Ulyqtady halqyńyz, senimmen alǵa tartyńyz!

Nursultan Nazarbaevtyń Qazaqstan Respýblıkasynyń Prezıdenti laýazymyna resmı kirisýiniń

saltanatty rásimin tikeleı efır arqyly tamashalaǵan otandastarymyzdyń ortaq oıy osy

ALMATY Q.I.Sátbaev atyndaǵy QazUTÝ-de stýdentter men qyzmetkerler Prezıdenttiń saltanatty ulyqtaý rásimin teledıdardan tamashalady. Atap óter jaǵdaı, saıası naýqan kúni ýnıversıtet stýdentteri men qyzmetkerleri alǵashqylardyń biri bolyp 100 paıyz qatysýmen belsendilik tanytty. Olardyń qatarynda 1000 stýdent alǵash ret daýys berdi. Ulyqtaý rásimin kórgen qaı adamnyń da kóńili tolqydy dep bilemiz. Sebebi, bizder tarıhı sáttiń kýási boldyq. Bizden keıingi tolqyn, keler urpaq tarıhtan oqıtyn sáttiń ishinde bolyp, sonyń aýasymen tynystadyq. «Biz urpaqqa kórkeıgen eldi, nyǵaıǵan birlikti, myzǵymas turaq­tylyq pen eselengen baılyqty mıras etemiz, damýdyń dańǵylyna tyń qarqynmen aıaq basamyz. Bes halyqtyq reformany tabysty júzege asyryp, bolashaǵy birtutas elge aınalamyz», – dedi Elbasy. Prezıdenttiń reformasyn qoldaı otyryp, ýnıversıtetimiz ǵylymı-ınnovasııalyq qyzmeti tarapynan elimizdiń strategııalyq maqsatyn júzege asyrýǵa, otandyq jáne sheteldik kompanııalarmen seriktestik qatynasyn damytýǵa, Qazaqstan ekonomıkasynyń ǵylymı-tehnologııalyq damýyna  baǵyttalǵan mindetterdi oryndaýǵa bar kúshin salady. Rımma JANBAEVA, QazUTÝ-dyń aqparattyq-taldaý ortalyǵynyń bas mamany. AQTО́BE Keshe Astanadaǵy Táýelsizdik saraıynda Qazaqstan Prezıdenti Nursultan Nazarbaevty ulyqtaý rásimin teledıdardan kórip, egemendi elimizdiń abyroıyn asqaqtatar taǵy bir tarıhı mańyzdy oqıǵaǵa kýá boldyq. Elbasynyń Qazaqstan halqyna ant berý sáti eldiktiń saltanatyndaı áserge bóledi. Muny jalǵyz men ǵana emes, barsha qazaqstandyqtar asyǵa kútkeni shyndyq. Sóıtip, egemen elimiz Elba­syn ulyqtaý rásimin bas­tan ótkerdi. Munyń ózi Qazaqstannyń demo­kratııalyq jáne saıası damýdyń dań­ǵyl jolymen órkenıetti elder qata­ryna erkin engeniniń aıqyn mysaly. Elbasy Nursultan Nazarbaevtyń ulyqtaý rásiminde sóılegen sózin tyńdap, bolashaǵymyz budan da nurly bolatynyna senimimiz nyǵaıa tústi. Memleket basshysy saılaýdyń birligimizdiń qýatyn pash etkenine toqtala kelip, eldiń ári qaraı damýy­nyń tóńiregindegi birqatar syrtqy ­yq­paldardy da atap ótti. «Máńgi­lik El» ulttyq ıdeıasyn, «Qazaq­stan-­2050» Strategııasyn, «Nurly Jol» baǵdarlamasyn, bes halyqtyq reformany júzege asyrýdy jalǵastyra otyryp, jańa belesterdi baǵyndyrýǵa baǵyt ustalyp otyrǵanyna kózimiz jetti. Ulyqtaý rásiminen órkendegenimizdi, óskenimizdi ańǵardyq. Men ózim ázerbaıjanmyn, zaıybym qazaq qyzy. Bizdiń otbasynyń ózinen elimizdegi ulttar men ulystar arasyndaǵy dostyq ańǵarylady. Al, respýblıkamyzda 130-dan astam ulttardyń ókilderi turyp jatyr. Elbasy men el birliginiń mereıli sáti bizdiń árqaısymyzdyń kóńilimizde máńgi­lik ornyǵyp qalary sózsiz. Bul – bizdiń ortaq qýanyshymyz, bola­sha­ǵymyzdyń bastaý bulaǵy. Erteńine er­kin qadam basqan Qazaqstannyń shyǵar bıigi, alar asýy alasarmasyn. Qazaqstandy asa damyǵan 30 eldiń qataryna engizýge qulshyna kirisken Elbasy Nursultan Nazarbaevtyń qadamyna sáttilik tileıik.  Shahbaz JAMALOV, «Ázerbaıjandar qoǵamdastyǵy» respýblıkalyq qoǵamdyq birlestigi Aqtóbe qalasyndaǵy fılıalynyń tóraǵasy.

ATYRAÝ О́tken jeksenbide barsha qazaq­standyqtar sekildi ózim de Elbasy Nursultan Nazarbaevqa daýys berdim. О́ıtkeni, táýelsizdik alǵaly beri Qazaq­standy ekonomıkasy jańǵyrǵan, áleýmettik ahýaly jaqsarǵan qýatty memleketke aınaldyrýda Nursultan Ábishulynyń eren eńbegi bar. Eli úshin emirene eńbek etken er qashanda senimge laıyq ekeni bul jolǵy saılaýda da taǵy bir márte dáleldendi. Elimizdiń abyroıy álemdik órkenıette keńinen tanyldy. Otandyq ekonomıka órge bas­ty. Indýstrııalyq-ınnovasııalyq damý baǵdarlamasy aıasynda elimizde jańa tehnologııalar men qural-jabdyqtardy shyǵarý qolǵa alynyp jatyr. О́z elimizde munaı-gaz kenishteri barlanyp, «qara altyndy» óńdeý sapasy arta tústi. Mine, osynyń bári «Aldymen – ekonomıka...» qaǵıdasyn ustanǵan Nur­sultan Nazarbaevtyń ıdeıasymen qolǵa alynyp, sátti júzege asyrylyp keledi. Keshe bizdiń ujym Prezıdentti ulyqtaý rásimin arnaıy májilis zalynda ornatylǵan úlken monıtordan kórdi, sózin tyńdady. Elbasynyń «Qazaqstandyqtar maǵan uly senim kórsetip, Otanǵa taǵy qyzmet etýge shaqyrdy. Biz kúrdeli joldy birge júrip óttik: ózimizge senip, Táýelsizdigimizdi aldyq, memleket quryp, álemge jańa Qazaqstannyń esigin ashtyq, ózimizdi birtutas uly ult retinde tanyttyq. Sizderdiń senimderińiz meni árdaıym shabyttandyrdy, senimdilik pen kúsh-qýat berdi. Qazir barlyq jaýapkershilikpen aıtqym keledi: buǵan deıingi jyldardaǵy sııaqty halyqqa adal qyzmet etip, eldiń jáne barlyq azamattarymyzdyń amandyǵyn saqtap, jalpyulttyq bıik múddelerimizdi qorǵaıtyn bolamyn», – degen sózin estigende maqtanysh sezimine bólenip otyrdyq. Elbasy udaıy eldi alǵa jetelep keledi, aıtqan sózinde turady. Demek, táýelsiz elimiz alda áli talaı bıikke kóteriledi. Damyǵan 30 eldiń qataryna enip, qýatty memleket atanarymyzǵa kámil senemin. Qýandyq QALIDÝLLIN, «Embimunaıgaz» AQ bas dırektorynyń orynbasary. KО́KShETAÝ Kópultty halqymyz Astanadaǵy Táýelsizdik saraıynda Qazaqstan Prezıdenti Nursultan Nazarbaevty ulyqtaý rásimin elimizdegi ulyq oqı­ǵa retinde qabyldaǵanyna shek kel­tirmeımin. О́ıtkeni, bul jaı ǵana merekelik rásim emes, barshamyzdyń úkili úmitterimiz ben asyl muratta­ry­­­­­myzdy taǵy bir jańa beleske kótergen qadam boldy. Táýelsiz eldiń Tuńǵysh Prezıdenti óz halqy aldyndaǵy antyna adal­dyǵyn múltiksiz oryndaǵan tulǵa retinde elimizdiń abyroıyn asqaq­tatýda. Osy joly da halqy­myzǵa adaldyqtan taı­­­maýǵa, zańda­ry­myz­dy qatań saqtaýǵa, barsha­myz­dyń qu­­qyqtarymyz ben bos­tan­dyq­ta­ry­myz­ǵa kepildik berý­ge­ saltanatty túrde Ant bergende asa zor qurmet seziminde boldym. Kóńilim jaılanyp, kókjıegim keńeıe tústi. Biz bola­shaǵymyzǵa senimdimiz jáne Elba­sy­myzdyń kóregendigi arqa­syn­da sol bolashaqty ózimiz jasap, ur­paq­tarymyzǵa amanattaıtynymyz anyq. Qazaq eli bıyl asa mártebeli merekeler qushaǵynda kún keshýde. Elbasy qurǵan Assambleıa men halqymyzdy toptastyrǵan Konstıtýsııamyz 20 jyldyǵyn, Qazaq handyǵynyń 550 jyldyǵyn, Uly Otan soǵysyndaǵy Jeńistiń 70 jyldyǵyn atap ótý sal­tanatymyzǵa qadirli Prezıdentimizdiń saılaný toıy mereı qosa tústi. Biz endi jańa jigermen alǵa basatyn bolamyz. Valerıı SIMChÝK, Qazaqstan halqy Assambleıasynyń múshesi, Aqmola oblystyq máslıhatynyń depýtaty.

Aıqyn tańdaý adastyrmaıdy

Astanadaǵy Prezıdentti ulyqtaý rásimi Qyzyljar óńirinde saltanatty jaǵdaıda keńinen atap ótildi. M.Qozybaev atyndaǵy Soltústik Qazaqstan memlekettik ýnıversıtetine jınalǵan etnomádenı birlestikter, stýdent-jastar, úkimettik emes uıymdar ókilderi saltanatty rásimdi tikeleı efır arqyly tamashalaǵannan keıin fleshmob uıymdastyrdy. Onda Shyńǵys Qurbanov, Marııa Chernyshova, Aleksandr Plotko, taǵy basqa spıkerler sóz alyp, Qazaqstan Respýblıkasynyń Prezıdenti Nur­sultan Nazarbaevtyń ınaýgýrasııa barysynda ant berýi óskeleń urpaqtyń boıyna otanshyldyq sezimderin qalyp­tas­tyrýmen qatar, eren jaýapkershilik júkteıtinin jetkizdi. – Jastar! Sender jańa ǵana Memleket basshysynyń sózderin tebirene tyńdadyńdar. Men bárińdi Elbasymyz sekildi halyqqa adal qyzmet etip, el men ult múddesin aldyńǵy orynǵa qoıýǵa shaqyra­myn. Búginde Qazaqstandy álem­dik qoǵamdastyq jaqsy tanıdy, demokratııalyq el retinde moıyn­daıdy, – dedi spıkerlerdiń biri, jergilikti kúrd qoǵamdyq uıymynyń jetekshisi Rashıd Nadırov. «Doslýk» tatar-bashqurt má­denı qoǵamynyń tóraǵasy Ámir Baıa­zıtovtiń sózderi de jar­qyn shyqty. Ol Elba­synyń ulyqtaý rási­­minde belgilep bergen mindet­te­rine toqtalyp, tarıhtyń jańa beti ashylǵanyn málimdedi. Sondaı-aq, keıingi urpaqqa Qazaq­standy tabystaý barshamyzǵa ortaq paryz, halyqtyń zor senimin arqalaý eń bıik mártebe, jańa ǵasyrdyń syn-qaterlerine tótep berip, órkenıetti elder qataryna qosylý – basty jaýap­ker­shilik, degen Elbasy talaptary jı­nalǵandar tarapynan qyzý qoldaý ­taýyp, jigerli uran sózdermen ­jaý­ap berildi. Tek beıbitshilik, yntymaq, kelisim arqyly ǵana qýatty memleket bolyp qalyptasamyz, ol úshin qajy­maı-talmaı eńbek etý kerek, degen oı túıildi jıynda. О́mir ESQALI, «Egemen Qazaqstan». Soltústik Qazaqstan oblysy. Sýretti túsirgen Amangeldi BEKMURATOV.

Jastar qashanda Elbasymen birge

Keshe Shymkenttegi «Kórme» orta­lyǵynda Elbasy Nursultan Nazar­baevtyń ulyqtaý rásimin qol­daǵan myńdaǵan jas­tar fleshmob uıym­dastyrdy. Qazaqstan sekildi alyp memleketke kirpish bolyp qalanyp júr­gen jastardyń Memleket basshy­syn árdaıym qoldap, qurmet kór­setýi, uıymshyldyq tanytýy olar­dyń deńgeıin kórsetedi. Eldiń jaq­sy­lyǵyna, baǵyndyrǵan bıigine nıeti taza, halqyna júregi shyn ashıtyn jandar ǵana qýana alady. – Búgin ońtústiktiń 700 myńnan astam jastary atynan fleshmob uıymdastyryp otyrmyz. Jeńiske jetken Elbasymyzdy biz – jastar qoldaımyz, qýattaımyz. Elbasymyz­dyń etken eńbegi, sarabdal saıasaty qashanda qyz-jigitter nazarynan tys qalǵan emes. Sondyqtan da nurly jolǵa, nurly bolashaqqa birge qadam jasaıyq! Elbasyn qoldaıyq! – dedi «Shymkent jastary» qoǵamdyq birlestiginiń múshesi Jandos О́serbaev. Baqtııar TAIJAN, «Egemen Qazaqstan». ShYMKENT. Sýretti túsirgen Qaısar ShERIM. QARAǴANDY Maǵan qazir alystaǵy tarıhı otan­das­tarymnan elimizde kezekten tys ótken ­prezıdenttik saılaýǵa baılanys­ty oı-pikirimdi bilý úshin habarlasýshy­lar kóp. Shynyn aıtqanda, olardy daýys berý­shilerdiń saılaýǵa jappaı qatysýy jáne Nursultan Nazarbaevtyń asa joǵary deńgeıde daýys jınaýy tańǵaldyr­ǵany seziledi. Árıne, Qazaqstandaǵy ishki qoǵamdyq jaǵdaıdy syrttaı esti­genderinen, jete bilmeýlerinen be dep oılaımyn muny. Al bizge esh tań­danarlyǵy joqtyǵyna ómirdiń ózinen kýámiz. Etnosaralyq dostyq pen tatýlyq arqasynda bárimiz­di ortaq maqsatqa uıystyrǵan memle­ket­tik ­sarabdal saıasat, keleshegimizge berik senimdilik osyndaı aýyzbirshi­lik­ke tyǵyz toptastyra túsýin maqtanysh tutatynymyzdy aıtamyn. Prezıdentimizdi ulyqtaý rásimin teledıdar arqyly kórip, kóńilimiz maqtanyshqa bólendi. Bul saltanatqa oblystaǵy etnomádenı birles­tikter ókilderi qatysýy bárimizge ortaq mereı boldy. Elbasyn barsha qazaq­standyqtar óz júrek qalaýymen tańdady. Halqymyzdyń Prezıdent Nursul­tan Nazarbaevty qoldap, biraýyz­dan elimizdiń alǵa damýyna, sol uly muratqa belsendilikpen atsalysýǵa nıet­tilik tanytýy eldiktiń, otanshyldyqtyń jeńisi bolyp tabylatyndyǵy talassyz. Myzǵymas birlik pen buljymas tatýlyqty tý etken Otanymyzdyń odan ári ósip-órkendeýine jańa jol ashylýyna qýanyshtymyz. Qazaqstanymyzben, Nazarbaevpen birgemiz. Vıktor Kıst, «Vıdergebýrt» nemis ortalyǵy» oblystyq qoǵamynyń jetekshisi.  

«Biz Elbasyn udaıy qoldaımyz»

Elbasy Nursultan Nazarbaevtyń Atyraýǵa yqylasy erekshe bolsa, mu­naıly óńir turǵyndary da mem­l­e­kettiń saıasatyna udaıy qoldaý bildirip keledi. Sonyń jalǵa­sy sekildi jas býyn ókilderi Elba­sy saıasatyna fleshmob ótkizý arqyly qoldaý bildirdi. Beıbarys sul­­tan alańyna jınalǵan jastar patrıot­tyq ánder sazyna bıledi. Táýelsiz eldiń kók baıraǵyn beıneledi. – Biz, jas býyn ókilderi Elbasy saıasatynyń jemisin kórip kelemiz. Elimiz tynysh, ekonomıkamyz ór­ken jaı­dy. Alańsyz bilim aldyq. Ju­mysy­­myz bar, jalaqymyzdy turaq­ty alyp tura­myz. Keleshekke senimimiz mol, týǵan Ota­nymyz – Qazaqstan bárinen qymbat. Otanyńa, týǵan jerge jeter el de, jer de joq. Ony eshbir elmen aıyrbastaǵym kelmeıdi. Álem elderi bizdegi turaqtylyq pen birlikke, ekonomıkalyq órkendeý men jańǵyrýǵa qyzyǵyp ta, qyzǵanyp ta qaraıdy. Munyń bárine Elbasymyz Nursultan Nazarbaevtyń eren eńbegi arqyly qol jetkizdik. Elbasy – bizdegi turaqtylyq pen damýdyń kepili. Sol sebepten, biz Elbasymyzdy árdaıym qol­daımyz, – dedi qazaqshany erkin meńgergen belsendi jas Svetlana Lıýbına. Joldasbek ShО́PEǴUL, «Egemen Qazaqstan». ATYRAÝ. Sýretti túsirgen Rahym QOILYBAEV.

Fleshmob: kók Tý, búrkit jáne kún

Almaty jastary Astanadaǵy Elbasyn ulyqtaý saltanatyna oraı, Tuńǵysh Prezıdent saıabaǵynda fleshmob ótkizdi. Igilikti bastamanyń alǵy shebinde turǵan jalyn júrek, jas jiger Elbasynyń árqashan da ózderine ıyq súıeıtinin maqtanyshpen atap ótti. Qyzdar pedagogıkalyq ýnıversıtetiniń 3-kýrs stýdenti Tol­ǵanaı Bekmuqa prezıdenttik saılaý kezinde ýnıversıtettegi barlyq zamandastarynyń uıymshyldyqpen daýys berip, zor belsendilik tanytqany týraly áńgimeledi. Prezıdentti ulyqtaý saltanatyn teledıdardan tamashalap boly­symen, jastar fleshmobyna kelgen Tolǵanaıdyń qurbylary Aıdyngúl Aıtýǵan men Áıgerim Bostan: «Biz  Prezıdentke senemiz, Prezıdent bizge, jastarǵa senedi», dedi biraýyzdan. Jastar qaýymynyń jyldam basqosýy saltanatyna 1000-nan astam Almaty jastary jınaldy. Olardyń ishinde stýdentter, memlekettik emes uıymdardyń ókilderi, Qazaqstan halqy Assambleıasynyń músheleri bar. Elbasyn ulyqtaý saltanatyn qoldap, azamattyq ustanym tanytqan almatylyq jastar, sazdy mýzyka yrǵaǵymen alańda júgire júrip, eldiń kók Týyn, búrkit pen kúnniń keskinin órnektep salyp, halyq birligin dáriptedi. Talǵat SÚIINBAI, «Egemen Qazaqstan». ALMATY. Sýretterdi túsirgen Aıtjan MURZANOV. QOSTANAI Astanadaǵy ulyqtaý rásimi  basshysyn jańylmaı tańdaǵan memlekettegi eldiktiń saltanaty dese bolady. Teledı­dardan qarap, kóńilimizdi maqtanysh kernep otyrdy. Osyndaı elde, keń-baıtaq jerde ómirge kelip, azamat atanǵanyma táýbe deımin. Túrki tildes túbi bir qazaq pen tatar qashannan birge keledi. Rýhanı jaǵynan da birin-biri tolyqtyrǵan qos halyqty týystyq jaǵynan da eshkim bóle almaıdy. Bizdiń birinshi baılyǵymyz – yntymaq, birlik,  sodan keıin eldi  bolashaqqa adastyrmas týra jolmen bastaǵan Elbasymyz ekenin bilemiz. Shúkirshilik etemiz. Bizdiń memlekettiń tizgini taǵy da senimdi qolǵa tapsyrylǵanyna  qýandyq. Qazaqstan búginde  álemge tanyldy. Táýelsiz jas memleket  halyqaralyq kóptegen másele boıynsha úlgi kórsetip keledi. Atom qarýynan  óz erkimen bas tartýy, túrli dinı konfessııalardyń, túrli ulttardyń birlikte ómir súrýiniń qazaqstandyq úlgisin pash etti. Sóıtip, Qazaqstanda barlyq ult ókilderiniń  birligi men dostyǵy saltanat quryp keledi. Bizdi ýaqyt osy qalpymyzdan aıyrmasyn dep tileımin. Men – tatar halqynyń ulymyn. О́zim Qostanaıdaǵy  Áýlıekól aýdanynda týyp, qazaqtyń án-kúıine eltip óstim. Qazaq dalasynyń erke samalyndaı ándegi: «Qubyla soqqan jelden,  Tilegin Táńir bergen, Qasıet qonǵan elden, Eli úshin týǵan Erden, aınalaıyn!» degen joldar ár qazaqstandyqtyń júreginen tógilip turǵandaı estiledi. Renat BEKTEMIROV, tatar-bashqurt etnomádenı birlestiginiń tóraǵasy. О́SKEMEN Shyǵys óńiriniń jurtshylyǵy Elbasyn ulyqtaý rásimin zor qýa­nysh­­pen tamashalady. Biz, oblys­tyq Dos­tyq úıinde Qazaqstan halqy ­Assam­bleıasynyń músheleri men etnomádenı birlestikter jetekshileri jáne Assambleıa janyndaǵy ǵylymı-saraptamalyq top ókilderi bas qosyp, teledıdardan tikeleı efır arqyly Prezıdentti ulyqtaý rásimin kórdik. Bıylǵy saılaýda qazaqstandyqtar ózderiniń bir maqsatqa jetý jolyndaǵy arman-múddesin iske asyrýda bir Týdyń astyna toptasa alatynyn baıqatty. Elbasynyń jeńisi – barsha halyqtyń jeńisi. Inaýgýrasııa eli­mizdiń zańnamasyna sáıkes saltanatty jaǵdaıda ótti. Prezıdent Ata Zańymyzǵa qolyn qoıyp, Qazaqstan halqy aldynda Otanǵa qyzmet etýge ant berdi. Elimizdiń kók baıraǵyn súıdi. Árıne, munyń bári barlyq otandastarymyz úshin jan tolqytarlyq kórinister. Elbasy atap ótkendeı, qazirgideı almaǵaıyp dúnıede eldigimizdiń aınasy ispetti osyndaı memlekettik saltanatty sharalar tarıhymyzǵa altyn áriptermen jazylyp jatyr. Bul – búgingi Qazaqstan azamattary men keleshegimiz úshin taǵylymdy, Otan aldyndaǵy rýhty oıatatyn mańyzdy oqıǵa dep bilemiz. Endi barsha qazaqstandyqtar Memleket basshysymen birge jahandyq syn-qaterlerge qarsy qabyldanatyn is-sharalarǵa, bes halyqtyq reformany júzege asyrýǵa jumyla kirisedi degen senimdemiz. Aleksandr ALEKSEENKO, tarıh ǵylymdarynyń doktory,  professor. TALDYQORǴAN Biz kúlli qazaqstandyqtardyń aq tileýi men aq nıeti nátıjesi Elbasyn ulyqtaý rásimin kógildir ekrannan kórdik. О́te razy bolyp, kóńilimiz shalqydy. Almaty oblysynda tura­tyn 103 etnos ókilderi tatý-tátti yntymaǵy jarasa otyryp, el birliginiń biregeıligin pash etti. Qazaqstan Respýblıkasynyń Prezıdenti Nursultan Nazarbaev qalyń eldiń aldynda saltanatty jaǵdaıda ant qabyldaýyn álemdik deńgeıdegi asa iri saıası sát boldy dep túsinemiz. Qazaqstan halqy Assambleıasynyń usynysymen osy qadamdy jasap, úlken jeńiske jetken Elbasy shyn máninde teńdessiz tulǵa ekendigin dáleldedi. Osy bir sátte biz shyn júregimizden qýandyq. Elimizdi órkenıetke bas­taı bilgen Elbasy «Nurly Jol» baǵdarlamasyn usynyp, bes halyqtyq reforma baǵytyn aıqyndaǵanyn bul kúni taǵy naqtylaı tústi. Bul bes baǵyt Qazaqstan Respýblıkasyn áleýmettik-ekonomıkalyq turǵyda damytqan ústine damytyp, el birligin nyǵaıtaryna kámil senim bar. Kóregen saıasatker arǵy-ber­gini ekshep, batyl qadam jasaı alatyn­dyǵymen jáne beıbitshiliktiń tire­gine aınala bilýimen erekshelenedi. Elimizdegi turaqtylyqtyń kepili bola bilgen Kóshbasshymyzben biz, qazaqstandyqtar, maqtanamyz. Son­dyqtan da jalpyhalyqtyq qoldaýmen Nursultan Nazarbaev jeńiske jetti. Bul eldiń úlken qýanyshyna aınalyp, Astanada ótken ulyqtaý rásimi jurtshylyqty qýantyp otyr. Tatıana KRIVORÝChKO, Almaty oblysyndaǵy ýkraın etnomádenı birlestiginiń teń tóraıymy. ShYMKENT Memleket basshysy Nursultan Nazarbaevtyń saılaýdaǵy aıqyn jeńisi – eldegi júrgizilip otyrǵan memlekettik saıasatty halyqtyń aıqyn qoldaýynyń jemisi. Ony shetelden kelgen baıqaýshylar da óz kózimen kórip, biraýyzdan aıtty. Elbasynyń Táýelsizdik saraıynda ótken ulyqtaý rásimin teledıdardan kórip, sózin tyńdadyq. Halyqtyń Memleket basshysyna degen úlken qurmetin erekshe sezindik. Halyq qashanda Elbasymen birge. Qaı kezde de tireý bolýǵa, súıeý bolýǵa jaraıdy. Búgingi jetken jetistikterge toqmeıilsimeý kerek. Alda úlken jumystar bar. Qazaq­standy jańa jeńis­­terge jete­leý úshin Alla taǵala Elba­syna den­saýlyq, qýat, halyqqa sabyr, yntymaq bersin dep tileımiz. Darhan SABYRHANOV, M.Áýezov atyndaǵy Ońtústik Qazaqstan memlekettik ýnıversıtetiniń prorektory, tehnıka ǵylymdarynyń doktory, professor.