Sálem, Jeńis!

Ekinshi dúnıejúzilik soǵysta fashısterdiń qursaýynda qalǵan Lenıngrad qalasynyń azat etilgenine qańtardyń sońǵy kúnderinde 71 jyl toldy. Shymkenttegi M.Dýlatı atyndaǵy №8 mektep-gımnazııa ujymy osy dataǵa oraı Uly Otan soǵysynyń ardageri Anna Shalıa men ýa­qytynda osy mektepten tálim alǵan, ózi suranyp maıdanǵa attanǵan, Lenıngrad qorshaýynda bar aýyrtpalyqty kórgen maıdanger Taısııa Medvedevany shaqyryp, áńgimelerin tyńdady. «Kúndik asqa 125 gramm nan beriledi, jylý men elektr energııasy joq. Aspannan jań­­­­­byr­daı jaýǵan oq, yńyranyp kelip úı aýma­­ǵyn­daı jerdi aspanǵa atqan aýyr snarıad­tar, talqany shyqqan qala, qyrylyp jat­qan adamdar, shybyn janyn qaıda qoıaryn bilmeı qu­­lyndaǵan daýysy quraqqa shyqqan bala-shaǵa...». Maıdangerler qorshaýda qalǵan qala, ólispeı berispeske bekinip, urys salǵan ­jaýyngerler, maıdan kepterleri jaıly áńgimeniń tıegin aǵytty. Soǵys bitkenine 70 jyl bolsa da zulmat jyldar salǵan jaraqat júrekten ketpek emes, dedi olar. О́rimdeı jastyq shaǵy el basyna kún týǵan ýaqytqa dóp kelgen qos maıdangerdiń búgingi urpaqqa aıtary kóp edi. Lenıngradtyqtar sol bir qıyn kúnderde óshpes erliktiń úlgisin tanytqan. Kezdesýge arnaıy qatysqan oblystyq jasóspirimder týrıstik stansasynyń órenderi Sankt-Peterbýrgke jaqyn ornalasqan, qorshaýda qyrylyp, jappaı jerlengen Pıskarev memorıaldy qorymynan bir shókim topyraǵy bar quty kapsýla ala kelipti. Oqýshylar erlikpen qaza tapqan maıdangerlerdi, azamattardy bir mınýt únsizdikpen eske alyp, qurmet kórsetti. Oqýshylar soǵys kezindegi ánderdi aıtyp, bı bıledi. Uly Jambyldyń qorshaýdaǵy qala turǵyndaryna arnaǵan “Lenıngradtyq órenderim” sııaqty órshil óleńderdi oqydy. “Biz soǵysty kórgen joqpyz. Atala­rymyzdan estidik, kınolardan kórdik. Mıllıon­daǵan adamdy qazaǵa ushyratqan soǵysta jeńimpazdar bolmaıdy. Otanymyz aman bolsa eken. Halqymyz baqytty bolsa eken. Biz beıbitshilikti qoldaımyz”. Jasóspi­rimderdiń pikiri osyǵan saıyp jatty. – Sender baqyttysyńdar, – dedi Taısııa Medvedeva. – Beıbit ýaqytta dúnıege keldiń­der. Soǵys salǵan órtti qudaıym senderge kórset­peı-aq qoısyn. Jeńis kúnin jaqyndatqan­dar­dy umytpańdar jáne Qazaqstandaı qýatty memlekettiń ul-qyzdary ekendikterińdi maqtanysh etińder. Kókórim shaǵynda qan maıdanǵa túsken ardagerlerdiń batasy osy. Baqtııar TAIJAN, «Egemen Qazaqstan». ShYMKENT.