ASTANA. 1 mamyr. Búgin Astanadaǵy «Qazaq Eli» alańynda Qazaqstan halqy birligi kúni keń kólemde atap ótildi. Merekege oraı uıymdastyrylǵan «Nurly jol – jeńis joly» atty sharaǵa Elbasy da arnaıy qatysty. Bul týraly egemen.kz habarlady.
Memleket basshysy jınalǵan halyqty merekemen quttyqtap, el aldynda turǵan mindetterdi oryndaý úshin birlikti saqtaý kerek ekenin aıtty.
Shara barysynda estrada juldyzdary án-jyrdan shashý shashyp, merekelik kóńil-kúı syılady. Sondaı-aq, elimizde turatyn halyqtardyń salt-dástúrleri dáriptelip, ulttyq óneri nasıhattaldy.
Dál osyndaı, birlik pen yntymaqty, kelisim men turaqtylyqty nasıhattaǵan is-sharalar elimizdiń barlyq óńirinde ótýde. Astana qalasy Mádenıet basqarmasynyń habarlaýynsha, búgingi merekege oraı qalada túrli deńgeıdegi 200 astam shara ótedi. Sonyń ishinde 35-i iri mádenı shara ekenin aıta keteıik.
Elaman Qońyr.
Derek: egemen.kz.
Sýret: Erlan Omarov.
