Kishkentaı jeńimpazdy ákesi jattyqtyrady. Samat Qonaevtyń djıý-djıtsýmen shuǵyldanýyna omyrtqa aýrýyna shaldyǵýy sebep bolǵan. Sporttyń arqasynda syrqatty jeńip, jeti balasynyń altaýyn jekpe-jekpen aınalysýǵa baýlıdy. Búginde olardyń bári – sport sheberi. «Hadııanyń altyn medali – otbasymyzdaǵy tárbıeniń, tártiptiń jeńisi», deıdi S.Qonaev.
Sý perileriniń saıysy
Qytaılar sporttyń jańa túrin oılap tapty. Ereksheligi sol, jarysta sý perileri saıysqa túsedi.
Qytaı eli atalǵan básekeden alǵashqy Azııa kýbogin de ótkizip úlgerdi. Oǵan 70-ke tarta sportshy qatysyp, jarysty tamashalaýǵa myńdaǵan týrıst kelgen. «Ústerinde sý perileriniń kıimi bolǵandyqtan, bul óner saıysy ońaı emes. Saıahatshylar da osyndaı shoý túrindegi jarystardy kórýdi unatady. Eń bastysy, Úkimetten qoldaý bar», deıdi jarystyń bas tóreshisi Hýan Sıaoın.
Djeksonnyń jarııalanbaǵan áni
San-Fransıskoda Maıkl Djeksonnyń buǵan deıin esh jerde jarııalanbaǵan ánderi tabyldy.
Qaladaǵy qoımanyń birinde saqtalǵan kassetalarda áıgili ánshiniń 12 jazbasy bar eken. Bulardy tapqan Gregg Mýsgrov esimdi qala turǵyny «pop mýzyka koroliniń» jobalaryn basqaratyn kompanııaǵa habarlasqan. Biraq ondaǵylar belgisiz sebeptermen jazbalardy satyp alýdan bas tartqan. Endi er adam kassetalardy aýksıonda satýǵa nıetti.
