Jıdebaı

týrısterdi jyl boıy qabyldaıtyn bolady Qazaqqa uly Abaıdy syılaǵan shyǵys óńiri aqynnyń mereıtoıyna daıyndyq sharalaryn bas­tap ketti. Bıyl hakimniń týǵan jeri – Abaı aýdanynda negizgi mereıtoılyq sharalar ótedi. Osyǵan oraı aýdan ortalyǵy Qaraýyldy abattandyrý men kóriktendirý, áleýmettik nysandardy jańartý baǵytynda tyń ózgerister kútip tur. Abaı aýdany – qonaǵy kóp meken. Jıdebaıdaǵy aqynnyń sońǵy on jyl ómirin ótkizgen úıi men qazaqtyń qos alyby – Abaı men Shákárimniń kesenesin kórip, zııarat etýge shetelderden, elimizdiń túkpir-túkpirinen meımandar tolassyz aǵylady. Aqynnyń týǵanyna 170 jyl tolýy qarsańynda qonaqtardyń qarasy qalyń bolatyny daýsyz. Sondyqtan, Jıdebaı qoryq-murajaıy qonaqtardy qabyldaýǵa daıyn bolýy tıis. Abaı aýdanyna jumys saparymen kelgen óńir basshysy Danıal Ahmetov Jıdebaı keshenine keletin týrıster úshin qonaqúı men dámhana qajettigin jetkizdi. Birshama jyl buryn Abaı murajaı-úıiniń mańaıynda salynǵan nysan aıaqtalmaı qalǵan bolatyn. Abaıdyń «Jıdebaı-Bórili» memlekettik tarıhı-mádenı jáne ádebı-memorıaldyq qoryq murajaıynyń dırektory Jandos Áýbákir týrıster kóp kelýi úshin keshenniń zamanaýı ınfraqurylymmen qamtylýy kerektigin aıtady. Bul nysandy aıaqtaý úshin 16 mıllıon teńge qarjy bólinbek. Osy oraıda oblys ákimi áý basta jazǵy qonaq úı retinde josparlanǵan qonaq úıdi qysqy úlgidegi ǵımarat etip salý qajettigin atap ótti. Sonda keshen týrısterdi jyl on eki aı qabyldaı alatyn bolady. Aıta ketken lázim, Jıdebaı – Qunanbaıdyń qutty qara­shańy­raǵy bolǵan meken. Qunan­baı­dan keıin onyń kenje uly Ospanǵa qaldyrylǵan. Ospan qaıtys bolǵannan keıin qazaqtyń ámeńgerlik jolymen kelini Erkejandy alǵan Abaı 1894 jyldan bastap, sońǵy on jyl ǵumyryn osy Jıdebaıda ótkizdi. Dýman ANASh, «Egemen Qazaqstan». Shyǵys Qazaqstan oblysy, Abaı aýdany.