Foto: egov.kz
Birinshi satydaǵy sottyń qaýlysymen AQ ÁQBtK-niń 265-babynyń 1-bóligimen 16 422 000 teńge kóleminde aıyppul salýmen ákimshilik jaýaptylyqqa tartylǵan.
Is materıaldaryn zerdeleý nátıjeleri boıynsha Qoǵam ıntervaldyq ınvestısııalyq paı qorynyń aktıvterin ınvestısııalyq basqarýdy júzege asyrý kezinde «Investısııalyq jáne venchýrlyq qorlar týraly» Qazaqstan Respýblıkasynyń Zańynda belgilengen, onyń qyzmeti týraly aqparatty jarııalaý tártibin buzǵany anyqtalǵan.
Osy fakti boıynsha ýákiletti organmen Qoǵamǵa qatysty ÁQBtK-niń 265-babynyń 1-bóligimen 17 ákimshilik quqyq buzýshylyq týraly hattamalar jasalǵan.
«Birinshi satydaǵy sot 17 ákimshilik hattama boıynsha isti bir óndiriske biriktirip, Qoǵamǵa 16 422 000 teńge kóleminde aıyppul salǵan. Alaıda, taǵaıyndalǵan aıyppuldyń bul mólsheri zań talaptaryna sáıkes kelmeıdi. ÁQBtK-niń 58-babynyń talaptaryna sáıkes, bir adam eki jáne odan da kóp ákimshilik quqyq buzýshylyq jasaǵan kezde árbir quqyq buzýshylyqúshin jeke ákimshilik jaza qoldanylady. Eger adam bir sýdıa, organ (laýazymdy adam) qaraıtyn birneshe ákimshilik quqyq buzýshylyq jasaǵan bolsa, onda bir túrli jazalar qoldanylǵan jaǵdaıda, jazanyń túpkilikti mólsheri osy túr úshin belgilengen aıyppul týraly eń joǵary shektiń úsh eselengen mólsherinen aspaýy kerek», delingen habarlamada.
Aıta keteıik, is qozǵalǵan kezde aılyq eseptik kórsetkishtiń kólemi 3450 teńge bolǵan. Tıisinshe, ÁQBtK-niń 44, 58-baptarynyń erejelerine sáıkes, orta kásipkerlik sýbektisi retinde AQ-ǵa salynatyn aıyppuldyń túpkilikti somasy 3 000 AEK-ten nemese 10 350 000 teńgeden aspaýy kerek.
«Sottyń salynǵan aıyppul somasyn 30%-ǵa qysqartqanyn eskere otyryp, jalpy aıyppul somasy 7 245 000 teńgeni quraıdy.Osyǵan baılanysty kassasııalyq saty sot aktilerin ózgertip, aıyppul kólemin 7 245 000 teńgege deıin azaıtty», delingen sot habarlamasynda.
