ASTANA. 1 aqpan. «Astana» basketbol komandasy VTB biryńǵaı lıgasynyń 18-týrynda chehııalyq «Nımbýrkten» 82:84 esebimen jeńildi. Bul týraly egemen.kz habarlady.
Astanadaǵy «Saryarqa» respýblıkalyq velotreginde ótken oıynda alǵashqy kezeń teń jaǵdaıda órbidi. Nátıjesinde, qarsylastar úziliske 19:19 esebimen tarqasty.
Atalmysh týrnır aıasynda «Astana» sońǵy úsh oıynda qarsylastaryna ese jiberse, «Nımbýrktiń» mundaı sátsizdik serııasy jeteýge jetken. Sondyqtan qos tarap ta bul oıynǵa erekshe kóńil bóldi. Ásirese, «Astanaǵa» jeńis aýadaı qajet edi. Alǵashqy aınalymda Chehııada ótken oıynda «Nımbýrk» basym boldy. Sol sebepti, bizdiń komanda óz jankúıerleri aldynda ese qaıtarýǵa tyrysty.
Ekinshi kezeńdi alań ıeleri óte shıraq bastady. Komanda sapyndaǵy qos amerıkalyq Djerrı Djonson men Djekovan Braýn birneshe márte qonaqtardyń qorǵanysyn buzyp ótip, qorjynǵa mańyzdy upaılar saldy. Qarsylastyń úzilisten keıingi qarqynyn kórgen «Nımbýrktiń» bas bapkeri Kıastýtısa Kemzýra úzilis alyp, shákirtteriniń jigerin janyp kórdi. Degenmen, bul kezeńde qonaq komandanyń osaldyǵy anyq baıqaldy. Bapker keńesinen qorytyndy shyǵarǵandaı bolǵan chehııalyqtar óz upaılaryn molaıtqanymen, «Astanany» basyp ozýǵa shamalary jetpedi. Soǵan sáıkes, úlken úziliske bizdiń komanda basymdyqpen attandy. Alǵashqy 20 mınýttyń qorytyndysy boıynsha esep «Astananyń» paıdasyna 46:38 bolatyn.
Úshinshi kezeńde qonaqtar baryn saldy. Ásirese, Chester Sımons, Darıýs Vashıngton jáne Gerret Shtýs syndy oıynshylary belsendilik tanytyp, birneshe márte úshupaılyq aımaqtan nysanany dál kózdedi. Desek te, «Nımbýrktiń» ár nátıjeli upaıyna Aleksandr Trıfýnovıch shákirtteri laıyqty jaýap berip otyrdy. Soǵan oraı, sport keshenine jınalǵan jankúıerler bul kezeń de «Astananyń» basymdyǵymen aıaqtalatynyna senimdi bolǵan. Sebebi, kelesi úziliske nebári 2 mınýt qalǵan kezde alań qojaıyndary 62:55 esebimen alda turdy. О́kinishke qaraı, sol eki mınýttyń ishinde qonaqtar 7 upaı ıemdenip, úziliske deıin tarazy basyn teńestirip ketti.
Sheshýshi kezeń aldynda tabloda 62:62 esebi kórsetilip turdy. Sondyqtan sońǵy 10 mınýtta naǵyz «jan berip, jan alysar» tartys bolary sózsiz edi. Tórtinshi kezeń bastalysymen chehtar oıyn tizginin óz qoldaryna alyp, birden joıqyn shabýylǵa kóshti. Ásirese, Petr Bendanyń qarqynyna bizdiń qorǵaýshylar tótep bere almady. Sonyń nátıjesinde, Benda jalǵyz ózi kezeńniń alǵashqy úsh mınýtynda 8 upaı jınap úlgerdi. Endi tarazy basyn teńestirý máselesi astanalyqtarǵa aýysty. Tartys túgesiler tusta oıyndaǵy basymdyqqa ıe bolǵanymen, komandamyz jeńiske jetýdiń jolyn taba almady. Kezeń basyndaǵy belsendiliktiń arqasynda upaı sanyn kóbeıtip alǵan qonaqtar 84:82 esebimen jeńiske jett. Al «Astana» lıga aıasynda osymen tórtinshi oıyn qatarynan jeńilis tapty. Oıyn barysynda «Nımbýrk» sapyndaǵy D.Vashıngton 24 upaı jıyp, kezdesýdiń eń mergen oıynshysy atandy «Astana» oıynshylary arasynan eń kóp upaı jıǵan Nık Keıner-Medlı. Ol komandasy jıǵan 82 upaıdyń 21-in óz enshisinen jazdy.
Ázirge A.Trıfýnovıch bapker «Astananyń» oıyn órnegine oń ózgeris engize almaı keledi. Evrochelledj týrnırindegi oıyndardy qosar bolsaq, bul elordalyqtardyń qatarynan besinshi jeńilisi. Búginge deıin VTB lıgasynda 16 oıyn ótkizgen komandamyz sonyń 10-ynda qarsylasyna ese jibergen. Soǵan sáıkes, týrnır kestesinde 10-satyda keledi. Bul kórsetkish pleı-off kezeńinen tys qaldyratyny belgili. Atalmysh kezeńde oınaý úshin úzdik 8 komandanyń qataryna qosylý kerek.
Astanadaǵy jeńisterine qaramastan «Nımbýrktiń» de jaǵdaıy máz emes. Olar búginde lıgada oınaıtyn 16 komandanyń ishinde 14-orynda tur.
«Astana» lıga aıasyndaǵy kelesi oıyndy 8 aqpan kúni Reseıdiń Volgograd qalasynda jergilikti «Krasnyı Oktıabr» komandasyna qarsy ótkizedi.
Elaman Qońyr.
Dereke: egemen.kz.
Sýret: vtb-league.com.
ASTANA. 1 aqpan. «Astana» basketbol komandasy VTB biryńǵaı lıgasynyń 18-týrynda chehııalyq «Nımbýrkten» 82:84 esebimen jeńildi. Bul týraly egemen.kz habarlady.
Astanadaǵy «Saryarqa» respýblıkalyq velotreginde ótken oıynda alǵashqy kezeń teń jaǵdaıda órbidi. Nátıjesinde, qarsylastar úziliske 19:19 esebimen tarqasty.
Atalmysh týrnır aıasynda «Astana» sońǵy úsh oıynda qarsylastaryna ese jiberse, «Nımbýrktiń» mundaı sátsizdik serııasy jeteýge jetken. Sondyqtan qos tarap ta bul oıynǵa erekshe kóńil bóldi. Ásirese, «Astanaǵa» jeńis aýadaı qajet edi. Alǵashqy aınalymda Chehııada ótken oıynda «Nımbýrk» basym boldy. Sol sebepti, bizdiń komanda óz jankúıerleri aldynda ese qaıtarýǵa tyrysty.
Ekinshi kezeńdi alań ıeleri óte shıraq bastady. Komanda sapyndaǵy qos amerıkalyq Djerrı Djonson men Djekovan Braýn birneshe márte qonaqtardyń qorǵanysyn buzyp ótip, qorjynǵa mańyzdy upaılar saldy. Qarsylastyń úzilisten keıingi qarqynyn kórgen «Nımbýrktiń» bas bapkeri Kıastýtısa Kemzýra úzilis alyp, shákirtteriniń jigerin janyp kórdi. Degenmen, bul kezeńde qonaq komandanyń osaldyǵy anyq baıqaldy. Bapker keńesinen qorytyndy shyǵarǵandaı bolǵan chehııalyqtar óz upaılaryn molaıtqanymen, «Astanany» basyp ozýǵa shamalary jetpedi. Soǵan sáıkes, úlken úziliske bizdiń komanda basymdyqpen attandy. Alǵashqy 20 mınýttyń qorytyndysy boıynsha esep «Astananyń» paıdasyna 46:38 bolatyn.
Úshinshi kezeńde qonaqtar baryn saldy. Ásirese, Chester Sımons, Darıýs Vashıngton jáne Gerret Shtýs syndy oıynshylary belsendilik tanytyp, birneshe márte úshupaılyq aımaqtan nysanany dál kózdedi. Desek te, «Nımbýrktiń» ár nátıjeli upaıyna Aleksandr Trıfýnovıch shákirtteri laıyqty jaýap berip otyrdy. Soǵan oraı, sport keshenine jınalǵan jankúıerler bul kezeń de «Astananyń» basymdyǵymen aıaqtalatynyna senimdi bolǵan. Sebebi, kelesi úziliske nebári 2 mınýt qalǵan kezde alań qojaıyndary 62:55 esebimen alda turdy. О́kinishke qaraı, sol eki mınýttyń ishinde qonaqtar 7 upaı ıemdenip, úziliske deıin tarazy basyn teńestirip ketti.
Sheshýshi kezeń aldynda tabloda 62:62 esebi kórsetilip turdy. Sondyqtan sońǵy 10 mınýtta naǵyz «jan berip, jan alysar» tartys bolary sózsiz edi. Tórtinshi kezeń bastalysymen chehtar oıyn tizginin óz qoldaryna alyp, birden joıqyn shabýylǵa kóshti. Ásirese, Petr Bendanyń qarqynyna bizdiń qorǵaýshylar tótep bere almady. Sonyń nátıjesinde, Benda jalǵyz ózi kezeńniń alǵashqy úsh mınýtynda 8 upaı jınap úlgerdi. Endi tarazy basyn teńestirý máselesi astanalyqtarǵa aýysty. Tartys túgesiler tusta oıyndaǵy basymdyqqa ıe bolǵanymen, komandamyz jeńiske jetýdiń jolyn taba almady. Kezeń basyndaǵy belsendiliktiń arqasynda upaı sanyn kóbeıtip alǵan qonaqtar 84:82 esebimen jeńiske jett. Al «Astana» lıga aıasynda osymen tórtinshi oıyn qatarynan jeńilis tapty. Oıyn barysynda «Nımbýrk» sapyndaǵy D.Vashıngton 24 upaı jıyp, kezdesýdiń eń mergen oıynshysy atandy «Astana» oıynshylary arasynan eń kóp upaı jıǵan Nık Keıner-Medlı. Ol komandasy jıǵan 82 upaıdyń 21-in óz enshisinen jazdy.
Ázirge A.Trıfýnovıch bapker «Astananyń» oıyn órnegine oń ózgeris engize almaı keledi. Evrochelledj týrnırindegi oıyndardy qosar bolsaq, bul elordalyqtardyń qatarynan besinshi jeńilisi. Búginge deıin VTB lıgasynda 16 oıyn ótkizgen komandamyz sonyń 10-ynda qarsylasyna ese jibergen. Soǵan sáıkes, týrnır kestesinde 10-satyda keledi. Bul kórsetkish pleı-off kezeńinen tys qaldyratyny belgili. Atalmysh kezeńde oınaý úshin úzdik 8 komandanyń qataryna qosylý kerek.
Astanadaǵy jeńisterine qaramastan «Nımbýrktiń» de jaǵdaıy máz emes. Olar búginde lıgada oınaıtyn 16 komandanyń ishinde 14-orynda tur.
«Astana» lıga aıasyndaǵy kelesi oıyndy 8 aqpan kúni Reseıdiń Volgograd qalasynda jergilikti «Krasnyı Oktıabr» komandasyna qarsy ótkizedi.
Elaman Qońyr.
Dereke: egemen.kz.
Sýret: vtb-league.com.
