Aqmola oblysynda 8 molda jumystan shyǵaryldy

ASTANA. 1 aqpan. Aqmola oblysy meshitteriniń qyzmetkerleri arasynda ótken attestasııanyń qorytyndysy boıynsha meshitterde qyzmet atqaryp júrgen 8 molda jumystan shyǵaryldy. Bul týraly «Aqmola medıa ortalyǵynyń» deregine súıengen Newtimes.kz habarlady. «Attestasııa Qazaqstan musylmandary dinı basqarmasynyń tóraǵasy, joǵarǵy mýftıı Erjan qajy Malǵajyulynyń tapsyrýy boıynsha ótkizildi», - delingen habarlamada. Agenttiktiń málimeti boıynsha, Aqmola oblysynyń meshitterinde 139 dinı atqarýshy qyzmet etedi. Olardyń bárimen arnaıy saraptama komıssııasy attestasııalyq tekserý ótkizgen. Synaq qorytyndysynda bir dinı qyzmetker ǵana attestasııany «óte jaqsy» degen baǵaǵa tapsyrǵan. Taǵy 21 qyzmetker «tórtke» jaýap bergen. «Qanaǵattanarlyq» degen baǵany 69 qyzmetker alǵan. Bulardan bólek, 15 adam attestasııadan óte almasa, 8 qyzmetkerdi qyzmetterinen bosatýǵa týra kelgen. Budan basqa, 25 qyzmetkerdiń ártúrli jaǵdaılarǵa (aýyryp qalýlaryna, oqýda júrýlerine) baılanysty attestasııaǵa qatysa alǵan joq. Sondyqtan olardy synaqtan ótkizý keıinge qaldyryldy. Murat Aıtqoja. Derek, foto: Newtimes.kz.