Tarazda balalardy alyp kele jatqan ınspektor qaza tapty

ASTANA. 1 mamyr. Tarazda balalardyń qatysýymen iri jol-kólik oqıǵasy boldy. Onyń saldarynan 27 jastaǵy polısııa ınspektory qaza tapty. Bul týraly Gazeta.kz  habarlady. Basylym qapııada mert bolǵan ınspektordyń artynda áıeli men balasy qalǵanyn jazyp otyr. Qaıǵyly oqıǵa túnniń jarymynda, joldyń kólikter qaptaǵan boıynda oryn alǵan. Balalar otyrǵan avtobýstar tizbegin bastap alyp kele jatqan mashına ázer toqtap úlgeredi. Sol kezde oǵan kezdeısoq kele qalǵan «BMV» avtomobıli qatty ekpinmen kelip soǵady. Al polıseıdiń sońynan erip kele jatqan úsh avtobýsta Taldyqorǵannan Tarazǵa kele jatqan kógaldaǵy hokkeı komandasynyń balalary otyr eken. Kólikter saǵat túngi 12 shamasynda qalaǵa kirip kele jatady. Dál sol kezde jol-kólik oqıǵasy da oryn alady. Polısııa ázirge bolǵan oqıǵanyń búge-shigesin jarııalap otyrǵan joq. Oqıǵa ornynda 27 jastaǵy polısııa ınspektory birden til tartpaı ketken. Taǵy bir polısııa qyzmetkeri men «BMV» jolaýshysy jaraqat alyp qalǵan. Kórgenderdiń aıtýlarynsha, sheteldik kóliktiń júrgizýshisi tipti toqtaýǵa da áreket jasamaǵan. Qazir osy qaıǵyly oqıǵaǵa sebep bolǵan júrgizýshi qamaýǵa alynyp, tergeý amaldary júrip jatyr. «BMV» kóliginiń júrgizýshisi jyl basynan beri jolda júrý erejesin buzǵany úshin eki ret ákimgershilik jaýapqa tartylǵan», - dedi Jambyl oblystyq ishki ister departamentiniń baspasóz hatshysy Gúlsara Muhtarqulova. Qurysh Nurymbet. Derek, sýret: Gazeta.kz.