Qazaqstan Respýblıkasy Energetıka mınıstrliginiń buıryǵy  №63 

2014 jylǵy 21 qazan, Astana qalasy Taýarlyq gazben jabdyqtaýdyń biryńǵaı júıesi obektileriniń jumys rejımderin ortalyqtandyrylǵan jedel-dıspetcherlik basqarýdy júzege asyrý qaǵıdalaryn bekitý týraly «Gaz jáne gazben jabdyqtaý týraly» Qazaqstan Respýblıkasynyń 2012 jylǵy 9 qańtardaǵy Zańy 6-babynyń 11) tarmaqshasyna sáıkes buıyramyn: 1. Qosa berilip otyrǵan Taýarlyq gazben jabdyqtaýdyń biryńǵaı júıesi obektileriniń jumys rejımderin ortalyqtandyrylǵan jedel-dıspetcherlik basqarýdy júzege asyrý qaǵıdalary bekitilsin. 2. Qazaqstan Respýblıkasy Energetıka mınıstrliginiń Gaz ónerkásibin damytý departamenti: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń buqaralyq aqparat quraldarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin; 3) osy buıryqtyń Qazaqstan Respýblıkasy Energetıka mınıstrliginiń ınternet-resýrsynda ornalastyrylýyn qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasy Energetıka mınıstrliginiń jetekshilik etetin vıse-mınıstrine júktelsin. 4. Osy buıryq alǵashqy resmı jarııalanǵanynan keıin kúntizbelik on kún ótken soń qoldanysqa engiziledi. Mınıstr V.ShKOLNIK. Qazaqstan Respýblıkasy Energetıka mınıstriniń 2014 jylǵy 21 qazandaǵy №63 buıryǵymen bekitilgen Taýarlyq gazben jabdyqtaýdyń biryńǵaı júıesi obektileriniń jumys rejımderin ortalyqtandyrylǵan jedel-dıspetcherlik basqarýdy júzege asyrý qaǵıdalary 1. Jalpy erejeler 1. Osy Taýarlyq gazben jabdyqtaýdyń biryńǵaı júıesi obektileriniń jumys rejımderin ortalyqtandyrylǵan jedel-dıspetcherlik basqarýdy júzege asyrý qaǵıdalary (budan ári – Qaǵıdalar) «Gaz jáne gazben jabdyqtaý týraly» Qazaqstan Respýblıkasynyń 2012 jylǵy 9 qańtardaǵy Zańyna (budan ári – Zań) sáıkes ázirlengen jáne ortalyqtandyrylǵan jedel-dıspetcherlik basqarýdy júzege asyrý kezinde taýarlyq gazben jabdyqtaýdyń biryńǵaı júıesi sýbektileriniń ózara is-qımyl tártibin aıqyndaıdy. 2. Osy Qaǵıdalarda paıdalanylatyn uǵymdar Zańǵa sáıkes qoldanylady. 2. Ortalyqtandyrylǵan jedel-dıspetcherlik basqarýdy júzege asyrý tártibi 3. Taýarlyq gazben jabdyqtaýdyń biryńǵaı júıesin obektileriniń jumys rejımderin ortalyqtandyrylǵan jedel-dıspetcherlik basqarýdy (budan ári — JDB) ulttyq operator júzege asyrady. 4. Ortalyqtandyrylǵan JDB-ny júzege asyrý kezinde ulttyq operatordyń gaz tasymaldaý jáne gaz taratý uıymdarymen ózara is-qımylyn qamtamasyz etý sharttardyń negizinde júzege asyrylady. 5. JDB-nyń negizgi mindetteri: 1) taýarlyq gazben jabdyqtaýdyń biryńǵaı júıesiniń jumysyn táýlik boıy JDB jáne úılestirý; 2) gaz tasymaldaý jáne gaz taratý uıymdarynyń dıspetcherlik qyzmetteri arqyly Qazaqstan Respýblıkasynyń tutynýshylaryn taýarlyq gazben jabdyqtaýdy basqarý; 3) jasalǵan taýarlyq gazdy tasymaldaý sharttaryna sáıkes taýarlyq gazben jabdyqtaýdyń biryńǵaı júıesiniń jumys rejımderin ázirleý jáne olardyń oryndalýyn baqylaý; 4) ólsheý toraptarynda jáne gaz taratý stansııalarynda gazdy ólsheý keshenderiniń jumysyn baqylaý, sondaı-aq gaz taratý júıeleri boıynsha taýarlyq gaz balansyn taldaý jáne baqylaý. 6. Ulttyq operator ortalyqtandyrylǵan JDB-ny júzege asyrý kezinde mynadaı fýnksııalardy oryndaıdy: 1) gaz tasymaldaý jáne gaz taratý uıymdarynyń dıspetcherlik qyzmetteri arqyly taýarlyq gazben jabdyqtaýdyń biryńǵaı júıeleri obektileriniń jumys rejımderin basqarýdy qamtamasyz etedi; 2) qysqy kezeńdegi jumys qorytyndylary boıynsha taýarlyq gazben jabdyqtaýdyń biryńǵaı júıesindegi aqaýlyqtardyń týyndaý táýekeli joǵary obektilerdi taldaý men anyqtaýdy júzege asyrady; 3) taýarlyq gazben jabdyqtaýdyń biryńǵaı júıesi obektileriniń aqaýlyq týyndaý táýekelderin joıý jóninde usynystar ázirleıdi; 4) jeke muqtajdarǵa jáne shyǵyndarǵa (budan ári – JMjSh) taýarlyq gazdyń shyǵysyn eskere otyryp, taýarlyq gazben jabdyqtaýdyń biryńǵaı júıesine taýarlyq gazdyń túsýi men ony tutynýshylarǵa taratýdyń jalpy balansyn jasaıdy; 5) taýarlyq gazben jabdyqtaýdyń biryńǵaı júıesindegi gazdy esepke alýdyń shynaıylyǵyn qamtamasyz etedi; 6) taýarlyq gazben jabdyqtaýdyń biryńǵaı júıesi obektilerindegi taýarlyq gazdy esepke alý jónindegi derekterdiń sáıkes kelmeý sebepterine júıeli túrde taldaý júrgizedi jáne gaz tasymaldaý men gaz taratý uıymdaryna taýarlyq gazdy esepke alý dáldigin arttyrý jóninde usynymdar ázirleýdi júzege asyrady; 7) taýarlyq gazdy esepke alý men hımııalyq taldaý boıynsha jańa tehnıkany engizý jónindegi is-sharalarǵa qatysady; 8) taýarlyq gazdyń táýliktik jumsalýyn esepteý jáne gaz tasymaldaý júıesi (budan ári - GTJ) boıynsha taýarlyq gazdyń ótýin taldaý jónindegi baǵdarlamalyq qamtamasyz etýdi ázirleýge qatysady; 9) tasymaldaýǵa qabyldanatyn jáne tasymaldanatyn taýarlyq gazdyń sapalyq parametrleriniń Qazaqstan Respýblıkasynyń tehnıkalyq reglamentteri men ulttyq standarttaryna sáıkestigin júıeli túrde baqylaýdy qamtamasyz etedi; 10) shektes memleketterdiń gaz tasymaldaý júıelerimen taýarlyq gazdy tasymaldaý rejımderiniń ornyqtylyǵyn basqarý jáne qamtamasyz etý jónindegi ózara is-qımylyn qamtamasyz etedi; 11) taýarlyq gazdy tasymaldaýdyń perspektıvalyq jáne qysqa merzimdi josparlaryn (kestelerin) jasaýǵa qatysady; 12) gaz tasymaldaý jáne gaz taratý uıymdarynyń dıspetcherlik qyzmetterimen birlesip, otyn-energetıkalyq resýrstardyń eń az shyǵyndary kezinde taýarlyq gazdy tasymaldaý jónindegi josparlardyń oryndalýyna yqpal etedi; 13) taýarlyq gazben jabdyqtaýdyń biryńǵaı júıesi boıynsha taýarlyq gazdy jerasty gaz qoımalardan taýarlyq gazdy aıdaý men irikteý deńgeıin qamtamasyz etetin taýarlyq gazdy tasymaldaý shemasyn ázirleıdi; 14) berilgen naqty rejımderdiń aýytqý sebepterin taldaıdy, árbir GTJ boıynsha jáne tutastaı alǵanda Qazaqstan Respýblıkasy boıynsha jumys rejımin ońtaılandyrý jóninde usynystar ázirleıdi; 15) taýarlyq gazben jabdyqtaýdyń biryńǵaı júıesi obektileriniń ońtaıly jumys rejımderi kezinde taýarlyq gazdyń berilgen aǵyndaryn qamtamasyz etedi; 16) táýlik saıyn gaz tasymaldaý jáne gaz taratý uıymdarynyń JMjSh-ge shyǵysyn eskere otyryp, taýarlyq gazben jabdyqtaýdyń biryńǵaı júıesine taýarlyq gazdyń túsýi men ony tutynýshylarǵa taratýdyń balanstaryn jasaıdy; 17) dıspetcherlik qyzmettermen birlesip, taýarlyq gazben jabdyqtaýdyń biryńǵaı júıeleri obektilerindegi josparly-aldyn ala jóndeý jumystarynyń biriktirilgen kestelerin ázirleıdi; 18) taýarlyq gazben jabdyqtaýdyń biryńǵaı júıesin damytý jónindegi, onyń ishinde onyń jumysynyń senimdiligin arttyrýǵa baǵyttalǵan jobalar men is-sharalardy ázirleýge jáne iske asyrýǵa qatysady; 19) taýarlyq gazben jabdyqtaýdyń biryńǵaı júıesindegi taýarlyq gazdy kommersııalyq esepke alýdyń avtomattandyrylǵan júıesin KО́RÝ men onyń jumys isteýin qamtamasyz etedi. Buıryq Qazaqstan Respýblıkasynyń Ádilet mınıstrliginde 2014 jylǵy 21 qarashada Normatıvtik quqyqtyq kesimderdi memlekettik tirkeýdiń tizilimine №9893 bolyp engizildi.