Turaqtylyq pen tııanaqtylyq tiregine aınalar tujyrymdar
Ǵazazat IMAQOVA,
saıasattanýshy:
– Prezıdent janyndaǵy Jańǵyrtý jónindegi ulttyq komıssııanyń osyndaı rekordtyq qysqa merzimde qurylýy onyń kókeıkestiliginiń shynymen de joǵary ekenin kórsetedi.
Bul Memleket basshysynyń memleket pen qoǵam qyzmetiniń sheshýshi baǵyttaryn jańǵyrtý jónindegi alǵa qoıylǵan strategııalyq baǵytty qatań ustanatynyn taǵy bir ret kórsetip berdi.
Komıssııa quramyna bedeldi jáne saýatty basshylar engen, olardyń árqaısysy naqty baǵyttarǵa jaýap beredi.
Ulttyq komıssııa janynda bedeldi sheteldik sarapshylardan turatyn halyqaralyq konsýltatıvtik keńestiń jumys isteıtini de mańyzdy.
Osylaısha, Memleket basshysynyń reformalaryn júzege asyrý alǵashqy kúnnen bastap, júıeli negizge qoıyldy.
Qazaqstannyń búkil sarapshylyq qaýymdastyǵy, ǵalymdar qazirdiń ózinde 5 ınstıtýttyq, nemese búginde atap júrgendeı, halyqtyq reformalardyń ýaqyttylyǵy men qajettiligin biraýyzdan qýattaýda.
Bul usynylǵan reformalardy qoǵamnyń qoldaıtynyn jáne soǵan sáıkes qoǵamnyń olardy júzege asyrýǵa tikeleı jáne belsendi qatysýǵa daıyn ekendigin bildiredi.
Elbasynyń 5 halyqtyq reformasy is júzinde, Qazaqstannyń 30 kóshbasshy eldiń qataryna enýi boıynsha naqty júrdek magıstrali bolyp tabylady.
Jaqsylyq SÁBITOV,
saıasattanýshy:
– Eń aldymen, Jańǵyrtý jónindegi ulttyq komıssııanyń Memleket basshysynyń ınaýgýrasııasynan soń kelesi kúni-aq qurylǵanyn atap ótý qajet.
Bul Prezıdenttiń belgilengen 5 ınstıtýttyq reformany júzege asyrýdy shuǵyl túrde bastaýǵa degen umtylysyn bildiredi.
Shynymen de, ýaqyt kútpeıdi. Ulyqtaý rásimindegi óziniń saltanatty sózinde Memleket basshysy álemniń kóptegen elderine tek ekonomıkalyq turǵyda ǵana emes, sonymen birge turaqtylyq pen qaýipsizdikti qamtamasyz etý jaǵynan da teris yqpalyn tıgizetin bes syrtqy syn-qaterlerdi aıtyp ótti.
Bul syn-qaterlerdiń bári qarqyndy túrde damýda, olarǵa qarsy turý úshin dál sondaı aldyn alý sharalaryn qabyldaý qajet.
Qurylǵan Ulttyq komıssııanyń mindeti 5 reformany satylap júzege asyrýdy basqarý jáne memlekettik organdardyń, bıznes sektordyń jáne azamattyq qoǵamnyń is-qımyldaryn úılestirý bolyp tabylady.
Iаǵnı, Prezıdenttiń reformasyn belsendi júzege asyrýǵa barlyq memlekettik, qoǵamdyq jáne bıznes qurylymdar tartylǵan.
Egjeı-tegjeıli jospardyń – memlekettik qurylystyń odan arǵy 100 naqty qadamynyń ázirlenetinin de atap ótý qajet.
Iаǵnı, búkil jumys reforma habarlanǵan sátten bastap berik irgetasqa qalanýda.
Gúlmıra KENJEBALINA,
sarapshy:
– Qazaqstan Prezıdenti janyndaǵy Jańǵyrtý jónindegi ulttyq komıssııanyń jedel qurylýy óte mańyzdy dep sanaımyn.
Sóz joq, bul, birinshiden, Memleket basshysynyń usynylǵan ınstıtýttyq reformalardy júzege asyrý barysyna kózqarasynyń aıqyndyǵy men syndarlylyǵyn bildiredi. Ekinshiden, onyń qurylýy – ol reformany tıimdi júrgizýdiń kepili.
Komıssııa quramyna joǵary kásibı deńgeıde memlekettik organdardyń, bıznestiń, azamattyq qoǵamnyń is-qımyldaryn úılestire alatyn tájirıbeli basqarýshylar engen. Demek, bizdiń elimizdiń árbir azamaty osy reformalardy júzege asyrýǵa óz úlesterin qosýy úshin barlyq jaǵdaılar jasalatyn bolady.
Búginde bizdiń elimizde «Nurly Jol» baǵdarlamasy «Qazaqstan-2050» Strategııasy jumys isteıdi. Olardyń tıimdi oryndalýy úshin Memleket basshysynyń 5 ınstıtýttyq reformasy meılinshe mańyzdy.
Komıssııanyń qurylýy olardy júzege asyrýǵa elimizdiń shuǵyl túrde kirisýine jaǵdaı jasaıtynyna senimi mol.
Venera MUSTAFINA,
sarapshy:
– Sóz joq, Memleket basshysynyń ınstıtýttyq reformalaryn tıimdi júzege asyrý – ol Qazaqstannyń bolashaq ál-aýqatynyń mańyzdy quramdas bóligi.
Olardyń birizdilikpen júrgizilýine zor mańyz bere otyryp, Elbasy búgingi kúni olardy tikeleı júzege asyrý úshin alǵashqy qadam jasady.
Qazaqstan Prezıdenti janynan qurylǵan Jańǵyrtý jónindegi ulttyq komıssııa búkil qajetti jumystardy eń joǵary deńgeıde uıymdastyrýǵa jaǵdaı týǵyzady. Onyń quramyna úlken jumys tájirıbeleri bar joǵary bilikti top-menedjerler engen.
Halyqtyq reformalardy sapaly oryndaý bizdiń árqaısymyzǵa, sol sııaqty, qazaqstandyq qoǵamnyń barlyq sektorlarynyń is-qımyldaryn saýatty úılestirýge baılanysty. Komıssııa músheleriniń bul jumysty eń joǵary deńgeıde jolǵa qoıatynyna senimdimin.
Memleket basshysynyń alda turǵan jumysqa strategııalyq kózqarasy onda álemdik tájirıbeniń keńinen qoldanylatyndyǵynan da kórinip otyr.
Komıssııanyń reformany sapaly oryndaý úshin qajetti barlyq kókeıkesti máseleler talqylanatyn jáne sheshimder shuǵyl qabyldanatyn qurylym bolatynyna senimdimin.
Záýre ALShYNBAEVA,
Qazirgi zamanǵy damý ınstıtýtynyń dırektory:
– Jańǵyrtý jónindegi ulttyq komıssııanyń ınaýgýrasııadan keıin kelesi kúni qurylýy Memleket basshysynyń Qazaqstannyń qazirgi satydaǵy turaqty damýyn qamtamasyz etýdegi mańyzdy mindetterdi sheshýge degen strategııalyq kózqarasyn taǵy bir ret kórsetip berdi.
Ulttyq komıssııa quramyna buǵan deıin qabyldanǵan baǵdarlamalar men strategııalardy tabysty júzege asyrýda tájirıbeleri bar basshylar engen.
Reformalardy tıimdi júzege asyrý úshin Ult jospary – memlekettik qurylystyń odan arǵy 100 naqty qadamy ázirlenetin bolady.
Búginde Memleket basshysy qabyldaǵan sharalar jáne Ulttyq komıssııanyń qurylýy biz «Qazaqstan-2050» Strategııasynyń maqsattary men mindetterine tabysty qol jetkizý úshin júzege asyrýymyzǵa tıis 5 ınstıtýttyq reformany tabysty júzege asyrýdyń negizi bolyp tabylady.
Lázzat TÚSIPOVA,
Qazaqstan saıasattanýshylary kongresiniń múshesi:
– Jańǵyrtý jónindegi ulttyq komıssııany laýazymǵa resmı ene salysymen qurý arqyly Qazaqstan Prezıdenti bizdiń elimizdiń odan ári damýynyń strategııalyq maqsattaryna qol jetkizýde kezekti ret óziniń saıası kóregendigin kórsetti.
Komıssııa quramyna, sóz joq, qoǵam aldyna qoıylǵan mindetterdiń keshendi sheshilýin jáne 5 ınstıtýttyq reformany júzege asyrý jónindegi Memleket basshysy tapsyrmalarynyń tolyqqandy oryndalýyn qamtamasyz etetin laýazymdy tulǵalar engen.
Komıssııany shuǵyl túrde qurý ony júzege asyrýdyń yrǵaqtylyǵy men tıimdiliginiń kepili bolyp tabylady.
Onyń syrtynda Prezıdent sondaı-aq, ulyqtaý rásimindegi óziniń sózinde aýqymdy 5 ishki mindetterdi – turaqtylyqtyń tiregi retindegi orta tap úlesin ulǵaıtýdyń, birtutas rynokty jáne barlyq óńirlerdiń tepe-teń damytylýynyń, jańa jumys oryndaryn qurýdyń, tarıhtyń jańa oramynda ult birligin nyǵaıtýdyń, sybaılas jemqorlyqpen kúrestiń mańyzdy basymdyqqa ıe ekenin belgilep berdi.
Osylaısha, memlekettik organdar men qoǵamnyń aldyna shynymen de keń aýqymdy mindetter qoıylyp otyr.
Memleket basshysy atap kórsetkendeı, syrtqy syn-qaterlerdi eńserý úshin bizge ishki turǵyda nyǵaıý qajet.
Toptasqan qoǵam kez kelgen syn-qaterge qarsy turýǵa qabiletti. Al qazaqstandyqtardyń toptasqan ult ekenin biz 26 sáýir, daýys berý kúni ózimizdiń turaqty jáne tabysty bolashaǵymyz úshin, Nursultan Nazarbaevqa daýys berý úshin búkil elimizben saılaý ýchaskelerine kelý arqyly dáleldep berdik.
Farıda ÝKASOVA,
Qazaqstan saıasattanýshylary kongresiniń múshesi:
– Memleket basshysynyń Jańǵyrtý jónindegi ulttyq komıssııany osyndaı qysqa merzimde qurýy 5 ınstıtýttyq reformany tabysty júzege asyrýdyń mańyzdy faktory bolyp tabylady.
Ulttyq komıssııanyń quramyn bekitý arqyly Qazaqstan Prezıdenti reformalaýdyń árbir baǵytyna naqtyly basshylardy belgiledi.
Bul eldiń zańnama, áleýmettik-ekonomıkalyq jáne qoǵamdyq-saıası damýy salasyndaǵy reformalardyń júıeli negizde, birkelki júzege asyrylatynyn bildiredi.
Sondaı-aq, Memleket basshysy Ulttyq komıssııanyń birinshi otyrysynda Ult josparynyń – memlekettik qurylystyń odan arǵy 100 naqty qadamynyń usynylatynyn atap kórsetti.
Sheshimder qabyldaýdaǵy operatıvtilik jáne jedeldete damýǵa baǵyt ustaný 5 ınstıtýttyq reformanyń tabysty júzege asýyn qamtamasyz etý úshin qýatty serpin beretin bolady.
Sergeı SELIVERSTOV,
sarapshy:
– Qazaqstan Prezıdenti janynan reformalardyń oryndalýy úshin jaýapty Jańǵyrtý jónindegi ulttyq komıssııanyń qysqa merzimde qurylýyn strategııalyq saralanǵan saıası qadam dep sanaımyn.
Bul halyqtyq reformalardy júzege asyrýdy bastaýdyń birinshi qadamy.
Ulttyq komıssııanyń alǵashqy otyrysy da taıaýdaǵy kúnderi ótedi dep oılaımyn.
Memleket basshysy atap kórsetkendeı, alǵashqy otyrystyń ózinde-aq memlekettik qurylystyń odan arǵy 100 naqty qadamy usynylatyn bolady.
Nursultan Ábishuly Nazarbaevtyń basshylyǵymen Qazaqstanda qazirdiń ózinde kókeıkesti mindetterdi tez jáne tıimdi sheshýdiń tabysty tájirıbesi bar.
Biz «Qazaqstan-2030» Strategııasyn merziminen buryn júzege asyrdyq, ındýstrııalandyrýdyń birinshi besjyldyǵy yrǵaqty túrde aıaqtaldy, ındýstrııalyq-ınnovasııalyq damý baǵdarlamasynyń ekinshi besjyldyǵy sheńberindegi jumystar joǵary qarqynmen júrýde.
Osy faktorlardyń barlyǵyn eskere kelgende, halyqtyq reformalardy ómirge engizý tıimdi, sapaly jáne belgilengen merzimderde júzege asady dep senimmen aıtýǵa bolady.
Denıs KÝRGANNIKOV,
saıasattanýshy:
– El Prezıdenti Nursultan Nazarbaev óziniń naǵyz Ult Kóshbasshysy ekenin taǵy da dáleldedi. Elbasynyń bes ınstıtýttyq reformasy Qazaqstandy qýatty memleketke aınaldyrýda basty ról oınaıtynyn moıyndaýymyz kerek. Barshamyz Elbasynyń saılaýaldy tuǵyrnamasynda 5 ınstıtýttyq reforma usynylǵanyn jaqsy bilemiz. Saılaýda daýsyz jeńiske jetken Prezıdent endi osy atalǵan reformalardy júzege asyrýǵa qulshyna kirispek. Onyń ıgilikterin kóp ótpeı-aq kóretin bolamyz. Jalpy, bizdiń Elbasy sózinde turatyn, ýádege berik Basshy retinde moıyndalǵan tulǵa. Sondyqtan da Prezıdentimizge halyq ystyq iltıpatpen, senimmen qaraıdy. Ulyqtaý saltanaty kezinde Memleket basshysy el Prezıdenti janynan Jańǵyrtý jónindegi ulttyq komıssııa qurylatynyn aıtqan bolatyn. Endi sol komıssııa aıtyp aýyz jıǵansha qurylyp ta úlgerdi. Onyń negizgi mindeti joǵaryda aıtylǵan bes reformany kezeń-kezeńimen júzege asyrýdy basqarý bolmaq. Sondaı-aq, osy qurylym arqyly memlekettik organdardyń, bıznes-sektor men azamattyq qoǵamnyń is-qımyly úılesim tappaq. Men bul isten kóregen saıasatkerdiń ábden oılanyp-tolǵanyp baryp jasaǵan saýatty bastamasyn ańǵardym.
Maqsatymyz aıqyn
Elbasy Nursultan Nazarbaev ulyqtaý saltanatynda sóılegen sózinde: «Taǵdyry tutas, tilegi uqsas Qazaqstan halqy osy kezeńde ǵasyrlyq máni bar ǵalamat tabystarǵa jetti», dep egemendik alǵannan keıingi jyldardaǵy elimizdiń qol jetken jetistikterin aıshyqtap atap kórsetti. Memleket basshysy az ǵana ýaqyt aralyǵynda Alash jurtynyń áleýeti asqan, dáýleti tasqan, irgesi berik, bedeli zor aıdyndy elge aınalǵandyǵyn aıta kelip, boıynda kúsh-qýaty, ómirden tálim etip alǵan mol tájirıbesi barda árqashanda tilegi bir eldiń tiregi bolyp qyzmet ete berýge daıyn ekendigin jetkizdi. Elbasynyń negizgi maqsaty ózine senim artqan halqynyń kósegesin kógertý ekendigi anyq. Prezıdenttiń ulyqtaý rásimindegi halyqqa arnaýy «Nur Otan» partııasynyń HVI sezinde sóılegen baǵdarlamalyq sózimen úndesip jatty. Atalǵan baǵdarlamada el bolashaǵynyń jarqyn bolýy úshin eń áýeli ekonomıkalyq baǵdarlamalardy sapaly júzege asyrýdy jáne memlekettik qyzmetterdi usynýdy qamtamasyz etetin qazirgi zamanǵy, kásibı memlekettik apparatty qalyptastyrý, bolashaǵy birtutas ult qurý, transparentti jáne esep berýshi memleketti ornyqtyrý qajettigin atap kórsetken bolatyn. Qazaqstandyq saılaýshylardyń aıqyn daýysyna ıe bolyp, qaıta saılanǵan Nursultan Nazarbaevtyń ózi aıshyqtap aıtqandaı, halqynyń kórsetken qoldaýy – Elbasyna sarqylmas kúsh-jiger beretindigine jáne Memleket basshysynyń ózi bastamashysy bolǵan bes halyqtyq reformany júzege asyrýda alda turǵan mindetterdiń údesinen shyǵatyndyǵymyzǵa senimdimiz. Gúldara NURYMOVA, Jambyl oblystyq máslıhatynyń depýtaty. TARAZ.Qazaqstan halqy jumylyp, Elbasyna kómektesýimiz kerek
Qazaqstan halqy úlken-úlken tarıhı oqıǵalarǵa kýá bolyp jatyr. Keshe ǵana Elbasy – Qazaqstan Respýblıkasynyń Prezıdentin saltanatty túrde ulyqtaý rásimi ótti. Táýelsizdiktiń qıyn-qystaý sátinde týra joldy taba bilip, halyqtyń jaǵdaıyn jaqsartty, el ekonomıkasyn damytyp, shekaramyzdy shegendedi, bar ultty uıystyryp, tatý ómir ornatty. Mine, endi qazir Qazaqstan – álem moıyndaǵan irgeli el. Uly oıshyl Volterdiń: «Memleketti qutqarý úshin bir ǵana uly adam jetkilikti», degen sózi bar. Men Elbasymyzdy osyndaı uly tulǵa dep esepter edim. Elbasy saılaýaldy tuǵyrnamasynda jarııalaǵan maqsattardy oryndaýǵa kirisip te ketti. Endigi jerde aldaǵy qoıǵan mindetterge búkil Qazaqstan halqy jumylyp, Elbasyna kómektesýimiz kerek. Árbir memlekettik qyzmetker, árbir Qazaqstan azamaty saılaýdaǵy belsendiliginiń qarqynyn saqtap, ári qaraı da osy qoldaýdy jalǵastyryp, elimizdiń damý úderisterin ári qaraı bıikterge kóterýge jumystanýy kerek. Bektas BEKNAZAROV, Senat depýtaty.Bes mindettiń sheshilýine bilimniń qosary mol
Elbasy Nursultan Nazarbaev ulyqtaý rásiminde elimiz úshin ýaqyt kóldeneń tartyp otyrǵan eń ózekti bes mindetti ortaǵa saldy. Ishki jaǵdaıymyzdy nyǵaıtsaq búkil dúnıeni oılantyp otyrǵan syrtqy qaterler aınalyp ótetinin eskertti. Ekonomıka damyǵanda ǵana elimiz turǵyndarynyń áleýmettik turmysy jaqsarady. Muny Elbasy aıtqandaı, orta tap jasaıdy. Bul shaǵyn jáne orta bıznesti damytý kerek degen sóz. Bul úshin biliktiligi joǵary mamandar kerek. Barlyǵyn da mamandar sheshedi. Al olardy bilim oshaqtary ǵana daıyndaıdy. Sonymen qatar, Nursultan Nazarbaev sybaılas jemqorlyqpen kúreske basymdyq bere aıtty. Bilim salasyn damytpaı, oǵan ozyq ádis-tásilderdi engizbeı qoǵamnyń bul dertinen qutyla almaımyz. Qoǵamdy sybaılastyq derti jaılaǵan kezde ǵylym da aqsaıdy. Al ǵylym damymaı ınnovasııalyq jobalar, jalpy damý báseńsıdi. Mamandar bolmaı óndiris, uqsatý kásiporyndary tul der edim. Qazir Qostanaı oblysynyń óndiris salasynda da, aýyl sharýashylyǵynda da túrli mamandarǵa zárýlik joq emes. Bilikti mamandar ǵana jumys oryndarynyń ósip-órkendeýine múmkindik jasaıdy. Mine, sondyqtan Elbasy bul máseleni burynnan aıtyp keledi, bul joly da der ýaqytynda kóterip otyr. Respýblıkanyń barlyq shalǵaıyn birdeı damytýdy qamtamasyz etip, ishki rynokty kúsheıtý de ýaqyt talaby. Bul negizinen ekonomıkaǵa tıisti sekildi kórinedi. Alaıda, munyń bilim salasyna da qatysy orasan. Aýyldarǵa, shet aýdandarǵa pedagogıka mamandary qazir óte qajet bolyp otyr. Jas urpaqqa bilim bermeı, mamandar daıyndamaı óńirler qalaı damymaq? Muny da Memleket basshysy óte durys tapsyryp otyr. Bes tapsyrmanyń qataryna tarıhtyń jańa kezeńinde ultty uıystyra túsý, halyqtyń birligin nyǵaıta túsý máselesi de qosyldy. El úshin tynyshtyqtyń qanshalyqty mańyzdy ekenin aınalamyzǵa qarap bilip otyrmyz. Endigi maqsat, alǵa qoıǵan osy mindetterdi júzege asyrýǵa atsalysý bolmaq. Qýat BAIMYRZAEV, Qostanaı memlekettik pedagogıkalyq ınstıtýtynyń rektory, professor. QOSTANAI.Qaraǵandy jastarynyń jalyny
Elbasyn ulyqtaý rásimin barsha qazaqstandyq jastardaı qaraǵandylyq zamandastary da zor qýanyshpen qarsy aldy. Olar Astanadaǵy osynaý saltanattan soń ile E. A. Bóketov atyndaǵy Qaraǵandy memlekettik ýnıversıteti aldyndaǵy keń « Jastar» alańynda bas qosyp, óz ómirlerindegi umytylmas oqıǵaǵa baılanysty flesh-mob ótkizdi. Myńdaǵan jigitter men qyzdar bir shańyraqtyń ulandaryndaı qol ustasa «Alǵa, Qazaqstan!», «Biz Nursultan Nazarbaevpen birgemiz!» dep urandatyp, qalany kóńildi únge jańǵyryqtyrdy. Elbasyn, otanshyldyq pen birlikti qoldaýlaryn shyrqalǵan án-jyrlarymen bildirdi. – Búgin biz jastarymyzdyń qaıtadan saılanǵan Prezıdentke, eline degen tereń súıispenshilikterin sezinip, keleshekterine senimine qýanyp turmyz. Halqymyzdyń basym daýsymen jeńiske jetken Nursultan Ábishuly Nazarbaev úshin óz tańdaýyn jasaýshylardyń qalyń bóligi jas qaýym ekenin bilemiz. Olardyń keremet tarıhı sátke shynaıy qýanyshtary arqyly elimizdiń erteńi jarqyndyǵy, aǵa urpaq úlgili úrdisi berik qolda bola beretindigi kóńil ósirdi, – dedi Qazaqstan halqy Assambleıasynyń múshesi Sálıma Nurmaǵambetova. Flesh-mobqa atalǵan oqý orny stýdentterimen birge jastar qoǵamdyq uıymdarynyń ókilderi, kásiporyndardyń jas eńbekkerleri qatysty. Aıqyn Nesipbaı, «Egemen Qazaqstan». QARAǴANDY.Ult jospary uly isterge jeteleıdi
Elbasynyń burnaǵy kúngi ulyqtaý rásimi burynǵydan ózgeshe boldy. Nursultan Ábishuly memlekettiń aldynda turǵan mindetterdi aıqyndap, jasalatyn jumystyń júıesin tizip berdi. Tutas álemniń damýyna tusaý bolatyn dúnıeler bar. Memleket basshysy jahandyq deńgeıdegi bes birdeı syn-qaterlerge toqtaldy. Onyń árqaısysyna baǵa berip, qaýiptiń yqtımaldyǵyna nazar aýdardy. Máselen, ekstremızm men zorlyq-zombylyqty júıesiz paıdalanatyn oıynshylardyń boı kórsetýi, sanksııalyq, «valıýtalyq» jáne saýda soǵysy barlyq elderdegi problemalardy ýshyqtyra túskenin, klımattyń ózgerý úderisteri boljap bolmaıtyn saldarlarmen ótip, túrli kataklızmderge ákep soqtyryp jatqanyn, jahandyq tártiptegi daǵdarys pen álemdik ekonomıkanyń turaqsyzdyǵy halyqaralyq úılestirý jumystaryna kúmánmen qaraýǵa májbúrlep jatqanyn ashyq aıtty. Osyndaı qadaý-qadaý máseleler bizdiń de damý jolymyzǵa jańa talaptar qoıyp otyr. Bul rette, Elbasy memleket aldynda turǵan bes aýqymdy mindetke toqtaldy. «Birinshiden, bizge turaqtylyǵymyzdyń tiregi retindegi orta taptyń úlesin ulǵaıtyp, bıznesti damytý jáne elge orta tabysy bar turǵyndarynyń sany basym memleket bolýǵa kómektesý kerek. Ekinshiden, biz – ulan-ǵaıyr elmiz. Sondyqtan, bizge birtutas ishki naryqty damytý jáne búkil óńirlerdi teńdestirip damytý kerek. Úshinshiden, jemqorlyqpen kúres bizdiń jumysymyzdyń basty basymdyqtarynyń biri bolyp tabylady. Tórtinshiden, jańa jumys oryndaryn qurý, ol úshin ındýstrııalyq baǵdarlama júzege asyrylyp, bıznes damytylýda. Besinshiden, tarıhtyń jańa belesinde ulttyń birligin nyǵaıtý», – dedi Nursultan Nazarbaev. Eń bastysy, eldiń ári qaraı órkendeýi úshin Ult jospary jasalatyn boldy. Ult jospary halqymyzdy uly isterge jeteleıdi dep senemin. О́ıtkeni, mynadaı almaǵaıyp zamanda josparly jumys qana bizdi jetistikke jetkize alady. Baqbergen DOSMANBETOV, Ulttyq ǵylym akademııasynyń korrespondent-múshesi. QYZYLORDA.Táýelsizdigimizdiń tamasha tabysy
1991 jyly 10 jeltoqsanda Almatydaǵy Respýblıka saraıynda ótken Qazaqstan Prezıdentiniń tuńǵysh ant berý rásimi esimde umytylmastaı qalypty. Ol ýaqytta Memleket basshysy saılaýshylardyń 98,7 daýysyn jınap, jalpyhalyqtyq qoldaýǵa ıe bolǵan edi. Bul jolǵy ınaýgýrasııa–táýelsiz Qazaqstan tarıhyndaǵy besinshi ulyqtaý rásimi. Bárinde de Nursultan Ábishulynyń syralǵy serigi, úzeńgiles dosy retinde senimdi ókili bolý baqyty buıyrypty. Astanadaǵy Táýelsizdik saraıynda saılaýshylardyń 97,75 paıyz daýysyn jınap, qaıta saılanǵan Elbasynyń Qazaqstan halqyna ant berýi – el ómirindegi aıryqsha oqıǵa. Osy sátten bastap resmı qyzmetine kirisken Prezıdenttiń halqyma burynǵydaı adal qyzmet etip, elim men ulttyq múddemizdi qorǵaımyn degen málimdemesi bárimizge qanat bitirip, erekshe jiger berdi. Qazaqstannyń damýyn qamtamasyz etetin, turaqtylyǵymyzdyń dińgegi sanalatyn bes qaǵıdatty jarııalap, syrttan tónetin qaýip-qaterlerge qarsy saqtyq sharalaryn kúsheıtýdi mindettedi. Ishki jaǵdaıymyz jaqsaryp, halyqtyń ál-aýqaty men turmys-tirshiligi artatyn bolsa, memlekettigimiz de kemeldene túseri daýsyz. Demek, aldaǵy jyldar Táýelsizdigimizdiń tamasha tabystaryn odan ári eseleı túsip, ózgerister dáýirine jol ashary anyq. Gennadıı ZENChENKO, Qazaqstannyń Eńbek Eri, «Zenchenko jáne K» komandıttik seriktestiginiń bas dırektory. Soltústik Qazaqstan oblysy, Qyzyljar aýdany.Keleshegimizdiń kemeldigindeı kórindi
Men Elbasyn ulyqtaý rásimine birinshi ret qatystym. Qazaqstan Prezıdenti Nursultan Nazarbaev halqynyń aldynda ant berdi. О́ziniń sarabdal, dana saıasatymen elimiz ekonomıkasyn damytyp, áleýmettik jaǵdaıymyzdy jaqsartyp, Qazaqstandy moıyny ozyq otyz eldiń qataryna qosýǵa bastap bara jatqan Elbasymyzdyń halqymyz aldynda bergen anty meni erekshe tolqytty. Elbasy halqyn ulyq tutady. Bolashaq tizgini senimdi qolda ekenin sezine túskendeımiz.
Bereke bitken eldiń merekesin kóptegen shetelder ókilderi de kelip tamashalady. О́zge jurt bul saltanattan bizdiń elimizdegi yntymaq pen birlikti, keńdikti, bolashaqqa qaraı nyq basqan qadamdy kórip ketkendeı boldy. Munyń ózi halqyna ant bergen Elbasymyzdyń sharapaty desek bolmaı ma?! Álııa SAPAROVA, «Nur Otan» partııasy Qostanaı oblystyq fılıaly tóraǵasynyń birinshi orynbasary. QOSTANAI.Egemen elimizdiń tuǵyrly qundylyǵy
Nursultan Nazarbaev halqymyzdyń qalaýy boıynsha Qazaqstan Prezıdenti bolyp saılandy. Ulyqtaý rásimi óte joǵary deńgeıde ótti. Oǵan kúlli otandastarymyz teledıdar arqyly kýá boldy. Elimizdiń túkpir-túkpirinen delegasııalar keldi. Osy oraıda Astananyń tórinde ótken saltanatty ulyqtaý rásimine qatysqanymdy, Táýelsiz elimizdiń tarıhı kúnine ortaqtasqanymdy baqyt sanaımyn. Bul – búgingi bizdiń qol jetkizgen eń basty qundylyqtarymyz. Ulyqtaý saltanatyna kýá bolyp otyrǵanda, baıaǵyda at jalynda júrip, osy dalany bizge amanattap ketken babalarymyz esime tústi. Barsha qazaq dalasy jıylyp, han kótergen uly tarıhymyz jadyǵa oraldy. Mine, endi jańa turpatty Qazaqstan memleketin qurǵan Tuńǵysh Prezıdentimiz barsha qazaqstandyqtardyń qoldaýymen Otanymyzǵa qyzmet etýdiń jańa belesin bastamaq. Biz, kúlli qazaqstandyqtar Elbasynyń alǵa qoıǵan mindetteri men tapsyrmalary elimizdiń ekonomıkasyn ilgeriletý, halqymyzdyń ál-aýqatyn arttyrý ekenin joǵary jaýapkershilikpen túsine otyryp, oǵan eseli eńbegimizben úles qosa bereıik! Ásemqan DOSQOJANOV, «SemAZ» JShS bas dırektory, Shyǵys Qazaqstan oblystyq máslıhatynyń depýtaty. SEMEI.
