Qaharmandarǵa qurmet

Elimizde Jeńistiń 70 jyl­dyǵyna oraı memleket tarapynan ardagerlerimizge  erekshe qurmet kórsetilmek. Osy maqsatta Úkimet aýqymdy sharalardy qolǵa alýda. Uly Otan soǵysyna (UOS) qa­tysqandar men múgedekterge, olarǵa teńestirilgen tulǵalarǵa, tyl eńbekkerlerine jáne Jeńis­ke úles qosqan elimizdiń ózge de azamattaryna bir rettik mate­rıal­dyq kómek berý úshin bıyl respýblıkalyq bıýdjetten 5 mlrd. 690 mln. 183 myń teńge qaralyp otyr. Budan bólek, Jeńistiń 70 jyl­dyǵyna oraı ótkiziletin As­tana men Máskeý qalalaryndaǵy sharalarǵa ardagerlerdiń qatysýyn qamtamasyz etý maqsatynda bıýdjetten 61,8 mln. teńge bólinbek. Naqtylaı aıtqanda, bir rettik ma­te­rıaldyq kómek kelesi rette qaras­tyrylǵan: UOS qatysqandar men múge­dek­terge – 100 myń teńgeden; UOS qatysqandar men múge­dekterge teńestirilgen tulǵalarǵa, Jeńiske úles qosqan azamattarǵa – 70 myń teńgeden; UOS kezinde qaza tapqan áskerı qyzmetkerlerdiń jubaı­laryna, ata-analaryna, Lenıngrad qursaýynda bolǵan turǵyndarǵa jáne ekinshi dúnıejúzilik soǵys jyldary konslagerlerde, getto jáne ózge de májbúrlep ustaý oryn­darynda kámelettik jasqa deıin tutqynda bolǵandarǵa – 30 myń teńgeden; tyl eńbekkerlerine jáne Uly Otan soǵysynyń qaıtys bolǵan múgedekteriniń zaıybyna, Jeńiske qosqan úlesi úshin olarǵa teńestirilgen tulǵalarǵa 25 myń teńgeden beriledi. Taǵy bir aıta keter jaıt, Úki­mettiń 2014 jyldyń 16 qaza­nyn­daǵy №1105 qaýlysyna sáı­kes bekitilgen Qazaqstan Respýb­lıkasynda Jeńistiń 70 jyldyǵyna daıyndyq jáne ótkizý jónindegi josparynda 50-den astam is-shara qarastyrylǵan. Onyń ishinde: soǵys ardagerlerin «1941-1945 jyldardaǵy Uly Otan soǵy­syndaǵy Jeńiske 70 jyl» mereı­toılyq medalimen marapattaý; Astana qalasynda soǵys arda­gerleriniń jáne tyl eńbek­kerleriniń qatysýymen Otan qorǵaýshylar kúnine jáne Jeńistiń 70 jyldyǵyna arnalǵan áskerı sherý ótkizý;  buǵan deıin baspana alma­ǵan soǵysqa qatysqandar men múge­dek­terdi baspanamen qamtamasyz etý; soǵysqa qatysqandar men mú­gedekterge turmysta kómek kórsetý jáne úılerine jóndeý jumystaryn júrgizýdi qarastyratyn «Ardaǵym –  ardagerim» aksııasyn ótkizý; Uly Otan soǵysy ardagerlerin áleýmettik qoldaýdyń qosymsha túrleri (Qazaqstan Respýblıkasy aýmaǵynda jáne TMD elderine temirjol jáne (nemese) áýe kóligimen bir ret tegin baryp-qaıtý, UOS-ǵa qatysqandar men múge­dek­terine shıpajaılarda emdelýdi usyný, tisti protezdeý (metall keramzıt jáne qundy metaldardan jasalatyn tisti protezdeýdi qospaǵanda), gazetter men jýrnaldarǵa jazý, monshalar men shashtarazdardyń, áleýmettik taksılerdiń jáne t.b. qyzmetterin usyný) boıynsha is-sharalar uıymdastyrý, dep habarlady Densaýlyq saqtaý jáne áleýmettik damý mınıstrliginiń baspasóz qyzmeti. Joldybaı BAZAR, «Egemen Qazaqstan».