Oblystyq tótenshe jaǵdaılar departamentiniń mamandary men el ishindegi eriktiler órt qaýipsizdigi erejelerin eldiń esine salǵanymen, qarapaıym talaptardy meılinshe durys saqtamaýdyń saldarynan aıtyp kelgen apattyń seıiler túri kórinbeıdi.
– Jylý berý maýsymy bastalǵaly órt qaýipsizdigi erejeleri buzylady, – deıdi Aqmola oblysy tótenshe jaǵdaılar departamentiniń memlekettik órt baqylaý basqarmasy basshysynyń orynbasary Erjan Ǵabbas, – mundaı 49 jaǵdaı tirkeldi. Elektr qurylǵylaryn montajdaý, tehnıkalyq paıdalaný erejelerin buzǵan 75 derek anyqtaldy. Jeti jaǵdaıda úı ıeleri ot jaqqan kezde qaýipti ańǵarmaı, opyq jegen.
Aldyn alý jumystary júrgizilip-aq jatyr. Maýsym bastalǵaly 9 000 otbasynyń úılerine nazar aýdarylǵan. Bul úıler – áleýmettik jaǵynan az qamtamasyz etilgenderdiń baspanalary. Shamamen bir jarym myńdaı peshtiń murjasy ystan tazartylyp, sonsha úıge órt qaýpi bolǵan jaǵdaıda dabyl qaǵatyn qurylǵy ornatylǵan. Áli de 1400 otbasyna osyndaı qurylǵy ornatý mejelengen. Bul istiń aıta qalarlyqtaı paıdasy bar. Máselen, dabyl qaqqyshtyń arqasynda Birjan sal aýdanynda eki qart adam ajal aýzynan aman qalǵan. Sońǵy kezde alty aýdanda qurylǵynyń iske qosylýy sebepti 30 adamnyń ómiri saqtalǵan.
Alda – jańa jyl. Qaýipsizdik erejelerin kúsheıtpese bolmaıdy. Ásirese balalarǵa abaı bolý kerek. «О́rt – tilsiz jaý» ekenin árkez esten shyǵarmaǵan jón.
Aqmola oblysy
