Fraksııa basshylarymen kezdesti

Elbasy Nursultan Nazarbaev Parlament Májilisindegi fraksııa basshylarymen kezdesti, dep habarlady Prezıdenttiń baspasóz qyzmeti. Qazaqstan Prezıdentiniń laýazymyna kirisýine baılanys­ty el Úkimeti óz ókilettigin doǵardy, sondaı-aq, Prezıdentke tikeleı baǵynystaǵy jáne oǵan esep beretin memlekettik organdar basshylary, Astana men Almaty qalalarynyń jáne oblystardyń ákimderi ókilettigin toqtatty. Memleket basshysy el aldyna qoıylǵan mindetterdi júzege asyrý qajettiligin eskere otyryp, Úkimettiń bastalǵan jumysty jalǵastyrǵany jón ekenin atap ótti. Osyǵan baılanysty Qazaqstan Prezıdenti Premer-Mınıstr laýazymyna Kárim Másimovtiń kandıdatýrasyn usyna otyryp, Úkimet pen Parlamenttiń úılesimdi jumysynyń mańyzdy ekenin aıtty. «Halyq kommýnısteri» depýtattyq fraksııasynyń je­tekshisi V.Kosarev bul sheshim jan-jaqty salmaqtalǵanyn ataı kele, qoldaý bildirdi. Qazaqstannyń «Aq jol» de­mo­kratııalyq partııasy frak­sııa­synyń basshysy A.Perýashev usynysty qoldap, K.Másimovtiń daǵdarysqa qarsy basqarý táji­rıbesine nazar aýdardy. «Nur Otan» fraksııasynyń basshysy D.Nazarbaeva da usynysty qoldady jáne depýtattar men Úki­met arasynda qalyptasqan syndarly qarym-qatynas olardyń ózara is-qımylyna oń yqpal etetinin atap ótti.