Bul qujat jumysshylardyń quqyn qorǵaıdy

Keshe Premer-Mınıstrdiń orynbasary Berdibek Saparbaevtyń Jambyl oblysyna jumys sapary barysynda jumysshylardyń eńbek quqyǵy men kepildigin qamtamasyz etý máselesine qatysty jıyn ótip, 17 memorandýmǵa qol qoıyldy. Iri kásiporyndar basshylary men kásipodaq komıtetiniń ókilderi qatysqan bul basqosýda jumysshylardyń áleýmettik jáne eńbek quqyqtaryn qamtamasyz etý joldary  talqylandy. Sondaı-aq, oblys ákimdigi, kásiporyn basshylary, kásipodaq komıtetteri men ulttyq kompanııalar ózara yntymaqtastyq týraly eki baǵyttaǵy birneshe kelisimge qol jetkizdi. Bul qujattardyń basty maq­saty – jumysshylardyń eńbek quqyq­tary men kepildigin qamta­masyz etý baǵytyndaǵy ynty­maq­tastyq jáne ekinshi óndiris barysynda jergilikti jáne qazaq­standyq úlesti qamtamasyz etý. 17 memorandým óńirdegi 6 iri kásiporyn jumysshylarynyń eńbek quqyqtaryn qamtamasyz etýge baılanysty qujat. Atalǵan kásiporyndarda barlyǵy 20 myńnan astam jumysshy eńbek etedi. Sondaı-aq, aldaǵy ýaqytta jumysshylar men kásipodaq arasyndaǵy baılanysty nyǵaıtý, jumysshylardyń eńbek quqyqtaryn qamtamasyz etýge baılanysty óńirdegi 79 kásiporynmen memorandýmǵa qol qoıý josparlanýda. Búgingi tańda Jambyl oblysynda 5699 kásiporyn bolsa, onyń 2812-simen ujymdyq kelisimshart jasalǵan. Bul 49,3 paıyzdy quraıdy. – Elimizde jumyspen qamtýdyń «Jol kartasy-2020», «Agrobıznes» jáne taǵy da basqa birqatar memlekettik baǵdarlamalary júzege asyp jatyr. Bul baǵdar­lama­lardyń bári dittegen maqsa­tyna jetýi tıis. Ásirese, ındýs­trııalyq-ınnovasııalyq baǵdar­lamaǵa kóp kúsh salynyp jatyr. Osy baǵdarlama boıynsha jumys istep jatqan kásiporyndar, basqa da joba ıeleri óz ónimderin shyǵaryp, salyq tólep, jańa jumys oryndaryn ashýy kerek. Eń basty másele – jalaqyǵa qaryz bolmaýy tıis, – dedi Premer-Mınıstrdiń orynbasary B.Saparbaev. «Qazfosfat» – óńirdegi eń iri óndiris orny. Hımııa óndirisiniń alyby atanǵan bul kásiporyn búginde álemniń 33 memleketine óziniń 20 túrli ónimin shyǵaryp otyr. Zaýyttyń búgingi tańdaǵy eń basty tutynýshysy – Eýropa odaǵy memleketteri, onan soń TMD-ǵa múshe memleketter. О́tken jylmen salystyrǵanda, zaýyt ónimdiligi bıyl aıtarlyqtaı artty. Alaıda álemdik naryqtaǵy keıbir qıyndyqtarǵa baılanys­ty ónimdi ótkerýdiń máselesi de joq emes. Soǵan qaramastan, kásiporyn aldaǵy jyly ekstraksııa­ly fosfor qyshqylyn shyǵaratyn jańa óndiristiń alǵashqy kezeńin aıaqtaýdy josparlap otyr. Iаǵnı, 2016 jyldan bastap fosfor tyńaıtqyshtary úsh esege kóp shyǵarylady. Al, ekinshi kezeńi 2020 jyly bitip, kompanııa 1 mıllıon tonnaǵa jýyq tyńaıtqysh shyǵaratyn bolady. – Memorandým júkteıtin taǵy bir negizgi másele – satyp alý isinde otandyq úlesti arttyrý. О́tken jyldyń 9 aıynda óńirdegi eń iri degen óndiris oryndary 107 mıllıon teńgeden astam qarjyǵa kerek-jaraǵyn satyp alǵan. Onyń 42 paıyzdaıy – otandyq ónim. Bul joly óndiris oryndary 11 mılıard teńgeniń kóleminde ózara alys-beris jasaýǵa ýaǵdalasty, – dedi Jambyl oblysynyń ákimi Kárim Kókirekbaev. Oralhan DÁÝIT, «Egemen Qazaqstan». Jambyl oblysy.