Eńbek jáne halyqty áleýmettik qorǵaý mınıstriniń buıryǵynyń jobasynda kásiptik merekelerdiń tizbesin mynadaı kúndermen tolyqtyrý kózdelgen:
- Qarjy monıtorıngi organdary kúni – 28 qańtar;
- Teńiz jáne ózen kóligi qyzmetkerleri kúni – shilde aıynyń birinshi jeksenbisi;
- Temirjol kóligi kúni – tamyz aıynyń birinshi jeksenbisi;
- Aspap jasaý jáne avtomatıka salasy qyzmetkerleriniń kúni – qyrkúıektiń ekinshi jeksenbisi;
- Tehnıkalyq jáne kásiptik, orta bilimnen keıingi bilim berý qyzmetkerleriniń kúni – 2 qazan;
- Avtomobıl kóligi qyzmetkerleri kúni – qazan aıynyń sońǵy jeksenbisi;
- Býhgalterlik esep jáne aýdıt qyzmetkerleri kúni – 10 qarasha;
- Qylmystyq atqarý júıesi qyzmetkerleriniń kúni – 13 jeltoqsan.
Sonymen qatar, bul merekeler Úkimettiń 2024 jylǵy 16 tamyzdaǵy № 668 qaýlysymen bekitilgendikten Ulttyq baspasóz kúni men Radıo kúnin bul tizimnen alyp tastaý josparlanyp jatyr.
«Jańa kásibı merekelerdi engizý týraly usynystardy tıisti qyzmet salalaryndaǵy ýákiletti memlekettik organdar kóterdi», dep túsindirdi mınıstrlik.
Buıryq jobasymen silteme arqyly tanysýǵa bolady.
