Maqsat – jumys ornyn saqtaý

Premer-Mınıstrdiń orynbasary Berdibek Saparbaev ju­mys saparymen Almaty obly­syna keldi. Negizgi maqsat óndiris oryndaryndaǵy turaqtylyqty saqtaý jáne eńbek adamdarynyń ahýalymen tanysyp, jumys­shylar quqyǵyn qorǵaý boldy. Bılik pen jumys berýshi iri kompanııalar jáne óndiris oryndary bolyp tabylatyn kásiporyndar arasynda jasalyp, bul kúni qol qoıý rásimi ótetin memorandým talap-tilekterin de vıse-premer tarazylap baǵyt-baǵdar berdi. Áýelgi kezekte, qurylys ju­mystary damylsyz júrip jat­qan Taldyqorǵandaǵy kópsalaly 300 kereýetti aýrýhanaǵa baryp me­dısına salasyna qatysty jaıttarmen tanysty. Alqaly jıynda Almaty oblysynyń ákimi Amandyq Ba­ta­lov óńirde atqarylyp jatqan jumystar týraly maǵlumat ber­gen soń, Elbasy «Nurly Jol – bolashaqqa bastar jol» at­ty Joldaýyn bıyl erterek ja­rııa­laýynyń bir sebebi, álemdik daǵdarystyń aldyn alý qadamy bolyp otyr. Atalǵan Joldaýda osy daǵdarystan shyǵý joldary da naqtylanǵan. Bir ǵana mysalǵa Jetisý jeri arqyly ótetin Batys Qytaı – Batys Eý­ropa dálizin aı­týǵa turady. Bul ıgiliktiń birin­shi qadamy – jol salý. Bir ǵana Almaty oblysyn­da jol salý, jón­deý sekildi jumystarǵa bıyl bıýdjetten 54 mlrd. teńge bólinedi eken. Bul az qarajat emes. Sózimdi Elbasynyń «Daǵdarys keledi. Ketedi. Uzaq bolmaıdy» de­gen sózimen naqtylap Memle­ket bas­shysynyń tapsyrmasy­men ob­lysaralyq baılanys­ty ny­ǵaıtyp, biri shyǵarǵan ónim­di ekin­shisi paıdalanyp, ishki ónim al­masý baılanysyn nyǵaıtýdamyz. Úkimettiń atynan Almaty oblysynyń basshylyǵyn búgingi memorandýmǵa qol qoıý rásimin óz deńgeıinde uıymdastyrǵany úshin rahmet aıta otyryp, osy memorandým talaptarynyń tolyq oryndalatynyna senim artamyn. Bul qujat eldi meken­derdi jumyspen qamtýǵa ózindik yq­palyn tıgizetini anyq. Taǵy bir úlgi tutarlyq jumys – «Dostyq úıi», «Til saraıy», «Sport ke­she­ni» Taldyqorǵanda salynyp, paıdalanýǵa berilgenin, eń ne­gizgisi turǵyn úı keshenderiniń birinen ekinshisiniń asyp turǵa­nyn kórdik. Munyń barlyǵy Elbasynyń ustanǵan saıasatynyń durystyǵy, el tynyshtyǵynyń saqtalýy ekenin bilýimiz kerek. Otandyq ónim óndirýshilerdi qoldaý úshin shujyqty qyr­ǵyz­dan, kókónisti qytaıdan tasymaı, Elba­sy ótken jyldyń tamyzynda bergen tapsyrmasy qant qyzylshasy, júgeri sekildi tól daqyldardy molynan ósirip, óńdep rynokqa shyǵarý kerek. Sonda birlese istegen jumysymyz nátıjesin beredi», dedi Berdibek  Saparbaev. Bul kúni jalpy somasy 22,6 mlrd. teńgeni quraıtyn birlesken 17 memorandýmǵa qol qoıyldy. Nurbol ÁLDIBAEV, «Egemen Qazaqstan». TALDYQORǴAN.