Ulttyq banktiń ınvestısııalyq monetalary halyqtyń jeke jınaq qoryn quryp, ınvestısııalaýyna arnalǵan. Mundaı monetalardyń tırajyna shekteý qoıylmaǵandyqtan, suranysqa qaraı shyǵarylady. Jalpy, bas bank 3 túrli ınvestısııalyq moneta shyǵardy:
1) Nomınaly 1 000, 2 500, 5 000 jáne 10 000 teńgelik «Jibek joly» monetalary;
2) Nomınaly 10, 20, 50, 100, 200 jáne 500 teńgelik «Altyn barys» jáne nomınaly 1, 2, 5, 10 teńgelik «Kumis barys» monetalary;
3) 2023 jyly Ulttyq bank «Altyn barys» jáne «Kúmis barys» ınvestısııalyq monetalaryna rebrendıng júrgizdi. 2024 jylǵy naýryzda osy monetalardyń ornyna jańa «Kókbóri» ınvestısııalyq monetalary satýǵa shyǵaryldy.
«Altyn barys» jáne «Kúmis barys» monetalarymen salystyrǵanda, «Kókbóri» ınvestısııalyq monetalary alǵash ret «uncirculated» jáne «proof» sapalarynda, eki nusqada usynyldy. Barlyq monetada 99,99% (999,9 synama) baǵaly metall bar. Kúmis monetalardyń salmaǵy 31,1-den 311 gramǵa deıin, al altyn monetalardiki 3,11-den 155,5 gramǵa deıin jetedi. Osyǵan deıin álemdegi asa mańyzǵa ıe ártúrli taqyryp pen oqıǵaǵa arnalǵan birshama kolleksııalyq moneta shyqty. Bul monetalarda elimizdiń mádenı murasy, tabıǵı resýrstary, tarıhı oqıǵalary, kórnekti tulǵalary, flora-faýnasy, sondaı-aq sporttaǵy jetistikterin qosa alǵandaǵy aýqymdy taqyryptar qamtylǵan. Jalpy sany 500-den asa túrli kolleksııalyq moneta aınalymǵa shyqty. Olarǵa tek elimizdiń emes, shetel kolleksıonerleriniń de qyzyǵýshylyǵy zor, bul monetalardyń sapasy joǵary ekenin, taqyryby ózekti ekenin baıqatady.
