QOSTANAI. 2 aqpan. Rýdnyı ındýstrııalyq ınstıtýtynda «Stýdentter men kásipkerler alıansy» degen pılottyq jobanyń ashylý saltanaty boldy. Bul týraly egemen.kz tilshisi habarlady.
Stýdentter men kásipkerler alıansynyń saltanatty ashylý rásimi aıasynda qaramaǵyndaǵy bıznes-mekteptiń alǵashqy otyrysy ótti. Oǵan stýdenttermen qatar rýdnyılyq kásipkerler palatasy, kásipkerlikti qoldaý ortalyǵy men shaǵyn jáne orta bıznes ókilderi qatysty.
«Qazaqstan-2050» strategııasynda kásipkerlikti ulttyq ekonomıkanyń jetekshi kúshi retinde jan-jaqty qoldaý ári shaǵyn jáne orta bıznestiń ekonomıkadaǵy úlesin 2030 jylǵa qaraı eki esege arttyrý mindeti qoıyldy. Alaıda, jastar arasynda kásipkerliktiń búgingi jaǵdaıy týraly aıtqanda, sheshimin tappaǵan kóptegen máseleler oıǵa oralatyny anyq. Sonyń ishinde kolledj nemese ýnıversıtet qabyrǵasynda júrgen jastarǵa kásipkerliktiń qyr-syryn meńgertý – Elbasy qoıyp otyrǵan mańyzdy tapsyrmalardyń biri. Osy pılottyq jobanyń avtory, ınstıtýttyń tárbıe isi jónindegi prorektory Jasulan Alpysbaev bilim ordasynyń túlekteri bolashaqta óz isin ashatyn tabysty kásipkerlerdiń qataryna qosylý úshin barlyq jaǵdaıdy jasaıtynyn aıtady.
Stýdentter men kásipkerler alıansynyń tóraǵasy Jalulan Alpysbaev: «Bıznes-mektepte stýdentterimiz ekonomıkanyń naqty sektorynda jumys istep júrgen kásipkerlerden teorııalyq jáne praktıkalyq bilim alady. Eń bastysy, oqytý tegin jáne mektepti sátti támamdaǵan túlekke arnaıy sertıfıkat beriledi» dedi.
Kezdesýde Qostanaı oblystyq kásipkerler palatasy Rýdnyı fılıalynyń dırektory Serikbaı Ábilǵazıev pen kásipkerlikti qoldaý ortalyǵynyń menedjeri Olga Prıadko ıgi bastamaǵa tabys tilep, óz tarapynan stýdentterge aqparattyq jáne konsýltasııalyq kómek kórsetýge árdaıym daıyn ekendikterin jetkizdi.
Kezdesý sońynda bıznes-mekteptiń bir top tyńdaýshylary kókeıdegi saýaldaryna kásipkerler jaýap berdi, pikir almasty.
Názıra Járimbetova.
Derek, sýret egemen.kz.
