Asylyn ardaqtaǵan el ozady

Konferensııa barysynda ultynyń qa­myn jegen aqyn-qaıratkerdiń qoǵamdyq-saıası, ádebı tulǵasyna tereńnen toqtalyp, kóne kómbeniń qoınaýyndaǵy talaı syr marjandaı tizilip, aqtaryldy. Jas tolqynǵa beı­málim tarıhı shyndyq bar mán-maz­munymen tolaıym órnek­telip, kókirekterge nár bolyp quıyldy. Memleket jáne qoǵam qaıratkeri, abzal azamat, aıaýly aqyn Sáken Seıfýl­lın – qamshynyń sabyndaı qysqa ǵumyrynda keıingi urpaqqa ólsheý­siz mol mádenı mura qal­dyrǵan eren tulǵa. Áde­bıet­tiń barlyq janrynda qalam sil­tegen jańashyl aqyn, kórnekti qalam­gerdiń qalamynan týǵan kórkem shyǵarmalar óziniń shynaıy sezi­mimen, kórkem obrazdary, tereń ıdeıalary arqyly hal­qy­myzdyń estetıkalyq ıgiligin meı­lin­she­ baıytty. Asylynda Sáken óz shy­ǵarmalary arqyly qazaq áde­bıetine tuńǵysh ret tóńkerisshil rýh engizdi. Aqynnyń óleńderi men poemalarynda ózi ómir súrgen kezeńniń, dáýirdiń, zamannyń obrazy, ózi de sol dáýirdiń perzenti bol­ǵandyqtan, asqaq pafos­pen berildi. Aǵar­tý­shylyq, demokrattyq baǵyt­ta, syn­shyl realızm ádisiniń arna­syn­da jazylǵan týyndylary áleý­­mettik-qoǵamdyq mazmuny, kór­­kemdik-estetıkalyq erek­she­ligi, poetıkalyq-aqyndyq qýa­ty qa­lam­­­­gerdiń tabıǵı úzdik ta­lan­tyn, aza­mattyq pozısııasyn, pál­sa­pa­lyq dúnıetanymyn aı­qyn baı­qatty.

Konferensııany jazýshy-dramatýrg Jabal Erǵalıev ashyp, júrgizip otyrdy. Oblys ákiminiń orynbasary Altynaı Ámirenova quttyqtaý sóz sóılegennen keıin memleket jáne qoǵam qaıratkeri Oralbaı Ábdikárimov aqyn týraly aqjarma lebizin bildirip, tereńnen tolǵap syr shertti. «Qazaq gazetteri» seriktestiginiń bas dırektory, akademık Dıhan Qamzabekuly sol dáýirdiń tynysyn, Alash qaıratkerleriniń basynan keshken almaǵaıyp zamany, san qıly sezimderdiń arbasýy týraly aıta kelip, aqynnyń tar jol, taıǵaq keshken taǵdyry týraly naqty derekterdi keltire otyryp, kóz aldymyzǵa sol bir qıyn da qııapat zamannyń tutas keskinin keltirdi. Qazaqstannyń eńbek sińirgen qaıratkeri, fılologııa ǵylymdarynyń doktory Serik Negımov kesteli kórkem tilimen daýylpaz aqynnyń dara beınesin jan-jaqty somdap berdi. Tarıh ǵylymdarynyń doktory, Sáken Seıfýllın mýzeıiniń basshysy Marat Ábsemetov aqynnyń qoǵamdyq-saıası jumysy, ádebı shyǵarmashylyq, qalamgerlik órisi týraly keńinen tolǵady. Ádebıetshi ǵalym Sábıt Jámbek aqynnyń shyǵarmashylyq kelbe­tin kórkem sózben keskindedi.

Sáken Seıfýllın aqyn-jazý­shy ǵana emes, qazaq jurty úshin úlken ister tyndyrǵan memleket jáne qoǵam qaıratkeri. Halyq­shyldyǵymen dara, son­dyqtan, onyń aıaýly esimi jur­tynyń júreginde. Qaı zamanda bolsyn el mundaı perzentin árdaıym qasterleıdi. Halyq­shyl qasıeti daýylpaz aqyndy basqa qaıratkerlerden ere­k­she­lep, tulǵasyn daralap, bar syr-symbatymen tarıh bette­rinde jarqyrap kórinýine jol ashty.

Kókshetaý