Orta bıznestiń ornyqty damý baǵdarlamasy

Keshe Investısııalar jáne damý mınıstri Áset Isekeshev pen Ekonomıka mınıstri Erbolat Dosaevtyń qatysýymen «Báıterek» ulttyq basqarýshy holdıngi» AQ-tyń alǵashqy otyrysy ótti. Onda holdıngtiń orta bıznesti damytýǵa arnalǵan jańa baǵdarlamasy tanystyryldy. Otyrysqa Úkimet músheleri men Ulttyq kásipkerler palatasy, sondaı-aq ekinshi deńgeıli bankterdiń basshylary men bız­nes ókilderi de qatysty. «Qurmetti áriptester búgingi jıyn­nyń maqsaty belgili. Sebe­bi, bıylǵy jyly birqatar mańyz­dy baǵdarlamalar júzege asyryla bastaıdy. Birinshi kezekte, árıne, Elbasynyń «Nurly Jol» baǵdar­lamasy ekeni aıan. Sondaı-aq, ın­dýs­trııalandyrýdyń ekinshi bes­jyldyǵyna oraı jasalǵan baǵ­dar­lamalar iske qosylady. Solardyń ishinde shaǵyn jáne orta bıznes­ke Elbasymyz úlken mán berip otyrǵanyn bárińiz bilesizder. Osy turǵydan qaraǵanda búgin talqylaýǵa túskeli otyrǵan jańa baǵdarlamanyń durys jasalýy óte mańyzdy. Qazir Úkimette ká­sipkerlikti qoldaý sharalary kún tártibinde deýge bolady. Ondaǵy maqsat, bıznestiń tıimdiligin arttyryp, el ekonomıkasyn kóterý ekeni túsinikti», dedi Á.Isekeshev. Orta bıznesti qoldaýǵa arnalǵan «Báıterek» holdıngi usynyp otyrǵan jańa baǵdarlama, elimizdiń shıkizattyq emes sektorynda básekege qabiletti, eks­portqa baǵyttalǵan aımaqtyq jáne álemdik deńgeıdegi ká­sip­oryndar shoǵyryn qalyp­tas­tyrýdy kózdeıdi. Josparǵa saı, baǵdarlamanyń alǵashqy kezeńi synaq túrinde júzege asyrylady eken. «Biz kompanııa­lardy damytýǵa, shıkizattyq emes eksportty ósirýge, óner­ká­siptik óndiristi arttyryp, kásiporyndarǵa joǵary tabys­ty jumys oryndaryn qurý­ǵa kómektesýdi kózdeımiz. Al­ǵash­qy kezeńde negizinen úsh salaǵa basymdyq beriledi. Olar agroónerkásip kesheni, mashı­na jasaý jáne qurylys mate­rıal­darynyń óndirisi. Al endi baǵdarlamaǵa qandaı kompanııa­lar qatysa alady? Naqty kór­seter bolsaq, aktıvteri 2 mlrd. teńgeden asatyn, sońǵy úsh jylda turaqty damyǵan, osy ýaqytta bir ret bolsyn ónimin eksportqa shyǵarǵan jáne keminde 200 jumys orny bar kásiporyndar qatysý múmkindigine ıe bolady. Al sapalyq talaptarǵa kelsek, menedjment, strategııa, bıznes úlginiń áleýeti ba­ǵalanady. Buıyrtsa, alǵash­qy jyldardyń nátı­jesine qaraı baǵdarlamanyń aýqymy keńeıip, oǵan bir­qatar ózgeris engizý josparda bar», dedi baǵdarlamany tanystyrǵan Q.Bıshimbaev. Sóz bolǵan baǵdarlama aıasynda qarastyrylǵan qol­daý sharalary úsh ba­ǵyttan turady. Birinshi baǵyt boıynsha, «Báıterek» holdıngi kompanııalar to­bynyń quraldaryn paıdalaný arqyly qarjylyq qoldaý kórsetý – tikeleı nesıelendirý, bankaralyq ne­sıeleý, lızıngtik mám­lelerdi qarjylandyrý, paı­yzdyq ústemelerdi sýb­sıdııalaý, nesıelerdi kepil­dendirý, eksporttyq saq­tandyrý, eksportqa shyǵarar aldyndaǵy qarjylandyrý men saýda operasııalaryn qarjylandyrý, ınno­va­sııaǵa granttar bólý kóz­delgen. Ekinshi baǵyt boı­ynsha konsaltıngtik kómek kórsetiledi. Baǵ­dar­lamaǵa qatysýshy kompanııalar basqarý salasy boıynsha álemdik ozyq tájirıbelermen tanysyp, naqty kómekter alý múm­kindigine ıe bolady. Qajet bolǵan jaǵdaıda mamandardy arnaıy oqytý da qolǵa alynady. Al, úshinshi baǵyt – memlekettik organdarmen aradaǵy jumysty jolǵa qoıý. Baǵdarlama aıasynda kompanııalardyń jumysyna qatysty máselelerdi sheship, ákimshilik kedergilerge jol bermeý úshin memlekettik organdarmen tyǵyz qarym-qatynas ornatý kózdelipti. Otyrysta taratylǵan baspasóz málimetine qara­ǵan­da, jyl basynan beri «Báıterek» holdıngi men Ulttyq kásipkerler palatasy, ákimshilik ókilderi elimizdiń toǵyz óńirinde bolyp, baǵdarlamany túsindirý úshin 1,5 myń kásipkermen kezdesýler ótkizipti. Qazirgi tańda baǵdarlamaǵa qatysýǵa 200-den astam kásipker ótinish beripti. Nurbaı ELMURATOV, «Egemen Qazaqstan».