О́SKEMEN. 30 qańtar. 2012-2014 jyldar aralyǵynda Shyǵys Qazaqstan oblysynda 71 bilim berý nysany iske qosyldy. Bul týraly egemen.kz tilshisi habarlady.
Oblystyq bilim basqarmasynyń basshysy Asqar Nurǵazıev alqa otyrysynda sońǵy eki jylda bilim nysandarynyń qurylysyna 25 mlrd. teńge baǵyttalǵanyn, ótken jyldyń ózinde 11,2 mlrd. teńge bólingenin atap ótti.
«Osylaısha, 2012-2014 jyldary Shyǵys óńirinde 43 mektep, 9 balabaqsha, 8 janama qurylys jáne 10 qaıta jóndeý jumystary júrgizildi», – dedi bilim basqarmasynyń jetekshisi.
Sondaı-aq A.Nurǵazıev óńirdiń UBT kórsetkishteri boıynsha qol jetkizgen jetistikterin atap ótti. Onyń aıtýynsha, byltyr oblys respýblıkalyq reıtıngte 13-orynnan 8-orynǵa kóterilgen. Aldyńǵy oqý jylymen salystyrǵanda ortasha ball kólemi 5,64 paıyzǵa ósip ósip, 78,04 baldy qurady. Odan ózge, alty mektep «Respýblıkadaǵy úzdik 100 mektep» reıtıngine endi.
Atalǵan jıynǵa oblys ákiminiń orynbasary Jaqsylyq Omar, bilim salasynyń ardager ustazdary, bilim basqarmasynyń qoǵamdyq keńes músheleri, joǵary oqý oryndarynyń rektorlary, bilim bólimderiniń basshylary jáne basqa da orta tehnıkalyq jáne kásiptik bilim berý júıesi uıymdarynyń jetekshileri qatysty.
Dýman Anash.
Derek: egemen.kz
Sýret: Shyǵys Qazaqstan oblysynyń bilim basqarmasy.
