PETROPAVL. 1 mamyr. Uly Jeńistiń 70 jyldyǵyna arnalǵan is-sharalar aıasynda tártip saqshylaryna qyzmettik kólikterdiń kiltteri saltanatty jaǵdaıda tartý etildi. Bul týraly OIID-niń baspasóz qyzmeti habarlady.
«Ishki ister salasynyń materıaldyq-tehnıkalyq bazasyn nyǵaıtýdyń arqasynda qylmystar men quqyqtyq buzýshylyqtardyń aldyn alý, boldyrmaý sharalary óz nátıjelerin berip keledi. Búgin jol-patrýldik polısııa qurylymy 45 qyzmettik kólikpen tolyǵyp otyr»,–dedi óz sózinde oblys ákiminiń orynbasary Vladımır Býbenko.
«Škoda Octavia», «Lada Granta», «Nıva», «ÝAZ»» sekildi avtomobılderdi satyp alýǵa jergilikti qazynadan 80 mıllıon teńge baǵyttaldy. Budan tysqary Qorǵanys mınıstrligi qyzmettik maqsattar úshin eki avtobýs bóldi.
Al, buǵan deıin qalalyq, oblystyq tas joldarda paıdalanylyp kelgen avtomobılder ýchaskelik polısııa saaqshylaryna berildi.
Saltanatty jıyn aıaqtalǵannan keıin qonaqtarǵa arnaıy bólimsheniń jarystary, qarýdy meńgerý ádisteri kórsetildi.
Shara ishki ister organdary qyzmetkerleriniń saltanatty marshymen aıaqtaldy.
О́mir Esqalı.
Derek, sýret: Soltústik Qazaqstan OIID-niń baspasóz qyzmeti.
