Birikken Arab Ámirlikteri Qazaqstannyń saıasatyn qoldaıdy

ASTANA. 4 qańtar. Memleket basshysynyń 2017-2018 jyldardaǵy kezeńde Birikken Ulttar Uıymy Qaýipsizdik Keńesiniń turaqty emes músheligine elimizdiń kandıdatýrasyn ilgeriletý sharalary boıynsha joldaýy BAÁ prezıdenti sheıh Halıfa ben Zaıd Ál Nahaıanǵa tabys etildi. Bul týraly strategy2050.kz habarlady. «Joldaýdy Qazaqstan Prezıdentiniń arnaıy ókili, syrtqy ister mınıstriniń orynbasary Asqar Mýsınov Abý Dabıdiń murager hanzadasy sheıh Muhamed ben Zaıd Ál Nahaıanmen ótken kezdesýde qolma-qol tabystady», – delingen mınıstrliktiń habarlamasynda. Kezdesýde BUU Qaýipsizdik Keńesiniń turaqty emes músheligine saılaný elimizdiń syrtqy saıasatyndaǵy mańyzdy basymdyq ekeni jáne Qazaqstannyń jahandyq beıbitshilik pen qaýipsizdikke úlken úles qosýǵa nıetti ekendigi atap ótildi. A.Mýsınov elimizdiń qaýipsizdiktiń jalpyǵa ortaq tujyrymdamasyna bekemdigin atap ótti. Bul qaýipsizdiktiń, adam quqyqtarynyń jáne turaqty damý máseleleriniń ózara baılanysy men ózara táýeldiligin meńzeıdi. Abý Dabıdiń murager hanzadasy Ámirlikterdiń Qazaqstannyń syrtqy saıası bastamalaryna qoldaý kórsetetinin atap ótti. Aıdar О́risbaev. Derek: strategy2050.kz. Sýret: titus.kz.