Bul memleket jáne qoǵam qaıratkeriniń úshinshi jyr kitaby deýge bolady. Shyǵarmalary jazýshynyń jeke muraǵatynda saqtalypty. Onda burynǵy gazetterde jarııalanyp, jınaqtarǵa enbegen óleńderi men balladalary bar. Sonymen birge túrik tilinde jaryq kórgen "KUY" kitaby da tanystyryldy.
Shara barysynda "Ábish Kekilbaev álemi" atty foto jáne kitap kórmesi uıymdastyryldy. Oǵan 150-ge jýyq eńbek qoıyldy. Arasynda jazýshynyń qoljazbalary, pýblısıstıkalyq maqalalary, kitaptary, zııalylardyń qalamger týraly aıtqan estelikteri bar.
- Biz Ǵylym jáne joǵary bilim mınıstrliginiń granttyq qarjylandyrý jobasy aıasynda sol óleńderdi jınastyryp, jańa kitap qylyp, "Dáýren keshken" degen atpen usynyp otyrmyz. Buǵan bizge jazýshynyń nemeresi, jazýshynyń kórkem muralarynyń janashyry Abyl Kekilbaev baýyrymyz kóp kómektesti, - dedi kitap qurastyrýshy Ádilet Qabylov.
