Medet pen qurmet

«Bul jınaqta kórnekti zamandastarymyz jóninde jazǵan dúnıelerim bar. Otanǵa qyzmet etýdi paryzy sanaǵan memleket jáne qoǵam qaıratkerleriniń ónegeli ómiri men eńbek joly óskeleń urpaqqa úlgi bolsyn dedim. О́zim birqatar bedeldi ujymdarda qyzmet jasadym. Nebir jaısań azamattarmen tanysyp, syılas boldym... Ǵumyrymda kórgen jaqsylyqtar men kezdesken qıyndyqtardy baıandadym», dedi O.Joldybaı.

2017 jyly el tarıhyn tú­gendeý maqsatynda akademık, medısına ǵy­­lymdarynyń doktory Polat Qa­zym­betov bastaǵan ǵylymı ekspedısııa Qaraqalpaq Respýblıkasyndaǵy Berýnı qalasy mańyndaǵy Abbas áýlıe kesenesi mańynda jerlengen Naǵanaı bıdiń basyna baryp, Quran baǵyshtap, duǵa jasaıdy. Osy tanymdyq taqyrypty qamtyǵan maqalasynda avtor Naǵanaı bı jerlengen tustan qutyǵa topyraq salyp ákelip, elimizdiń ońtústik óńirinde atalǵan bıge arnalǵan eskert­kish keshenniń irgesine salynǵanyn jaz­ǵan.

Kitaptyń kelesi bir bóliminde tanymal qoǵam qaırat­keri О́mirzaq Ozǵan­baevtan bastap, ǵalym Dandaı Ysqa­quly, bel­gili jazýshy-jýr­na­lıster Qýandyq Tú­menbaı, Jeńis Ba­hadúr, О́tesh О́teýliuly jáne basqa azamattardyń Orynbek Endibaıuly týraly jazǵan paıymdy pikirleri toptas­tyrylǵan. Zamandastary O.Jol­dybaıdyń azamattyq qadir-qasıeti, qalamgerlik sheberligi týraly syr sher­tedi. Orekeńniń eńbekqorlyǵyn erekshe atap ótedi. Igilikti isterdi atqarýǵa jum­saǵan qajyr-qaıraty ózine abyroı bolyp oralǵan.

Aıta ketý kerek, Orynbek Joldy­baıdyń ár jyldary «Zamana kelbeti», «Ýaqyt lebi», «О́tken jyldar órnegi», «Jan sy­rym» jáne basqa kitaptary jaryq kórgen. Sonymen qatar akademık Rahmanqul Berdibaı men aqyn Qulynshaq Kemeluly (1840–1911) týraly zertteý eńbekteri jarııalanǵan.

Aıbatyr SAMIǴOLLAULY,

jýrnalıst

ASTANA