Qurmetti otandastar!
Qazaqstan halqy Assambleıasy sizderdi Elbasy Nursultan Ábishuly Nazarbaevtyń beıbitshilik pen kelisim úlgisiniń, barsha qazaqstandyqtardyń tutastyǵynyń jarqyn kórinisine aınalǵan 1 mamyr – Qazaqstan halqynyń birligi kúni merekesimen quttyqtaıdy!
Bul mereke árqaısymyz úshin erekshe qymbat. Ol bizdiń mıllıondaǵan otandasymyzdyń júreginen jol tapqan halqymyzdyń tamasha rýhanı dástúrine aınaldy.
Bizdiń kópetnosty qoǵamymyzdy biriktiretin, «Máńgilik El» jalpyulttyq ıdeıasynyń arqaýy – týǵan jerge degen patrıotızm men senim, dostyq pen mahabbat sııaqty myzǵymas qundylyqtar.
Tuńǵysh Prezıdent – Elbasy N.Á.Nazarbaevtyń saılaýdaǵy aıqyn jeńisi osy mereıli merekege ulasyp otyr, bul – aqıqat sáti jáne el damýynyń jańa kezeńiniń bastaýy.
Qazaqstan halqy tarıhı tańdaý jasap, memleketti ekonomıkalyq jáne áleýmettik damýda jańa belesterge bastaıtyn óz Kóshbasshysyna daýys berdi.
Biz jarqyn bolashaq pen asqaq múmkindikter dáýirinde ómir súrýdemiz. Memleket basshysynyń bastamasymen usynylǵan «Bes halyqtyq reforma», Ult jospary – barsha azamattarǵa arnalǵan zamanaýı memlekettiń berik irgetasy bolatyn, Qazaqstan damýynyń dúnıetanymdyq negiziniń strategııalyq keleshegin qalyptastyratyn urpaqtan-urpaqqa beriletin mega-jobalar.
Qymbatty azamattar!
Qazaqstan halqy Assambleıasy barshańyzdy birlik merekesimen quttyqtap, amandyq, bereke jáne jarqyn bolashaq tileıdi!
Bizdiń taǵdyrymyz ortaq. Ol ortaq Otanymyz – Qazaqstannyń taǵdyrymen baılanysty. Osy aıtýly merekede sizderdiń júrekterińizge elimiz úshin ystyq sezim uıalasyn!
Ortaq Otanymyz – Qazaqstan ósip-órkendeı bersin!
Halqymyzdyń birligi jarasyp, Máńgilik Eldiń juldyzy jana bersin!
Qazaqstan halqy Assambleıasy.
