirmeıtin jumystardy júrgizý úshin halyqty, sondaı-aq kóliktik jáne ózge de quraldardy tartýǵa azamattyq qorǵaýdyń laýazymdy adamdaryna járdemdesý; 10) tabıǵı jáne tehnogendik sıpattaǵy tótenshe jaǵdaılardan qorǵaý tásilderine qyzmettiń jeke quramyn oqytýdy uıymdastyrý; 11) qala syrtyndaǵy aımaqta evakýasııalanǵan halyqty tirkeýdi qamtamasyz etý jáne mekenjaı-anyqtamalyq jumystardy júrgizý úshin bastapqy málimetterdi daıyndaý; 12) tabıǵı jáne tehnogendik sıpattaǵy tótenshe jaǵdaılar týyndaǵan kezde jáne soǵys ýaqytynda belgilengen tártipte qyzmettiń kúshter qyzmetiniń turaqtylyǵyn arttyrýǵa baǵyttalǵan is-sharalardy uıymdastyrý jáne júrgizý; 13) qyzmettiń jeke quramyn jeke qorǵaný quraldarymen, radıasııalyq, hımııalyq barlaý aspaptarymen qamtamasyz etý jáne dozımetrııalyq baqylaý; 14) tótenshe jaǵdaılar kezinde jáne soǵys ýaqytynda azamattyq qorǵaý mindetterin oryndaýdy qamtamasyz etý úshin jeke quramda joǵary moraldyq jáne psıhologııalyq qasıetti tárbıeleý. Paragraf 9. Azamattyq qorǵaýdyń radıasııalyq qorǵaý qyzmeti Azamattyq qorǵaýdyń radıasııalyq qorǵaý qyzmeti beıbit ýaqytta jáne soǵys ýaqytynda halyqqa, aýmaqqa jáne obektilerge ıondalǵan sáýle shyǵarý yqpalyn boldyrmaý nemese álsiretý, sondaı-aq olardyń radıoaktıvti zattarmen zaqymdanýynan saqtaý maqsatynda qurylady. Qyzmet mindetteri: 1) radıoaktıvti zaqymdaný týraly basqarý organdary men halyqty qulaqtandyrýdy uıymdastyrý; 2) tabıǵı jáne tehnogendik sıpattaǵy tótenshe jaǵdaılar kezinde, qazirgi zamanǵy zaqymdaý quraldaryn qoldanǵan kezde halyqqa radıoaktıvti áserdi barynsha tómendetý maqsatynda is-sharalardy uıymdastyrý jáne josparlaý; 3) radıoaktıvti zattardy óndiretin, saqtaıtyn nemese qaıta óńdeıtin obektilerde avarııa bolǵan kezde, sondaı-aq beıbit ýaqytta jáne soǵys ýaqytynda olardy tasymaldaý kezinde radıoaktıvtik áserdiń zalalyn azaıtý jónindegi is-sharalardy ázirleý jáne oryndaý; 4) radıoaktıvti zattardy óndirýde jáne ıondalǵan sáýle shyǵarý kózderin paıdalanatyn kásiporyndar men uıymdardy esepke alýdy júrgizý; 5) radıoaktıvti zaqymdaý aımaqtarynda dezaktıvasııalaý jumystaryn uıymdastyrý jáne júrgizý; 6) tıisti basqarý organdarymen jáne áskerı qolbasshylyq kúshterimen ózara is-qımyldy uıymdastyrý jáne qoldaý; 7) qyzmet quzyreti sheginde azamattyq qorǵaýdyń barlyq is-sharalar keshenine tikeleı basshylyq etýdi júzege asyrý. Paragraf 10. Azamattyq qorǵaýdyń hımııalyq qorǵaý qyzmeti Azamattyq qorǵaýdyń hımııalyq qorǵaý qyzmeti beıbit ýaqytta jáne soǵys ýaqytynda hımııalyq zaqymdanýdan halyqty, aýmaqtardy jáne uıymdardy tıimdi qorǵaýdy qamtamasyz etý, gazsyzdandyrý jumystaryn júrgizý, kúshti áser etetin ýly zattarmen zaqymdaý oshaqtaryn joıý maqsatynda qurylady. Qyzmet mindetteri: 1) hımııalyq zaqymdaný qaýpi nemese týyndaýy týraly halyqty ýaqytynda qulaqtandyrýdy uıymdastyrý; 2) hımııalyq barlaýdy júrgizý; 3) kúshti áser etetin ýly zattar óndiretin, saqtaıtyn nemese qaıta óńdeıtin obektilerde avarııa bolǵan kezde, sondaı-aq beıbit ýaqytta jáne soǵys ýaqytynda olardy tasymaldaý kezinde kúshti áser etetin ýly zattar áserinen zalaldy azaıtý jónindegi is-sharalardy ázirleý jáne oryndaý; 4) tabıǵı jáne tehnogendik sıpattaǵy tótenshe jaǵdaılar aımaqtarynda, zaqymdaý oshaqtarynda hımııalyq zaqymdanýdyń yqtımal oshaqtaryndaǵy ahýaldy boljaý jáne baǵalaý; 5) Respýblıkalyq qadaǵalaý jelisi jáne zerthanalyq baqylaý mekemelerinen kúshti áser etetin ýly zattarmen hımııalyq zaqymdaný týraly aqparatty alý jáne qorytyndylaý; 6) hımııalyq zaqymdaný kezinde tótenshe jaǵdaılar aımaqtarynda jáne zaqymdaý oshaqtarynda, hımııalyq zaqymdaný jaǵdaılarynda qutqarý jáne basqa kezek kúttirmeıtin jumystardy júrgizýge qatysatyn halyqty jáne quralymdardyń jeke quramyn qorǵaý rejımin ázirleý; 7) hımııalyq zaqymdaný kezinde halyq arasynda qaǵıdalar jáne is-qımyldar týraly túsindirý jumystaryn júrgizý; 8) hımııalyq zaqymdaný aımaqtarynda qutqarý jáne basqa kezek kúttirmeıtin jumystardy júrgizý kezinde quralymdar jeke quramynyń qaýipsizdigi men qorǵalýyn qamtamasyz etý; 9) qorǵanysh qurylystarynda aýany súzgiden ótkizý men regenerasııalaýdyń tehnıkalyq quraldarynyń jaı-kúıine baqylaý jasaý; 10) hımııalyq zaqymdanýmen baılanysty, onyń ishinde kúshti áser etetin ýly zattardy tasymaldaǵan kezde tabıǵı jáne tehnogendik sıpattaǵy tótenshe jaǵdaılar saldaryn joıýdy uıymdastyrý; 11) hımııalyq qaýipti obektilerdi esepke alý. Paragraf 11. Azamattyq qorǵaýdyń saýda qyzmeti Azamattyq qorǵaýdyń saýda qyzmeti beıbit ýaqytta jáne soǵys ýaqytynda tótenshe jaǵdaılardy jáne olardyń saldaryn joıý kezinde saýda qyzmetin úılestirý maqsatynda qurylady. Qyzmettiń mindetteri: 1) beıbit ýaqytta jáne soǵys ýaqytyndaǵy tótenshe jaǵdaılar kezinde saýda qyzmeti salasynda basshylyq etýdi qamtamasyz etedi; 2) oblystardyń, respýblıkalyq mańyzy bar qalanyń, astananyń, oblystyq mańyzy bar qalalardyń saýda qyzmetteriniń qyzmetin úılestiredi; Paragraf 12. Azamattyq qorǵaýdyń energetıka qyzmeti Azamattyq qorǵaýdyń energetıka qyzmeti beıbit ýaqytta jáne soǵys ýaqytynda tabıǵı jáne tehnogendik sıpattaǵy tótenshe jaǵdaılar, qazirgi zamanǵy zaqymdaý quraldaryn qoldaný kezinde azamattyq qorǵaýdyń arnaıy is-sharalaryn oryndaýǵa qajetti energetıkalyq jáne otyn resýrstarynda halyq jáne azamattyq qorǵaý quralymdary qajettilikterin qanaǵattandyrý maqsatynda qurylady. Qyzmet mindetteri: 1) tutynýshylardy, uıymdardy jáne respýblıka halqyn úzdiksiz energııamen jabdyqtaý boıynsha energetıka júıeleri, jelilik kásiporyndar jáne energetıka obektileri jumystarynyń turaqtylyǵyn arttyrýǵa baǵyttalǵan is-sharalar júrgizý; 2) jekelegen energetıka obektileriniń, elektr tasymaldaý jelileriniń, tutynýshylardyń isten shyǵýyn esepke ala otyryp, energojúıeler men elektr stansııalaryn jumysqa daıyndaý, tabıǵı jáne tehnogendik sıpattaǵy tótenshe jaǵdaılar kezinde ekinshi kezektegi tutynýshylardy jedel sóndirýge daıyndaý jónindegi is-sharalardy júzege asyrý; 3) tabıǵı jáne tehnogendik tótenshe jaǵdaılar kezinde tirshilikti qamtamasyz etý júıesine kiretin asa mańyzdy obektilerdi jáne jaýapty tutynýshylardy úzdiksiz elektrmen jabdyqtaýdy uıymdastyrý; 4) erekshe jumys rejımine energetıkalyq jeliler men energetıka obektilerin aýystyrý boıynsha is-sharalarǵa basshylyq etý jáne júzege asyrý; 5) basqarý organdaryn jáne azamattyq qorǵaý kúshteri men quraldaryn qurý, daıarlaý jáne turaqty ázirlikte ustaý, maqsaty boıynsha jumysty júrgizý úshin energetıka keshenin uıymdastyrý; 6) myna: tabıǵı jáne tehnogendik sıpattaǵy tótenshe jaǵdaılar, qazirgi zamanǵy zaqymdaý quraldaryn paıdalaný saldaryn joıý boıynsha jumysty qamtamasyz etý úshin qajetti uıymdarda materıaldyq quraldar qorlarynyń jınaqtalýyn; elektrlik stansııalardyń otyn qorlarynyń jınaqtalýyn esepke alýdy júrgizý; 7) qyzmettiń quzyreti sheginde azamattyq qorǵaý is-sharalarynyń barlyq keshenine tikeleı basshylyqty júzege asyrý. Paragraf 13. Azamattyq qorǵaýdyń joldar jáne kópirler qyzmeti Azamattyq qorǵaýdyń joldar jáne kópirler qyzmeti beıbit ýaqytta jáne soǵys ýaqytynda tabıǵı jáne tehnogendik sıpattaǵy tótenshe jaǵdaılar týyndaǵan, qazirgi zamanǵy zaqymdaý quraldaryn qoldanǵan jaǵdaıda azamattyq qorǵaý is-sharalaryn ótkizý kezinde jol-kópirmen qamtamasyz etýdi, joldar men kópirlerdi jóndeý men qaıta qalpyna keltirýdi josparlaý men uıymdastyrýǵa arnalǵan. Qyzmet mindetteri: 1) beıbit ýaqytta jáne soǵys ýaqytyndaǵy tabıǵı jáne tehnogendik sıpattaǵy tótenshe jaǵdaılardyń zardabynan jumysshylardy, qyzmetshilerdi qorǵaý jáne jol salasynyń zalalyn azaıtý jónindegi is-sharalar keshenin daıyndaý jáne aldyn ala ótkizý; 2) beıbit ýaqytta jáne soǵys ýaqytynda azamattyq qorǵaýdyń jol jáne arnaıy is-sharalaryn uıymdastyrý jáne ótkizý; 3) maqsatqa saı is-qımyldarǵa qyzmetter quralymdaryn qurý jáne ázirlikte ustaý; 4) tabıǵı jáne tehnogendik sıpattaǵy tótenshe jaǵdaılar aımaqtarynda, zaqymdaý oshaqtarynda qutqarý jáne basqa kezek kúttirmeıtin jumystardy júrgizý kezindegi azamattyq qorǵaý kúshteriniń jáne avarııalyq-qutqarý qyzmetteri qurylymdarynyń is-qımyldaryn qamtamasyz etý; 5) tabıǵı jáne tehnogendik tótenshe jaǵdaılar kezinde respýblıkanyń avtojoldar jelisin, sol jerdegi asa mańyzdy obektilerdi tehnıkalyq búrkemeleý; 6) avtomobıl joldarynyń jaı-kúıin barlaýdy uıymdastyrý jáne júrgizý; 7) tabıǵı jáne tehnogendik sıpattaǵy tótenshe jaǵdaılar, qazirgi zamanǵy zaqymdaý quraldaryn qoldaný kezindegi kóliktik kommýnıkasııalardaǵy zaqymdalýlardy joıý; 8) qutqarý jáne basqa kezek kúttirmeıtin jumystardy júrgizý obektilerine kúsh pen quraldardy jyljytý jáne zardap shegýshiler men materıaldyq quraldardy evakýasııalaý úshin lekpen júretin joldardy jabdyqtaý jáne júretin (ótetin) joldy jasaý; 9) beıbit ýaqytta jáne soǵys ýaqytynda sala obektilerinde qutqarý jáne basqa kezek kúttirmeıtin jumystardy uıymdastyrý jáne júrgizý, zardap shegýshilerge kómek kórsetý, osy jumystardy júrgizý úshin kúshter men quraldardy qurý jáne ázirlikte ustaý. 10) tabıǵı jáne tehnogendik sıpattaǵy tótenshe jaǵdaılarda jol salasy obektileriniń turaqty jumysyn qamtamasyz etý; 11) beıbit ýaqytta, soǵys ýaqytynda jáne tabıǵı jáne tehnogendik sıpattaǵy tótenshe jaǵdaılar kezinde qalalyq, qala syrtyndaǵy qosalqy jáne qosarlas basqarý pýnktterinen basqarýdy uıymdastyrý; 12) aqparatty jınaý jáne taldaý, avtojoldar men kópirlerdegi buzylǵan ýchaskeler arqyly ótýdi qamtamasyz etý boıynsha sheshimder qabyldaý úshin usynystar ázirleý, mindetterdi qoıý jáne oryndaý. Paragraf14. Azamattyq qorǵaýdyń kólik qyzmeti Azamattyq qorǵaýdyń kólik qyzmeti beıbit ýaqytta jáne soǵys ýaqytynda arnaıy azamattyq qorǵaý is-sharalaryn kóliktik qamtamasyz etý maqsatynda qurylady. Qyzmet mindetteri: 1) Azamattyq qorǵanys josparlaryna sáıkes azamattyq qorǵaý is-sharalaryn kóliktik qamtamasyz etý esebin ázirleý; 2) qutqarý jáne basqa kezek kúttirmeıtin jumystardy júrgizý oryndaryna ózara is-qımyl josparlary boıynsha beriletin zardap shegýshi halyqty, azamattyq qorǵaý kúshteri men quraldaryn, áskerı bólimderi men bólimshelerin tasymaldaý boıynsha temirjol, teńiz, ózen, áýe jáne avtomobıl kóliktik tasymaldaý uıymdaryn úılestirý; 3) yqtımal jumystar obektilerine jumysshylar aýysymyn tasymaldaýdy (ákelý, áketý) uıymdastyrý; 4) tabıǵı jáne tehnogendik tótenshe jaǵdaılar saldaryn joıýǵa jáne boldyrmaýǵa, zardap shegýshilerge kómek kórsetýge qajetti azamattyq qorǵaý jáne avarııalyq-qutqarý qyzmetteri, arnaıy júkter quralymdarynyń jeke quramyn jetkizýdi qamtamasyz etý; 5) qyzmettiń kólik quralymdaryn qurý jáne qoldanýǵa ázirlikte ustaý, olardy jeke qurammen, tehnıkamen jáne múlikpen jasaqtaý; 6) qosalqy bólshekterdiń, janar-jaǵarmaı materıaldarynyń rezervtik qoryn qurý; 7) qozǵalys baǵdarlarynda tehnıkalyq qyzmet kórsetýdi jáne kólik quraldaryn jóndeýdi uıymdastyrý. Paragraf 15. Azamattyq qorǵaýdyń ulttyq gıdrometeorologııalyq qyzmeti Azamattyq qorǵaýdyń gıdrometeorologııalyq qamtamasyz etý qyzmeti beıbit ýaqytta jáne soǵys ýaqytynda qorshaǵan orta jaǵdaıynyń monıtorıngisin, meteorologııalyq jáne gıdrologııalyq monıtorıngisin júrgizý maqsatynda qurylady. Qyzmet mindetteri: 1) jedel baqylaýdy júrgizý jáne avarııalar men apattardan, sondaı-aq qazirgi zamanǵy zaqymdaý quraldaryn qoldanýdan bolatyn radıoaktıvtik jáne hımııalyq lastaýdy ólsheýdi júzege asyrý; 2) qaýipti gıdrometeorologııalyq qubylystardy, selderdi, qar kóshkinderin, qorshaǵan tabıǵı orta lastanýynyń joǵary deńgeıin jáne olarmen baılanysty tótenshe jaǵdaılar, olardyń qaýpi týraly ýaqtyly qulaqtandyrý; 3) Azamattyq qorǵaýdyń memlekettik júıesiniń basqarý organdaryna qorshaǵan tabıǵı ortanyń lastaný deńgeıi týraly gıdrometeorologııalyq aqparatty jáne derekterdi usyný. Buıryq Qazaqstan Respýblıkasynyń Ádilet mınıstrliginde 2014 jylǵy 17 shildede Normatıvtik quqyqtyq kesimderdi memlekettik tirkeýdiń tizilimine №9593 bolyp engizildi.