Qazaqstan Respýblıkasy Prezıdentiniń Jarlyǵy

Jańǵyrtý jónindegi ulttyq komıssııa týraly Instıtýsıonaldyq reformalardy iske asyrý, qazaqstandyq qoǵam men memleketti odan ári jańǵyrtý maqsatynda jáne Qazaqstan Respýblıkasy Konstıtýsııasynyń 44-babynyń 20) tarmaqshasyna sáıkes qaýly etemin:

1. Osy Jarlyqtyń qosymshasyna sáıkes quramda Qazaqstan Respýblıkasynyń Prezıdenti janynda Jańǵyrtý jónindegi ulttyq komıssııa (budan ári – Ulttyq komıssııa) qurylsyn.
2. Ulttyq komıssııa eki apta merzimde Qazaq­­­stan Respýblıkasy Prezıdentiniń qaraýyna:

1) Ulttyq komıssııa týraly ereje jobasyn; 2) Ulttyq komıssııanyń jumys josparynyń jobasyn; 3) ınstıtýsıonaldyq reformalardy iske asyrý jónindegi jumys toptary boıynsha usynystar engizsin.

3. Osy Jarlyq qol qoıylǵan kúninen bas­tap qoldanysqa engiziledi.

Qazaqstan Respýblıkasynyń Prezıdenti             N.NAZARBAEV. Astana, Aqorda, 2015 jylǵy 30 sáýir.  №6

Qazaqstan Respýblıkasy Prezıdentiniń 2015 jylǵy 30 sáýirdegi №6

Jarlyǵyna QOSYMShA

Jańǵyrtý jónindegi ulttyq komıssııanyń

QURAMY

Másimov Kárim Qajymqanuly  – Qazaqstan Respýblıkasynyń Premer-Mınıstri, tóraǵa Nyǵmatýlın Nurlan Zaırollauly  – Qazaqstan Respýblıkasynyń Prezıdenti Ákimshiliginiń Basshysy, tóraǵanyń orynbasary Komıssııa músheleri: Beısembaev Asqar Asanuly  – Qazaqstan Respýblıkasynyń Parlamenti Senaty Tóraǵasynyń orynbasary Donaqov Talǵat Sovetbekuly  – Qazaqstan Respýblıkasynyń Prezıdenti Ákimshiligi Basshysynyń orynbasary Dosaev Erbolat Áskerbekuly – Qazaqstan Respýblıkasynyń Ulttyq  ekonomıka mınıstri Maılybaev Baǵlan Asaýbaıuly – Qazaqstan Respýblıkasynyń Prezıdenti Ákimshiligi Basshysynyń orynbasary Nazarbaeva Darıǵa Nursultanqyzy – Qazaqstan Respýblıkasynyń Parlamenti Májilisi Tóraǵasynyń orynbasary Orynbaev Erbol Turmahanuly – Qazaqstan Respýblıkasy Prezıdentiniń kómekshisi Shıgeo Katsý                – «Nazarbaev Ýnıversıteti» DBBU prezıdenti