Bıylǵy jyl kópultty Qazaqstan halqy úshin aıryqsha qýanysh pen qurmet seziminiń sáýlelerimen nurlanyp bastaldy degim keledi. Elbasy Nursultan Ábishuly Nazarbaev 2015 jyldy Qazaqstan halqy Assambleıasynyń jyly dep jarııalady. Bul bedeldi qoǵamdyq uıymnyń ózi qurylǵan 20 jyldyq beleste atqarǵan qyrýar jumystaryna berilgen joǵary baǵa jáne erteńgi eren isterdiń jaýapkershiligin alǵa tartqan paıym ekendigin bilemiz. О́ıtkeni, táýelsiz elimiz únemi bıik maqsattar jetegimen úlken jetistikterge jetip keledi. «Kóringen taýdyń alystyǵy joq» degendeı, «Máńgilik Eldiń» kirpishteri qalana bastady. Bul oraıda Qazaqstan halqy Assambleıasy yntymaq týyn bıik ustaıtyny kámil. Sol abyroıly sapta Aqmola oblystyq «Istokı» slavıan mádenı-aǵartý birlestigi de ózindik úlesin qosatyny anyq.
Bizdiń qoǵamdyq birlestigimiz 1991 jyly qurylyp, qazirgi tańda slavıan halyqtarynyń salt-dástúri men mádenıetiniń jańǵyrýyna aıtarlyqtaı úles qosyp otyr. Birlestik – Qazaqstan Táýelsizdiginiń qurdasy. Osynyń ózi ortalyqtyń elmen birge barlyq syndarly ótkelder men synaqty kezeńderdi bastan keshirip, ortaq Otanymyzdyń gúldenýine úles qosqandyǵyn ańǵartady ári tolǵanysty sezimge bóleıdi.
Táýelsiz memleketimiz qysqa merzimde kóp ulttylyǵymen qosa, birligi jarasqan, qut-berekesi molaıǵan el retinde álem nazaryna ilikti. Bul Elbasy N.Á.Nazarbaevtyń ustanyp otyrǵan salıqaly saıasaty men tuńǵysh ret Qazaqstan halqy Assambleıasyn qurǵandaǵy kóregendiginiń jemisi deýimiz kerek. Qoǵamymyzdyń basty qujaty – Prezıdenttiń dástúrli Joldaýlary halyqtar dostyǵy men ózara túsinistikti nyǵaıtý uranymen bastalatyny, bul baǵytta keń kólemdi jumystar júrgiziletini ár shańyraqtyń shattyq nury dep esepteımiz. Sondyqtan, oblysymyzdaǵy 41 etnomádenı birlestiktiń barlyǵy ózine júktelgen mindetterdi joǵary jaýapkershilikpen oryndap, Elbasy, Qazaqstan halqy Assambleıasynyń Tóraǵasy N.Á.Nazarbaevtyń senimin aqtaýǵa kúsh salatyny anyq.
Birlestigimizdi Kókshetaý qalasynyń qurmetti azamaty Zınaıda Sanchılo 15 jyl boıy basqaryp, jemisti izin qaldyrdy. О́zimiz de jas kezimizden birlestik jumysyna aralasqandyqtan, eń basty qundylyǵymyz – ultty uıystyrýshy qazaq halqymen baýyrmaldyq qarym-qatynasty, dostyq túsinistikti nyǵaıtýdy birinshi kezektegi paryz sanaımyz. Bizdiń ǵana emes, oblysymyzdy mekendeıtin barlyq etnostyń taǵdyrynda qazaq halqynyń keńqoltyq kóńili men tap-taza yqylas-peıili aıryqsha oryn alady.
Bizde «Orys áni» halyqtyq án-bı ansambli, «Zlato» jastar vokaldyq ansambli men ózim jetekshilik etetin «Iýnost Sınegorıa», «Ýlybka» úlgili ansamblderi, basqa da múddeler boıynsha úıirmeler jumys istese, kez kelgen kópshilik sharamyz qazaq halqynyń mártebesin kóterýmen baılanystyryla júrgiziledi. Birlestigimizdiń «Adam jáne onyń taǵdyry», «Juldyzdar juldyzdy jaǵady», «Álem bala kózimen», «Ázilimiz jarassa», balalarǵa arnalǵan «Jol qozǵalysy belgileri áleminde» atty is-sharalaryna qazaq, tatar, ýkraın, polıak, cheshen-ıngýsh, taǵy basqa ulttyń ókilderi qatysty. О́z kezeginde, bizdiń konserttik baǵdarlamalarymyz ózge ult ókilderiniń án-bılerimen jarasymdy órnekteletinin aıtqym keledi.
Elbasy, Qazaqstan halqy Assambleıasynyń Tóraǵasy Nursultan Ábishuly Nazarbaevtyń óńirimizge árbir sapary ortaq merekege aınalyp kete baratyny bar. Byltyrǵy jazda Prezıdentimiz Kókshetaý qalasyndaǵy jańa «Dostyq úıiniń» ashylý saltanatyna qatysty. Emen-jarqyn áńgime quryp, án shyrqadyq. Osynyń ózi barshamyzdyń júregimizge jiger quıady, bolashaǵymyzdyń jarqyndyǵyn aıshyqtaı túsedi.
Bizdiń ortaq úıimizde ulttyq, dinı salt-dástúrler men merekeler de ortaq. Biz osyndaı qyzyqty da qýanyshty kúnderde, taǵylymdy sharalarda árqashan birgemiz. Birtutas Qazaqstanymyz jaınap jasaryp, jasampazdyq belesterden kórine bergeı.
Galına BÝLYChEVA,
«Istokı» slavıan mádenı-aǵartý birlestiginiń tóraıymy.
Aqmola oblysy.
