Nurly jol salǵan sańlaǵym

(Elbasyna arnaý) Tarıhtyń eleýli belesterinde el bastaǵan tulǵalarǵa jyrdan shashý shashý, óleńmen bata berý, tilek arnaý ejelden kele jatqan dástúrimiz. 1991 jylǵy alǵashqy prezıdenttik saılaýda jasy toqsannan asqan halyq aqyny Shákir Ábenov aqsaqal batasynyń aıaǵyn óleńmen órgen. 1999 jylǵy saılaýda Elbasyna degen aǵyl-tegil aqtarylǵan kóńilin Bekbolat Tileýhan jyrmen tógildirgen. Qazaqy qalpymyzǵa jarasatyn sol joralǵy keshe de jasalypty. Bul joly jyrdan shashýdy aıtys óneriniń jaryq juldyzy Amanjol Áltaev shashypty. «Jasalypty», «shashypty» deıtinimiz – muny biz «Habar» arnasynyń keshki jańalyqtaryndaǵy sıýjetten kózimiz shalyp qaldy. Kóre salysymen Amanjoldy izdedik. «Sen Elbasyna arnaýyńdy sýyryp salyp aıttyń ba?» deımiz. «Joq, bul óte jaýapty sát qoı. Aldyn ala shyǵaryp aıttym», deıdi Amanjol. «Onda bizge elektronkamen jibere qoıshy tez»,  deımiz. Tez-aq jetip keldi arnaý mátini. Bizdińshe, bul arnaýdy Táýelsizdik saraıy aldynda turǵan qaýym ǵana tyńdap qoımaýy kerek, mundaı júrekjardy jyrdyń bar qazaqtyń júregine jetkeni jón. Aqyn sózi – halyq sózi qashanda. Alataýdaı ordalym, Kaspııdeı shalqar arnalym. Saryarqadaı baıtaǵym, Kóshimdi bastar tarlanym. О́zińizdi halqym qoldady, Dáleldep bıik talǵamyn. Dál osylaı álemde, Kim qoldaı alar zańǵaryn. Tún uıqyńyzdy tórt bólip, Elin oılaǵan ardaǵyn. Oryndadyńyz halqymnyń, San ǵasyr kútken armanyn. Nur jolyńyzǵa, Nuraǵa, Meıirimi jaýsyn Allanyń.   Batystyń tilin taptyńyz, Shyǵystyń tilin taptyńyz. Táýelsiz Qazaqstannyń Shyraǵyn jaryq jaqtyńyz. Eńsesin eldiń kóterip, Tulǵasyn tiktep turǵyzǵan. Taı tóbelindeı qazaqqa, Álemniń moınyn burǵyzǵan. Kóterip kók tý baıraqty, Memleket qurǵan qaıratty. Shekaramyzdy bekitip, Barystaı basqan aıbatty. Eńsesi bıik Elbasym! Qutty bolsyn taǵyńyz, Baqytty kemel shaǵyńyz. Halqyma sáýle shashyp tur, Baıandy bolǵan baǵyńyz.   О́zińiz salǵan Astana, Jaıqalyp ósken jas qala. Tamsanyp álem qaraıtyn, Baısaldy Orda – bas qala. Baqyttyń erkin kiretin, Esigi bolǵan Astana. Yntymaq penen birliktiń, Besigi bolǵan Astana. Táýelsiz mynaý elimdi, Keń-baıtaq mynaý jerimdi. Kórmegenderge kórsetip, Bilmegenderge bilgizgen. Elshilik ashyp álemnen, Tórine baıraq ilgizgen. OON-ǵa múshe bolǵyzyp, Shyraıymyzdy kirgizgen. OBSE-niń taǵyna, Qazaqstandy mingizgen. Eýrazııanyń quryp odaǵyn, Kerýenin alǵa júrgizgen. EKSPO da erteń ótedi, О́zińiz salǵan nurly izben. Osynyń bári, Nuraǵa, Kemeńgerlikti bilgizgen.   Jaqynyn jatqa qımaǵan, Halqyna baqyt syılaǵan. Mońǵolııa, Qytaı, Iranǵa, Shashyrap ketken qazaqtyń, Bastaryn qosyp jınaǵan. Júz otyz ulttyń ókilin, Alalap birin bólmegen. Assambleıa jasaqtap, Eńbegimenen erlegen. Birliktiń mundaı úlgisin, Álemnen eshbir kórmegem. Eńsesi bıik Elbasy, Nursultan syndy erim bar. Osyndaı erdi týǵyzǵan, Qazaqtaı qaısar elim bar.   Aq saqaldy ataǵa, Qaırat berdińiz, Nuraǵa. Jalyndaǵan jastarǵa, Aıbat berdińiz, Nuraǵa. Aq jaýlyqty anaǵa, Qýat boldyńyz, Nuraǵa. Aq peıildi balaǵa, Shýaq boldyńyz, Nuraǵa. Yrysy artty elimniń, Bereke bizde, Nuraǵa. Yntymaq, birlik ornady, Mereke bizde, Nuraǵa! Elim dep soqqan júregi, Jurtymnyń Sizsiz tiregi. Qutty bolsyn ulyqtaý, Halqymnyń osy tilegi. Amanjol ÁLTAI, Qazaqstannyń eńbek sińirgen qaıratkeri.