Aqparattar aǵyny

* «QazAgro» holdıngi aktıvteriniń quny 981 mlrd. teńge boldy.  Bul – 2013 jylǵy deńgeıden 1,4 esege joǵary. Al menshikti kapıtaly 379 mlrd. teńgeni qurady. Sondaı-aq, qurylym ótken jyldy 5,7 mlrd. teńge kóleminde paıdamen aıaqtady. * Elimiz iri qara mal etiniń eksportyn 14 esege ulǵaıtty. Aýyl sharýashylyǵy mınıstr­liginiń dereginshe, memlekettik nesıelik baǵdarlamalardyń arqasynda fermerlik ujymdar 83,8 myń qoı jáne 11,6 myń jyl­qy satyp aldy. Budan bólek, 1 800 mal basy bar 19 sút­ti-taýarly ferma qarjy­lan­dy­rylǵan. * Astana mańyndaǵy azyq-túlik beldeýin qurý aıasynda 18 joba júzege asty. Qazirgi tańda azyq-túlik ónimderin elordaǵa jetkizý baǵytynda 128 taýar óndirýshi jumys isteıdi. О́tken jyly qala bazarlaryna 69,3 myń tonna sút ónimi, 19,6 myń tonna et ónimi jáne 230,5 mln. dana jumyrtqa ákelingen. * Ońtústik Qazaqstanda aýyz sýǵa sýbsıdııa berilip jatyr. Kentaý qalasy men oǵan qarasty Baıyldyr, Hantaǵy aýyldarynyń turǵyndaryna aýyz sýǵa qatysty jeńildikter berilýde. «Ashysaı sý» MKK-niń bólim basshysy Ábdimanap Halılashulynyń aıtýynsha, shahar aýmaǵynda bekitilgen tarıf – 1 tekshe metrge 65 teńge 18 tıyn. Sonyń 35 teńge 18 tıyny memleket tarapynan sýbsıdııalanýda. * Qyzylorda oblysy Qarmaqshy aýdanynda dárigerlik ambýlatorııa ashyldy. Turǵyndarǵa sapaly qyzmet kórsetý úshin bar jaǵdaı jasalǵan nysannyń qurylysyn «Atameken» jaýapkershiligi shekteýli seriktestigi júrgizdi. Joba quny – 87,110 mln. teńge. * Jambyl óńirinde balamaly energetıkany da­mytýǵa barynsha kóńil bó­linip otyr. Oblystyq energetıka jáne turǵyn  úı-kom­mýnaldyq sharýashylyǵy bas­qarmasynyń basshysy Muhtar Tóleýlıevtiń sózine qaraǵanda, sońǵy 5 jyl ishinde salaǵa 464 mln. dollar kóleminde ınves­tısııa tartylǵan. * Batys Qazaqstanda densaýlyq saqtaý salasynyń bıýdjeti 25,6 mlrd. teńgeni qurady. Oblystyq ekonomıka jáne bıýdjettik josparlaý basqarmasynyń dereginshe,  sońǵy tórt jylda aımaqta – 24, sonyń ishinde aýyldyq jerde 16 densaýlyq saqtaý nysany paıdalanýǵa berilgen. Habarlar Úkimet, oblystyq ákimdikter saıttary men «QazAqparat» agenttiginiń derekteri boıynsha daıyndaldy.