ATYRAÝ. 2 aqpan. Atyraý oblystyq sotynyń qylmystyq ister jónindegi apellıasııalyq sot alqasy Atyraý oblysy ákimdiginiń burynǵy laýazymdy tulǵalary men jeke kásipkerlerge qatysty shyǵarylǵan sot úkimimen kelispeı, berilgen barlyq apellıasııalyq shaǵymdar men narazylyqtardy qaraýdy bastady. Bul týraly oblystyq sottyń baspasóz qyzmeti habarlady.
Sot májilisi sottalǵandar men olardyń qorǵaýshylary jáne jábirlenýshilerdiń qatysýymen ótkizilýde. Olardan basqa, buqaralyq aqparat quraldarynyń jáne qoǵamdyq uıym ókilderi syıymdylyǵy 50 adamdyq arnaıy bólmege ornalastyryldy. «Olarǵa óz jumystaryn jedel jáne yńǵaıly atqarý úshin úlken ekrandy monıtorlar, prınter jáne symsyz ınternet júıeleri usynyldy», dep habarlady Atyraý oblystyq sotynyń baspasóz hatshysy Boranbaı Ǵalıev.
Joldasbek Shópeǵul.
Derek, sýret: Atyraý oblystyq soty.
