Aq tilekter aǵyny

Qazaqstan Respýblıkasynyń  Prezıdenti – Elbasy N.Á.Nazarbaevty laýazymǵa resmı kirisýimen Qazaqstan halqy Assambleıasynyń QUTTYQTAÝY  Qurmetti Nursultan Ábishuly! Qazaqstan halqy Assambleıasy Sizdi Qazaqstan Respýb­lıkasy Prezıdentiniń laýazymyna resmı kiri­sýi­ńizben shyn júrekten quttyqtaıdy! Sizdiń saılaýdaǵy aıqyn jeńisińiz Siz júrgizgen reformalardyń jalpyhalyqtyq qoldaý tapqanyn bildiredi! Sizdiń Memleket basshysy laýazymyna kirisýińiz  –  aqıqat sáti jáne Qazaqstannyń damýyndaǵy jańa kezeńniń bastalýy. Osy tarıhı oqıǵanyń Qazaqstan halqynyń birligi kúni – bizdiń halqymyzdyń yn­tymaǵy, el birligi men qoǵamdyq kelisim meıramy qarsańynda ótkizilýiniń maǵynasy zor. Qazaqstan halqy Assambleıasy, barlyq  Qazaqstan azamattary úshin zamanaýı memleket qurýǵa baǵyttalǵan «Nurly Jol» Jańa Ekonomıkalyq Saıasatynyń iske asyrylýynyń, bes ınstıtýttyq reformanyń tabysty júzege asyrylýynyń senimdi kepili –  Sizdiń saıası erik-jigerińiz ekenin  joǵary jaýapkershilikpen málimdeıdi. Bul mindetter barsha halyqtyń túpkilikti múddeleri men qalaýyna saı, onyń qoldaýyna ıe. Barsha halyqtyń joǵary senim mandatymen bekitilgen Sizdiń saıası kóshbas­shylyǵyńyz, el damýynyń aýqymdy maqsattaryna jetýdiń – «Qazaqstan-2050» Strategııasyn oryndaýdyń berik irgetasy bolyp tabylady. Siz, Prezıdent jáne Elbasy retinde, baıandy bolashaqqa umtylǵan el birliginiń negizi –  jalpyulttyq Máńgilik El bolý ıdeıasyn alǵa tartyp, irgeli dúnıetanymdyq kózqaras qalyptastyrdyńyz. Sizdiń saıasatyńyzdyń ajyramas bóligi men negizgi qaǵıdattary–  ekonomıkalyq jetistikter, halyqtyń ál-aýqatynyń artýy, turaqtylyqty  bizdiń mıllıondaǵan otandastarymyz qoldaıdy. Qazaqstan halqy Assambleıasy Sizdiń dana da kóregen memlekettik qaıratker retindegi joǵary halyqaralyq bedelińiz jańa kezeńde jáne odan keıin de tabys­ty syrtqy saıasatty qamtamasyz etetinine, bizdiń elimizdiń jáne  halqymyzdyń qaýipsizdiginiń senimdi kepili bolatynyna tolyq senedi. Qazaqstan halqy Assambleıasy, QHA jylynyń, «Beıbitshilik pen kelisimniń jol kartasy», «20 izgi is» respýblıkalyq aksııalarynyń jalǵasýy, mıllıondaǵan azamattyń azamattyq beıbitshilikti, qoǵamdyq kelisimdi, áleýmettik yntymaqtastyqty nyǵaıtýǵa qatysýy –  halqymyzdyń Elbasyn qoldaý, birigý men shoǵyrlanýyn  jańa deńgeıge  kóteretini sózsiz. Qazaqstan halqy Assambleıasynyń HHII sessııasy Sizdiń basshylyǵyńyzben Qazaqstan halqynyń ekonomıkalyq jáne áleýmettik damýda jańa belesterge jetýge ázirliginiń aıqyn dáleli boldy. Qazaqstan halqy Assambleıasy bolashaq aldyndaǵy zor jaýapkershilikti sezine otyryp, halyq pen eldiń bıik múddelerin eskere otyryp, óziniń azamattyq jáne patrıottyq paryzyn oryndaý maqsatynda, Qazaqstannyń barsha halqyn kórkeıgen jáne ósip-órkendegen Qazaqstan qurý jolyndaǵy barlyq alǵa qoıǵan maqsattarǵa jetý jolynda ózderiniń jeke úlesin qosýǵa shaqyrady! Assambleıa Qazaqstannyń barlyq halqyn Ult Josparyn – «Memleket qurý isindegi endigi 100 naqty qadamdy» iske asyrý úshin barlyq kúsh-jigerdi jumyldyrýǵa úndeıdi, sebebi, bul – bizdiń halqymyzdy biriktiretin ortaq is. Elbasymen birge, Qazaqstannyń Tuńǵysh Prezıdenti Nursultan Ábishuly Nazarbaevpen birge – Qazaqstan, tek alǵa!   Qurmetti Nursultan Ábishuly! Bizder, Qazaqstan ardagerleri Sizdi saltanatty ulyqtaý rásimimen shyn júrekten quttyqtaımyz. Ulyqtaý rásimindegi sóılegen sózińizde Siz bizge Sizben birge júzege asyrýǵa týra keletin 5 ınstıtýttyq reformanyń mańyzdylyǵyn atap óttińiz. 5 ınstıtýttyq reforma – barshamyz úshin qazirgi zamanǵy memleket qurýǵa baǵyttalǵan halyqtyq reformalar. Búgingi kúni memlekettik apparatqa reforma júrgizý aıryqsha kókeıkesti. Bizdiń qoǵamymyzda óziniń búkil kúsh-jigeri men bilimin Otan ıgiligi úshin júzege asyrýǵa daıyn saýatty basqarýshylar, shynaıy patrıottar kóp. Ádilettilik qaǵıdaty men kásibılik negizindegi laýazymdyq ósý, sondaı-aq, usynylyp otyrǵan memlekettik qyzmetshilerdi yntalandyrý júıesi tálimgerlik pen urpaqtar sabaqtastyǵyna arqa súıep, kásipqoılyq dástúrlerge qoldaý kórsetedi. Bizder, soǵys jáne eńbek ardagerleri retinde zańnama salasynda, sot jáne quqyq qorǵaý júıesinde reformalar júrgizýdi ýaqtyly shara dep sanaımyz. Búginde zańnyń ústemdigi, sot tóreliginiń ádildigi men sapasy qaı kezdegiden de erekshe mańyzdy. Bul bizdiń balalarymyz ben nemerelerimizdiń qaýipsizdigi men qorǵalǵandyǵynyń kepili bolyp tabylady. Ártaraptandyrý negizindegi ındýstrııalyq damý, aýyl sharýashylyǵynyń óńdeý ónerkásibin damytý bolashaqqa degen senimdi nyǵaıtyp, qazaqstandyqtardyń, ásirese, bizderdiń – aǵa býynnyń boıyna áleýmettik optımızm sińiredi. Bizder ınstıtýttyq reformalardyń «Nurly Jol» Jańa Ekonomıkalyq Saıasatyn, odan arǵy jerde «Qazaqstan-2050» Strategııasyn tabysty júzege asyrýǵa jaǵdaı jasaıtynyna senimdimiz. Qazaqstannyń ardagerler uıymy.   Joǵary mártebeli Elbasy! Sizdi saltanatty ulyqtaý rásimimen shyn júrekten quttyqtaımyz! Táýelsizdik alǵaly beri Qazaqstan halqy talaı belesterge qol jetkizdi: elimiz damýdyń jańa satysyna kóterilip, ekonomıkalyq jáne áleýmettik ósimdi qamtamasyz etken berik memlekettik júıe qalyptasty. Qazaqstandyqtardyń ál-aýqaty birneshe esege artty. Osynyń bári – Sizdiń sarabdal saıasatyńyzdyń jemisi. Ulyqtaý rásiminiń Qazaqstan halqynyń birligi kúni qarsańyna tuspa-tus kelýi de kezdeısoq emes. Sebebi, Sizdiń kóregen basshylyǵyńyz beıbitshilik pen kelisimniń aınymas kepiline aınalyp, kópultty elimizdi uly jetistikterge jetkizdi. Osy tusta ultaralyq tatýlyq taqyrybynyń Siz usynǵan bes ınstıtýttyq reformada qamtylýy asa qýantady. Sebebi, búgingi jetistikterimizge biz myzǵymas birliktiń arqasynda qol jetkizdik jáne sol tolaıym tabystarymyzdy eseleı túspekpiz. Bolashaǵy birtutas ult qalyptastyrý ıdeıasy barsha qazaqstandyq berik ustanatyn azamattyq qaǵıdatqa, Máńgilik Eldiń basty qundylyqtarynyń birine aınalady dep senemiz. Taǵdyry bir eldiń – bolashaǵy bir. Birligi men yntymaǵy jarasqan halqymyzdyń bolashaǵy baıandy bolsyn! Qazaqstan Jazýshylar odaǵy.   Asa qurmetti Nursultan Ábishuly! «KAZENERGY» assosıasııasy munaı-gaz jáne energetıka salasynyń barlyq qyzmetkerleri atynan Sizdi Qazaqstan Respýblıkasynyń Prezıdenti laýazymyna resmı kirisýińizben quttyqtaıdy! Biz saltanatty ulyqtaý rásiminde aıtqan Sizdiń bastamalaryńyzdy tolyq qoldaımyz. Biz Siz bastamashy bolǵan 5 ınstıtýttyq reformany júzege asyrý – eldiń qazirgi tarıhı damýy kezeńinde meılinshe mańyzdy jáne ýaqtyly úderis dep esepteımiz. Sońǵy jyldary bastalǵan álemdik saıası jáne ekonomıkalyq júıeni túbegeıli qaıta pishindeý úderisi aıtarlyqtaı jedeldeı túsýde. Energııa resýrstary men metaldardyń álemdik rynogyndaǵy baǵalar teńsizdigi jahandyq jáne óńirlik táýekelderdi kúrt ulǵaıtyp, kóptegen memleketterdiń, sonyń ishinde Qazaqstannyń da ekonomıkasyna teris yqpal etýde. Elder men memleketaralyq korporasııalar múd­deleriniń soqtyǵysy tek saıası jáne ekonomıkalyq qana emes, sonymen birge, qarýly qarsy turýlar arqyly da tosynnan kórinis berýde. Mundaı jaǵdaıda tek qýatty memlekettiń ǵana óz egemendigin saqtap, óziniń múd­delerin qorǵaýǵa jáne tabysqa jetýge múmkindigi bar. Siz usynǵan 5 ınstıtýttyq reforma memlekettik pen Qazaqstan ekonomıkasyn nyǵaıtýdyń dál sondaı yqpaldy quraly bolyp tabylady. Qazirgi zamanǵy tıimdi memlekettik apparat ulttyq baǵdarlamalardy birizdilikpen júzege asyrýdy qamtamasyz ete alady. Tek kúshti memlekettik apparat qana jemqorlyqpen kúres jónindegi júıeli jumysty jolǵa qoıýǵa jáne merıtokratııa qaǵıdattaryn nyǵaıtýǵa, ıaǵnı memlekettik qyzmetshilerdi mansaptyq saty arqyly olardyń jumystarynyń nátıjeleri jáne el men halyq aldyndaǵy eńbegi boıynsha joǵarylatýǵa qabiletti. Mundaı «Áleýmettik lıftilerdiń» bolýy myńdaǵan daryndy jáne talantty qazaqstandyqtardyń qýaty men shyǵarmashylyǵyn oıatýǵa jaǵdaı jasaıdy. Zań ústemdigin qamtamasyz etetin reforma ashyqtyq, ádildik pen salqynqandylyq qaǵıdattarynyń árbir sot úderisinde sheshýshi faktorǵa aınalýyna jaǵdaı týǵyzady. Otandyq kásipkerler men sheteldik ınvestorlar qazaqstandyq sot úkiminiń ádildigine senimdi bolmaq. Bizdiń polısııaǵa, quqyq qorǵaý organdaryna degen qoǵamnyń senimi artady. Qazaqstan jaǵdaıyndaǵy turaqty ekonomıka – eń aldymen eldi ındýstrııalandyrý, óńdeý salasyn damytý jónindegi odan arǵy sharalar. Tek ártaraptandyrylǵan ekonomıka ǵana jahandyq ekonomıkalyq táýekelder úshin senimdi kedergi bola alady. Taıaýdaǵy jyldary óńdeý ónerkásibinde shamamen 10 iri joba júzege asyrylmaq. 3-4 qaǵıdatty jańa eksporttyq ónimder shyǵarý ekonomıkany ártaraptandyrýdyń nátıjesi bolýy tıis. Birlikti jáne qoǵamdaǵy turaqtylyqty saqtap, ulttyq emes, azamattyq qaǵıdatynda jańa qazaqstandyq birtektilikti qalyptastyra otyryp qana qazaqstandyqtar alǵa qoıylǵan mindetterdi sheshe alady. Tek birtutas bolashaqtyń Ulty ǵana el beınesin ózgertetin jáne onyń bolashaq ál-aýqaty men órkendeýin aıqyndaıtyn aýqymdy damý jobalaryn júzege asyrýǵa qabiletti. Barlyq ótken jyldar boıy qazaqstandyq qoǵam ózgeristerge birtindep beıimdelip otyrdy. Báriniń satylap jáne birizdilikpen júrýi ishki silkinisterdiń, qarama-qaıshylyqtar men daý-janjaldardyń aldyn alýǵa jaǵdaı jasady. Joǵaryda atalǵan tórt basymdyq transparentti jáne halyqqa esep beretin memleket qurý, eldi demokratııalandyrý boıynsha mańyzdy sheshimder qabyldaý jóninde Siz alǵa qoıǵan besinshi mańyzdy ınstıtýttyq mindetke kóshýge múmkindik beredi. Biz 5 halyqtyq reformada kemeńger strategııalyq esep pen bizdiń halqymyz ben memleketimizdiń kúshine degen senimdilik bar dep esepteımiz. Mundaı saralanǵan baǵdarlamamen Qazaqstan barlyq aǵymdaǵy jáne yqtımal qaterlerdi eńserip, turaqty, ornyqty damý jolyna shyǵa alady. «KAZENERGY» assosıasııasy.   Qurmetti Nursultan Ábishuly! Biz, Qazaqstan bıznesiniń ókilderi, Sizdi laýazymǵa resmı kirisýińizben shyn júrekten quttyqtaımyz! Saltanatty ulyqtaý kezindegi óz sózińizde Siz memlekettik saıasattyń birinshi kezekti mindeti retinde bes ınstıtýttyq reformany aıryqsha atap óttińiz. Biz Siz usynǵan bes ınstıtýttyq reformanyń óz ýaqytynda usynylǵanyn atap kórsetemiz. Onyń bári bizdiń elimizdiń odan ári yrǵaqty damýy­na, alǵa qoıylǵan mindetterdi oryndaýǵa qoǵamdy jumyldyrýǵa baǵyttalǵan. Memlekettik apparatty odan ári jetildirý sharalary onyń tıimdiligin arttyrýǵa jáne jemqorlyqpen kúresti kúsheıtýge jaǵdaı jasaıdy. Onyń bári bıznestiń odan arǵy damýyna, ınvestısııalar tartýǵa jáne Qazaqstannyń halyqaralyq bıznes-qaýymdastyq pen ekonomıkalyq yntymaqtastyǵyn nyǵaıtýǵa oń áser etedi. Memleket otandyq taýar óndirýshilerge qoldaý kórsetýdi jalǵastyrýda. Qazaqstandyq taýarlardyń básekelestik qabiletin nyǵaıtyp, bizdiń taýarlarymyzdyń syrtqy rynoktarǵa senimdi túrde shyǵýyna jol ashylýda. Usynylǵan ınstıtýttyq reformalar aýyl sharýashylyǵynyń damýyna da oń yqpalyn tıgizbek. Qaramaǵynda keń aýqymdy aýylsharýashylyq egistikteri men qunarly jerleri bar qazaqstandyq aýylsharýashylyq taýar óndirýshileri bizdiń azamattarymyzdy otandyq un, sút jáne et ónimderimen qamtamasyz etedi. Sóz joq, Qazaqstan halqynyń birligin nyǵaıtý, áleýmettik salany jetildirý, quqyq tártibin nyǵaıtý jáne ekonomıkalyq sala men bıznestiń damýy úshin jaǵdaılar jasaý – Qazaqstannyń ekonomıkalyq ósýiniń, ekonomıkalyq áleýetti arttyrýdyń, básekege qabilettilikti jetildirýdiń jáne elimizdiń eksporttyq áleýetin damytýdyń basty faktorlary. Alǵa qoıylǵan mindetterdi júzege asyrý bizdiń elimizdiń damýyna qýatty serpin berip, ony barlyq baǵyttar boıynsha aldyńǵy qatarly pozısııalarǵa alyp shyǵady. «Atameken» Ulttyq kásipkerler palatasy.   Qurmetti Nursultan Ábishuly! Qazaqstan kásipkerleriniń forýmy Sizdi Qazaqstan Prezıdenti laýazymyna resmı kirisýińizben shyn júrekten quttyqtaıdy! Sizdiń ınaýgýrasııalyq sózińizdegi negizgi qaǵıdalar – bizdiń odan ári damýymyzdyń baǵdarlary. Búginde Qazaqstanda Sizdiń arqańyzda bolashaq damýdyń berik negizi qalandy. Siz bastamashy bolǵan halyqtyq reformalar mańyzdy baǵdarlamalar men jobalardy tıimdi júzege asyrý úshin barlyq jaǵdaılardy týǵyzýǵa arnalǵan. Qazirde, bizder Eýrazııalyq ekonomıkalyq odaq jaǵdaıynda ómir súrip, jumys isteı bastaǵan kezde bizdiń ekonomıkalyq saıasatty jańǵyrtý aıryqsha mańyzǵa ıe. Qazaqstan ekonomıkasynyń jáne qazaqstandyq óndirýshiniń básekege qabilettiligin arttyrý oǵan tikeleı baılanysty. Shaǵyn jáne orta bıznesti maqsatty túrde qoldaý, tarıf saıasatyn jańǵyrtý, eldiń eksporttyq áleýetin damytý jóninde Siz alǵa qoıǵan mindetter árbir qazaqstandyqtyń ál-aýqatynyń ósýine de oń áserin tıgizedi. Qazaqstan kásipkerleri qyzmet kórsetý salasyn, ásirese, qyzmet kórsetý sektorynyń shaǵyn jáne orta kásiporyndaryn damytý sııaqty sheshýshi baǵyttardyń mańyzdylyǵyn atap kórsetedi. Olar, ásirese, aýyldyq aýmaqtar turǵyndary úshin jańa jumys oryndary, jańa múmkindikter. Bizder Siz, Elbasy usynǵan Qazaqstan qoǵamyn jańǵyrtý jónindegi refor­malardyń elimizdiń «Qazaqstan-2050» uzaq merzimdi strategııasyn tabysty oryndaýǵa jáne álemniń eń damyǵan 30 memleketiniń qataryna enýge jaǵdaı jasaıtynyna senimdimiz. Qazaqstan Kásipkerleriniń forýmy.   Qymbatty Nursultan Ábishuly! Sizge osynaý dańqty oqıǵa – Qazaqstan Respýblıkasynyń Prezıdenti laýazymyna resmı kirisýińizge baılanysty eń bir shyn júrekti jáne qýanyshty quttyqtaýymyzdy joldaýǵa ruqsat etińiz. Saltanatty ulyqtaý rásimindegi sózińizde Siz bes ıns­tıtýttyq reformanyń mańyzdylyǵy men ony júzege asyrý qajettigine aıryqsha nazar aýdardyńyz. Qazaqstan Kásipodaqtary federasııasy Siz aıtqan bes halyqtyq reforma negizinde eldiń odan ári damýyn tolyq qoldaıdy. Siz ózińizdiń ınaýgýrasııalyq sózińizde atap ótkendeı, 5 bastamany júzege asyrý ekonomıkanyń odan ári damýyna jáne qoǵamnyń áleýmettik ál-aýqatyn arttyrýǵa qýatty serpin beredi. Indýstrııalandyrý – tek ekonomıkanyń quraly ǵana emes, sonymen birge orta tap pen óńdeý sektory úlesi damýynyń mańyzdy faktory. Indýstrııalyq jobalardy júzege asyrýdyń arqasynda shaǵyn jáne orta kásiporyndar sany artady, qosymsha jumys oryndary qurylady. Shıkizatty tereńdetip óńdeý úderisi, jańa tehnologııalardy engizý esebinen qazaqstandyq eksporttyq ónimder qataryn keńeıtý mindeti qoıylyp otyr. Eldiń agrarlyq sektorynyń býyrqana damýyn qarastyratyn úshinshi ınstıtýttyq reforma da Sizdiń saltanatty ulyqtaý rásimindegi sózińizde atap ótildi. Jańa keshendi baǵdarlama negizinde transulttyq kompanııalardyń qatysýymen 10 iri óńdeý jobalary júzege asyrylatyn bolady. Búginde búkil memlekettik organdar, eńbek ujymdary belgilengen mindetterdi júzege asyrýǵa shoǵyrlandy. Qazaqstan Kásipodaqtary federasııasy árkezde de Sizdiń eldi turaqtandyrýǵa baǵyttalǵan bastamalaryńyzdy qoldaı beretin bolady.  Qazaqstan Kásipodaqtary federasııasy.   Qurmetti Nursultan Ábishuly! Sizdi saltanatty ulyqtaý rásimimen shyn júrekten quttyqtaımyz. О́tken saılaýda bizder kóptegen qazaqstandyqtarmen birge Siz úshin óz daýysymyzdy berdik. Saltanatty ulyqtaý rásiminde Siz áleýmettik-ekonomıkalyq turaqtylyqty, qoǵamdaǵy tatýlyq pen kelisimdi, biregeı maqsattar men mindetterdi júzege asyrýǵa baǵyttalǵan 5 ınstıtýttyq reformany júzege asyrý mańyzdylyǵyn aıttyńyz. Reformalaýdyń birinshi baǵyty retinde Siz memlekettik basqarýǵa kózqarastardy jańartýdy atap kórsettińiz. Memlekettik apparat strategııalyq josparlardy ázirleýden bastap, olardy tolyq júzege asyrýǵa deıin qazirgi zamanǵy menedjmenttiń eń bir joǵary talaptaryna jaýap berýi tıis. Soǵan baılanysty búginde Sizdiń olardyń qyzmetin ekonomıkada qol jetken tabystarǵa yqpal etýi boıynsha baǵalaý týraly usynysyńyz óte mańyzdy. Búginde bizderge, isker toptar ókilderine reformalaýdyń negizgi baǵyty bolyp tabylatyn bıznesti damytý salasyn memlekettik qoldaý da óte mańyzdy. О́ńdeý ónerkásibin damytý, aýyl sharýashylyǵyn qoldaý, kedendik prosedýralardy jeńildetý, qyzmet kórsetý salasyn damytý – bulardyń sheshim tabýy bıznestiń jáne bútindeı alǵanda Qazaqstan ekonomıkasynyń damýyna qýatty serpin bermek. Osynyń bári otandyq taýarlar men qyzmettiń básekege qabilettiligine jaǵdaı jasap, Qazaqstannyń eksporttyq áleýetin nyǵaıtady. Bıznesmender úshin sot tóreligin reformalaý aıryqsha kókeıkesti. Erkin básekelestik pen turaqty ekonomıkalyq damý tek ádil qoǵamda ǵana múmkin bolmaq. Transparentti memlekettiń qoldaýymen ortaq maqsattar men mindetterge qol jetkizý – Sizdiń kóregen jáne kemeńger paıymyńyz. Memleket pen bıznestiń birlesken jumysyn qaıta pishindeý tolyq ózara senim men teń áriptestikke arqa súıeýi tıis. Qazaqstannyń Isker áıelder assosıasııasy.   Sýretshiler odaǵynyń atynan Sizdi Qazaqstan Respýblıkasynyń Prezıdenti laýazymyna resmı kirisýińizben shyn júrekten quttyqtaı otyra, eń izgi tilekterimizdi joldaýǵa ruqsat etińiz! Bul saltanatty kún taǵdyrdyń oń jaǵynan oraılastyrýymen Qazaqstan halqynyń birligi kúni qarsańynda merekelenip otyr. Biz árkez maqtan tutatyn qoǵamymyzdaǵy dostyq pen kelisimniń tańǵalarlyq fenomeni, Nursultan Ábishuly, Sizdiń atyńyzben tikeleı baılanysty. Biz Sizdiń tarapyńyzdan bastamashylyq  tanytylǵan 5 halyqtyq reformany tolyǵymen qoldaımyz. О́ıtkeni, onyń erekshe mańyzyn Siz ózińizdiń ulyqtaý rásiminde sóılegen sózińizde jan-jaqty aıtyp óttińiz. Bes halyqtyq reformany zamanaýı damyǵan memleket qurý isindegi naqty qadam, teń quqyqtar men múmkindikter qoǵamy dep sanaımyz. Ilgeriletilgen bes ınstıtýttyq reformany qazirgi zamannyń syn-qaterlerine laıyqty jaýap, elimizdiń qol jetkizgen tabystaryn nyǵaıtýǵa baǵyttalǵan naqty qadam retinde baǵalaımyz. Bes reformany dáıektilikpen naqty júzege asyrý áleýmettik jańǵyrtýdyń jańa kezeńi bolmaq. Reformanyń sheshýshi baǵyttary memlekettik apparattyń jumysyn jetildirý bolyp tabylatyny Sizdiń tarapyńyzdan ınaýgýrasııa saltanaty barysynda atap ótildi. Sondaı-aq, Siz ózińizdiń sózińizde ekonomıkany ártaraptandyrý jónindegi strategııalyq josparlar men áleýmettik ál-aýqatty arttyrý boıynsha mindetterdi sheshý jáne osy baǵyttarda memlekettik qyzmet kórsetý deńgeıin joǵarylatý boıynsha sapaly jumystar kóp jaǵdaıda memlekettik qyzmetshiler korpýsynyń kásibıligine, basqarý qabiletine baılanysty ekenin ádiletti túrde atap kórsettińiz. Biz qazaqstandyq memlekettik qyzmettiń mansaptyq modelge kóshýi, eńbekaqy tóleýdiń nátıjege baǵdarlanǵan jańa júıesi, memlekettik apparatqa talantty kadr­lardy tartý elimizde memlekettik basqarýdyń zamanaýı tıimdi júıesin qurýǵa múmkindik beretinine senimdimiz. Alǵashqy ınstıtýttyq reformalar sheńberindegi merıtokratııa qaǵıdattaryn qorǵaý jónindegi júıeli jumystar men korrýpsııaǵa qarsy sharalar memlekettik qyzmetti ádiletti Qazaqstan qoǵamynyń prototıpi etýge múmkindik beredi. Biz birtutas qazaqstandyq bolashaq ıgiligine bar kúsh-jigerimiz ben bilimimizdi berýge daıynbyz! Qazaqstan Sýretshiler odaǵy.   Asa qurmetti Nursultan Ábishuly! G-GLOBAL bastamasyn damytý jáne jasyl ekonomıka úshin koalısııasynyń barlyq qatysýshylary atynan Sizdi Qazaqstan Respýblıkasy Prezıdentiniń laýazymyna resmı túrde kirisýińizben quttyqtaımyz! Sizdiń saltanatty ulyqtaý rásiminde sóılegen sózińiz orasan zor jigerlendirý kúshine ıe. Biz onyń búkil negizgi tujyrymdaryn tolyq qoldaımyz jáne ony is júzine asyrýǵa ózimizdiń úlesimizdi qosýǵa daıynbyz. Sizdiń bastamańyzben ómirge kelgen reformalar shyn máninde halyqtyq sıpatta, óıtkeni bul qazaqstandyq memlekettilikti odan ári nyǵaıtý jolyndaǵy naqty qadamdar. Qazirgi tańda, búgingi zamannyń kópqyrly beıbitshilik modelin qalyptastyrý jaǵdaıynda, Siz qazaqstandyq qoǵamnyń ekonomıkalyq, saıası jáne áleýmettik salalaryndaǵy ómirdi júıeli túrde jańǵyrtýdy usynyp otyrsyz. Bul bizdiń memleketimizge eń aldymen áleýmettik-ekonomıkalyq damý dárejesi boıynsha óńirdegi kóshbasshy retinde qalýdy qamtamasyz etip qana qoımaıdy, sonymen birge, jalpy alǵanda eldiń básekege qabilettiligin arttyrady. Sizdiń azamattyq qoǵamnyń rólin, sheshim qabyldaýdaǵy ashyqtyq  úrdisin, qoǵamdaǵy ózin ózi retteýdi damytý jónindegi bastamalaryńyz erekshe joǵary mańyzǵa ıe dep esepteımiz. Qazaqstandyq ulttyń negizi orta tap bolyp otyrǵandyǵy úlgi tutarlyq. Kásibı memlekettik apparat qurý úderisindegi basty ról naq osy tujyrymǵa berilip otyr. Qazaqstannyń kadrlyq áleýetin arttyrý – «Qazaqstan-2050» jáne «Nurly Jol» Jańa Ekonomıkalyq Saıasaty sııaqty mańyzdy memlekettik baǵdarlamalardy is júzine asyrý maqsatynda zor tıimdilik bermek. G-GLOBAL bastamasyn damytý jáne jasyl ekonomıka úshin koalısııasy.   Qurmetti Nursultan Ábishuly! «Bolashaq» halyqaralyq stıpendııasynyń stıpendıattary Sizdi Qazaqstan Respýblıkasynyń Prezıdenti laýazymyna resmı kirisýińizben shyn júrekten quttyqtaıdy! Bul erekshe oqıǵanyń Qazaqstan halqy birligi kúnimen tuspa-tus kelýiniń de sımvoldyq mańyzy bar. Bul qazaq­standyqtardyń ózderiniń Kóshbasshysy mańynda birigýiniń jáne toptasýynyń joǵary deńgeıin kórsetedi. Biz Sizdiń saltanatty ulyqtaý rásiminde sóılegen sózińizdiń barlyq tujyrymdaryn tolyq qoldaımyz. Búginde, elimiz damýdyń jańa kezeńine qadam basqan ýaqytta onyń mańyzdylyǵy odan ári arta túspek. Sizdiń 5 jańa ınstıtýttyq reformańyz – bul Qazaqstannyń bolashaqta biryńǵaı maqsatqa jetý jolyndaǵy naqty qadamdary. Bul halyqtyq reformalardy eń aldymen bizdiń elimizdiń óskeleń urpaǵy erekshe joǵary qulshynyspen qarsy alatyndyǵyna senimdimiz. О́ıtkeni, qazaqstandyq memlekettilikti odan ári nyǵaıtýdy kózdeıtin bul baǵyttar birinshi kezekte jastarǵa jaǵdaı jasamaq. Búgingi zamannyń kásibı memlekettik apparatyn qurý, zańnyń bárinen ústemdigin qamtamasyz etý, ekonomıkalyq reformalar kesheni, biryńǵaı bolashaqtyń ultyn transparentti jáne esep beretin memleket qurý bizge ekonomıkalyq reformalardy sapaly deńgeıde is júzine asyrýǵa, bizdiń elimizdiń básekege qabilettiligin arttyrýǵa jáne qazaqstandyqtardy odan ári berik toptastyrýǵa múmkindik beredi. Búginde bizdiń árqaısymyz barlyq áleýetimizdi, barlyq bilimimizdi, ózimizdiń eń batyl ıdeıalarymyzdy týǵan elimizdiń gúldenýi úshin jumsaıtyndyǵyna senimdimiz. Qazaqstan Respýblıkasy Prezıdentiniń «Bolashaq» Halyqaralyq stıpendııasy stıpendıattarynyń assosıasııasy.   Qurmetti Nursultan Ábishuly! Biz mıllıondaǵan azamattyq qoǵamnyń múddesin bildiretin birlestik retinde Sizdi Qazaqstan Respýblıkasynyń Prezıdenti laýazymyna resmı kirisýińizben shyn júrekten quttyqtaımyz! Siz saltanatty ulyqtaý rásiminde 5 ınstıtýttyq reformany júrgizýdiń qajettiligi men mańyzdylyǵyn atap kórsettińiz. Ásirese, bizge josparlanǵan memlekettik qyzmetti «qaıta qurý» sharasy unaıdy. Qazaqstanda ekonomıkalyq baǵdarlamalardy sapaly júzege asyrýdy jáne memlekettik qyzmet kórsetýdi qamtamasyz etetin búgingi zamannyń kásibı jáne avtonomdy memlekettik apparat qurylýy kerek, dep atap kórsettińiz. Siz ózińizdiń ınaýgýrasııalyq sózińizde. Sondyqtan biz Qazaqstanda memlekettik qyzmetti reformalaý, jemqorlyqty boldyrmaý jáne merıtokratııa úderisterin qorǵaý jónindegi jumys júıesin jandandyrý týraly sheshimdi tolyq qoldaımyz. Bes reforma sheńberinde mynalar eń óskeleń baǵyt bolyp sanalady: aýyl sharýashylyǵy shıkizaty negizinde qaıta óńdeý sektoryn damytý; Eýrazııalyq ekonomıkalyq odaq sheńberinde tarıftik saıasatty ońtaılandyrý; polısııaǵa  kásibı jáne psıhologııalyq irikteýdiń jańa júıesin engizý; qoǵamda ózin ózi retteýdi keń kólemde qamtamasyz etý; ekonomıkalyq jáne áleýmettik salalardy damytýǵa qosqan úlesiniń qorytyndysy boıynsha memlekettik qyzmetkerlerge eńbekaqy tóleýdiń jańa júıesin qalyptastyrý; jergilikti atqarýshy organdardyń jańa saılanbaly júıesin qurý. Ásirese, jekemenshik quqyǵyna kepildik beretin jáne kásipkerlik qyzmetke jaǵdaı jasaıtyn zańnyń ústemdigin qamtamasyz etý aıryqsha mańyzǵa ıe. Biz sot júıesiniń jumysyn jetildirý, sýdıalar korpýsynyń ashyqtyǵyn qamtamasyz etý qoǵamnyń quqyq qorǵaý organdaryna senimin arttyratyndyǵyna senimdimiz. Sonymen birge, qazaqstandyq quqyq qorǵaý júıesindegi ádilettilik memlekettiń ınvestısııalyq tartymdylyǵyn arttyryp, otandyq jáne sheteldik ınvestorlardyń quqyǵyn qorǵaýdy jaqsartýdyń negizgi faktorlarynyń birine aınalady. Qazaqstannyń Azamattyq alıansy.   Qurmetti Nursultan Ábishuly! Biz, Jastar kongresiniń ókilderi Sizdi Qazaqstan Respýblıkasynyń Prezıdenti laýazymyna resmı kirisýińizben shyn júrekten quttyqtaımyz! Siz saltanatty ulyqtaý rásiminde sóılegen sózińizde elimizdiń damýy úshin 5 ınstıtýttyq reformanyń taǵdyrsheshti mańyzdylyǵyn atap kórsettińiz. Qazaqstandyq birtektilikti odan ári nyǵaıtý úshin,  bizdiń jeke toleranttylyq jáne tatýlyq modelimizdi saqtaýdy qamtamasyz etý úshin azamattyq úderisteri kóshbasshylyq ról atqarýǵa tıis ekendigin Siz ádil atap kórsettińiz. Bizdiń elimizdiń barlyq azamattary bir sheńberdegi quqyqtardy paıdalanýǵa, biryńǵaı jaýapkershilik júgin kóterýge jáne teń dárejedegi múmkindikterge ıe bolýǵa tıis. Eńbeksúıgishtik jáne adaldyq, ǵylym men bilimge tabyný, tolyq toleranttylyq bizdiń Máńgilik El ıdeıamyzdyń tuǵyrly qundylyqtary bolyp jarııalandy. Biz qoǵamnyń básekege qabilettiligin arttyrý faktory bolyp tabylatyn qazaq, orys  jáne aǵylshyn – úshtuǵyrly tildi damytýdy qoldaımyz.Tereń bilim alýǵa bet alǵan qazaqstandyq jastar qazirdiń ózinde ómirdiń negizgi basymdyqtarynyń biri retinde ózderine shet tilin bilýdi tańdap aldy dep esepteımiz. Sonymen birge, bizdi óskeleń urpaq ókilderi úshin ómirlik joldy, bilimdi, kásibı laýazymdy, jeke ósý jolyn tańdaýda teń múmkindikterdiń jasalǵandyǵy erekshe qýantady. Reformanyń sheshýshi baǵyty ekonomıkalyq baǵdarlamalardy sapaly deńgeıde is júzine asyrýǵa qabiletti jáne memlekettik qyzmetter kórsetýdi qamtamasyz etetin, sheshim qabyldaýda kásibı bilikti memlekettik apparat qurý bolyp tabylady. Instıtýttyq reformalar memlekettik qyzmette kadrlyq saıasatty ózgertýge múmkindik berip, jalpy alǵanda memlekettik basqarýdyń tıimdi jumysyn qamtamasyz etetin bolady. Biz búginde ulttyń básekege qabilettiligi jastardyń eńbeksúıgishtigimen, talantymen, bilimimen aıqyndalatynyna senimdimiz. Al jastardyń aldynda ekonomıkany jańǵyrtý úrdisin júrgizý, bes mańyzdy halyqtyq reformany is júzine asyrý mindeti tur. Jastar kongresi.   Asa qurmetti Nursultan Ábishuly! Elimizdiń ǵylymı qaýymdastyǵy Sizdi Qazaqstan Respýblıkasy Prezıdentiniń laýazymyna resmı kirisýińizben shyn júrekten quttyqtaıdy! Biz Sizdiń saılaýdaǵy tamasha jáne sózsiz jeńisińizdi bólisemiz! Bul shyn mánindegi búkilhalyqtyq qoldaýdyń saltanat qurýy boldy. Siz saltanatty ulyqtaý rásiminde sóılegen sózińizde 5 ınstıtýttyq reformany is júzine asyrýǵa basymdyq berdińiz. Osy rette Siz qazaqstandyq birtektilikti odan ári nyǵaıtý azamattyq úderister negizinde júrgizilýi qajet ekendigin atap kórsettińiz. Bul barlyq azamattar bir deńgeıdegi quqyq kólemin paıdalanyp, bir jaýapkershilik júgin kóterý jáne teń múmkindikterdi birdeı paıdalaný degen sóz. Bizdiń basty maqsatymyz, Siz atap kórsetkendeı, qazaqstandyqtardyń jańa jalpyulttyq qundylyqtar – quqyq ústemdigi, memlekettik dástúrler, qazaqstandyq qundylyqtardy – ózderiniń etnıkalyq minez-qulqy modelinen joǵary qoıýy bolyp tabylady. Búginde qazaqstandyq toleranttylyq modeli álemdik qoǵamdastyq úshin úzdik úlgi retinde usynylýda, bul qundy tájirıbe BUU-da jáne basqa da memleketterde zerttelýde. Ulyqtaý rásiminde sóılegen sózińizde Siz bes halyqtyq reformanyń basty maqsaty kásibı memlekettik apparaty, ındýstrııalyq ekonomıkasy, móldir sot júıesi, áleýetti orta tap ókilderi bar qýatty da damyǵan memleket qurý bolyp tabylatyndyǵyna erekshe basymdyq berdińiz. Biz qazaqstandyq qoǵamnyń strategııalyq josparlaryn, ekonomıkany ártaraptandyrý jónindegi sharalardy is júzine asyrý jáne áleýmettik salany damytý jańa formasııadaǵy menedjerler, memlekettik qyzmetkerlerdiń biliktiligine, talantyna jáne eńbekqorlyǵyna baılanysty ekendigine senimdimiz. Qazaqstan Ǵylym akademııasy.   Qurmetti Nursultan Ábishuly! Qazaqstanyń Joǵary oqý oryndary assosıasııa­sy Sizdi bizdiń búkil elimiz úshin aıryqsha oqıǵa – Qazaqstan Respýblıkasy Prezıdentiniń laýazymyna resmı kirisýińizben quttyqtaıdy! Bul kún jańa Qazaqstannyń tarıhyna kiretin bolady. Búginde, bizdiń elimiz óziniń jańa damý dáýiriniń ta­bal­dyryǵynda turǵan kezeńde Siz saltanatty ulyqtaý rá­simindegi sózińizde mańyzdylyǵyn erekshe atap kórsetken 5 ınstıtýttyq reformany tıimdi júzege asyrý zor mańyzǵa ıe. Sizdiń sózińizdiń negizgi tujyrymdary is júzinde barlyǵy úshin óskeleń memleketti qurýǵa jumylǵan halyqtyq reformalardy júzege asyrýdyń resmı bastaýy bolyp tabylady. Birtutas bolashaq ultyn qurý jónindegi maqsatty saıasat qazaqstandyq qoǵamdy ózderiniń Kóshbasshylarynyń mańaıyna odan ári toptastyrady. Quqyq ústemdigi, memlekettik dástúrler, qazaqstandyq qundylyqtar sııaqty jalpyulttyq ıdeıalardy jáne  Táýelsizdik jyldarynda qol jetkizgen jetistikterdi damytý Siz atap kórsetkendeı, memleket múddesi jeke etnostyq minez-qulyq modelinen basym turatyn qazaqstandyqtardyń jańa býynyn qalyptastyrýǵa múmkindik beredi. Eshqandaı shekteýsiz jáne aıyrmasyz Qazaqstannyń barlyq azamattaryna tıimdi áleýmettik baspaldaq qalyptastyrý erekshe mańyzdy bolyp tabylady. Bul bizdiń jastarymyz úshin qosymsha yntalandyrý úlgisi bolmaqshy. Sizdiń úshtuǵyrly tilderdi damytý týraly tapsyrmańyz qazaqstandyq jastar arasynda tolyq qoldaý tabýda. Bizdiń elimizdiń óskeleń urpaǵy bul jahandaný álemindegi básekege qabilettiliktiń jáne jetistiktiń kepili ekendigin jete túsinedi. Nursultan Ábishuly, Siz belgilegen reformalardy júıeli túrde is júzine asyrý árbir jas qazaqstandyq úshin óziniń áleýetin, óziniń bilimin tolyq jumsaı otyryp, týǵan eliniń órkendeýi jolynda tıimdi jumys isteýge jumyldyrady. Qazaqstan Joǵary oqý oryndary assosıasııasy.   Asa qurmetti Nursultan Ábishuly! Shyǵarmashylyq zııaly qaýym ókilderi Sizdi Qazaqstan Respýblıkasy Prezıdentiniń laýazymyna resmı kirisýińizben shyn júrekten quttyqtaıdy! Biz Sizdiń ınaýgýrasııa rásiminde sóılegen sózińizdiń tujyrymyn qoldaımyz. Sizdiń bastamańyzben ómirge kelgen 5 ınstıtýttyq reformany is júzine asyrý – elimizdi damytýdyń qazirgi kezeńindegi asa mańyzdy jáne der kezinde qolǵa alynyp otyrǵan úderis dep sanaımyz. Sizdiń sara bas­shyly­ǵyńyzdyń arqasynda elimiz oıdaǵydaı damýda, árbir azamat memleket tarapynan ózine degen qamqorlyqty jáne qoldaýdy sezinedi. Halyqtyq reformalardy is júzine asyrý qazaq­standyqtardy memlekettik qury­lys­ta jahandyq daǵ­da­rys­tardyń keleń­siz yqpa­lynan qorǵaı­tyndyǵyna senimdimiz. Bul sharalar Qazaqstanǵa damý qarqynyn saqtaýǵa jáne álemniń eń damyǵan 30 eliniń quramyna kirý jolyndaǵy bastamany odan ári damytýǵa múmkindik beredi. Jańa pishimdegi tıimdi memlekettik apparat, quqyq qorǵaý jáne sot júıesi etnostyq tegine qara­mastan, merıtokratııa qaǵıdaty ne­gi­zinde árkimniń óz qabi­letin ashýǵa birdeı múm­kin­dik ja­salǵan ádiletti qazaq­stan­dyq qoǵamnyń balamasy bolyp tabylady. Ekonomıkanyń ártaraptylyǵyn qamtamasyz etetin Sizdiń bastamańyzben júrgizilip jatqan ındýstrııalyq reforma jahandyq ekonomıkalyq táýekelderge jaýap bolyp tabylady. Agrarlyq sala, shaǵyn jáne orta bıznes elimizdiń eksporttyq áleýetin damytýǵa jańa serpin beretin bolady. Turaqty ekonomıkalyq damý bolmaıynsha halyqtyń rýhanı órkendeýi múmkin emes. Osy rette rýhanı qundylyqtardy jańǵyrtýǵa baǵyttalǵan memlekettik reformalardyń mańyzy odan ári arta túspek. Jalpyulttyq ıdeıa Qazaqstan halqyn toptastyrdy jáne biriktirdi, bárimiz birge biz kez kelgen qıyndyqtardy jeńemiz! Nursultan Ábishuly, Qazaqstannyń barlyq shyǵarmashylyq adamdary atynan Sizge qamqorlyǵyńyz úshin alǵysymyzdy aıtamyz jáne Sizdiń Kóshbasshylyǵyńyzben bizdiń elimizdiń órkendeı berýine tilektespiz. Qazaqstan Kompozıtorlar  odaǵy, Qazaqstan Dızaınerler odaǵy.   Asa qurmetti Nursultan Ábishuly! Sizdi erekshe mańyzdy oqıǵa –  Qazaqstan Respýblıkasy Prezıdentiniń laýazymyna resmı kirisýińizben quttyqtaýǵa ruqsat etińiz. Siz saltanatty ulyqtaý rásiminde О́zińiz jarııalaǵan 5 halyqtyq reformanyń erekshe mańyzdylyǵyn jáne ózektiligin atap kórsettińiz. Osy rette Siz atap kórsetkendeı, 5 ınstıtýttyq refor­manyń sheshýshi baǵyty ekonomıkanyń údemeli damýyna, kásipkerlik qyzmettiń erkindigine, jekemenshik quqyǵyna kepildik beretin zań ústemdigin qamtamasyz etý bolyp tabylady. Siz ózińizdiń ınaýgýrasııalyq sózińizde ádiletti túrde atap kórsetkendeı, sot júıe­sindegi kadr saıasaty qaıta qaraýdy qajet etedi. Sýdıalar arasyndaǵy jemqorlyqty joıý, Femıda qyzmetkerleriniń jumysyndaǵy ashyqtyqty qamtamasyz etý mańyzdy bolyp tabylady. Sonymen birge, barlyq dárejedegi sýdıalardyń biliktiligin, jumys ótilin arttyrý jalpy alǵanda sýdıalar korpýsynyń kásibı sheberligin nyǵaıtatyn bolady. Sonymen birge, reforma elimizdiń quqyq qorǵaý júıesine turǵyndardyń senimin arttyrý maqsatynda ishki ister organdarynyń qoǵam aldyndaǵy jaýapkershiligin kúsheıtýge múmkindik beredi. Quqyq qorǵaý organdarynyń qyzmetkerlerin kásibı jáne psıhologııalyq irikteýdiń jańa júıesin engizý sheńberinde polıseılerdiń dárejesi artady,  olardyń azamattar aldyndaǵy jaýapkershiligi ósedi. Biz, sonymen birge, Qazaqstan Respýblıkasy Qarýly Kúshterin  jańǵyrtý  isi de mańyzdy jáne der kezindegi másele dep esepteımiz. Bizdiń armııamyz damyǵan elderdiń qarýly kúshteriniń dárejesinde jaraqtandyrylǵan, jaýyngerlik mindetterdi oryndaýǵa áleýetti, kásibı  armııa bolýy kerek. Qazaqstan Respýblıkasy Qarýly Kúshteri ardagerler uıymy.   Asa qurmetti Nursultan Ábishuly! Sizdi qazaqstandyq áıelder atynan Qazaqstan Respýblıkasy Prezıdentiniń laýazymyna resmı kirisýińizben shyn júrekten quttyqtaımyz! «Respýblıkalyq áıelder keńesi» AQ Sizdiń ınaýgýrasııa rásiminde jarııalaǵan 5 ınstıtýttyq reformany is júzine asyrý jónindegi mindetterdi biraýyzdan qoldaıdy. Biz ekonomıkalyq baǵdarlamalardyń tıimdiligin jáne memlekettik qyzmettiń sapasyn arttyrýǵa baǵyttalǵan qazirgi zamannyń avtonomdy memlekettik apparatyn qurý búgingi tańda óte aýqymdy mańyzdy mindet dep esepteımiz. Merıtokratııa qaǵıdattary boıynsha memlekettik qyzmetke teń dárejedegi qoljetimdilikti, qyzmetkerlerdi yntalandyrýdyń jáne laýazymdyq ósýdiń ádil júıesin qamtamasyz etý – bul memlekettik apparattaǵy reformalar júıesin júrgizýdiń jalǵasy bolyp tabylady. Mundaı júıe jańa múmkindikter ashady jáne búgingi zamannyń qyzmetkerlerin yntalandyrady. Siz usynǵan sharalar transparenttilik jáne seriktestik negizinde azamattyq qoǵam ınstıtýttarynyń memleketpen qarym-qatynas jasaý tetigin jetildirýge múmkindik beretindigine biz senimdimiz. Ekonomıkalyq ósim úshin jaǵdaı jasaıtyn jekemenshik quqyqtaryna kepildik jáne zańǵa ústemdik berý azamattardyń iskerlik belsendiligin arttyrady. Sot júıesiniń kásibı deńgeıin jáne quqyq qorǵaý organdary qyzmetiniń ashyqtyǵyn arttyrý azamattardyń bul júıelerge degen senimin kúsheıtedi. Sonymen birge, azamattyq bastamalardy is júzine asyrý úshin qolaıly jaǵdaı týǵyzady. Iri bıznesti, qaıta óńdeý óndirisin jáne shaǵyn jáne orta bıznes sýbektilerin damytý óńirlerdiń ınfraqurylymyn damytýǵa oń serpin beredi jáne jalpy alǵanda azamattyq qoǵamdy damytýǵa baǵyttalady. Memleket basshysynyń halyqtyq reformalary – barshaǵa birdeı qazirgi zamanǵy memleket retindegi Qazaqstannyń oıdaǵydaı damýy jolyndaǵy taǵy bir mańyzdy qadam bolyp tabylady. Respýblıkalyq Áıelder keńesi.   Asa qurmetti Nursultan Ábishuly! Aýǵanstandaǵy  soǵys ardagerleriniń assosıasııasy Sizdi Qazaqstan Respýblıkasy Prezıdentiniń laýazymyna resmı kirisýińizben shyn júrekten quttyqtaıdy! Siz ınaýgýrasııa rásiminde sóılegen sózińizde, ádettegideı bizdiń elimizdiń bolashaq damýynyń barlyq mańyzdy baǵyttaryn aıqyn belgiledińiz. Instıtýttyq reformalar retinde Siz usynǵan qazaq­standyq memlekettilikti odan ári ny