О́SKEMEN. 4 aqpan. Memlekettik qyzmet isteri jáne sybaılas jemqorlyqqa qarsy kúres agenttiginiń Shyǵys Qazaqstan oblysy boıynsha departamentiniń jetekshisi Ǵalymbek Dosanov Shyǵys óńirindegi baspasóz ókilderimen kezdesti. Bul týraly egemen.kz tilshisi habarlady.
«2015-2025 jyldarǵa arnalǵan sybaılas jemqorlyqpen kúres Strategııasy» taqyrybynda ótken ashyq dıalogqa oblystyq, qalalyq jáne aýdandyq BAQ basshylary qatysty.
Ǵ.Dosanov departamenttiń atalǵan Strategııanyń jemqorlyqtyń aldyn alý jumystaryn nyǵaıtýǵa múmkindik beretinin atap ótti.
«Jýyqta qurylǵan departamentimizdiń ustanymy – halyqqa qyzmet etý. Birinshi kezekte, túsindirý jumystary balabaqshalardan bastalýy tıis. Qoǵamdyq pikirdiń negizgi bóligi jemqorlyqqa qarsy baǵyttalýy qajet», – dedi Ǵ.Dosanov.
Departament basshysy jemqorlyqpen kúresýde ózge mekemelerdiń birigýi de úlken mańyzǵa ıe ekenin jetkizdi.
«Jemqorlyq – eldiń áleýmettik-ekonomıkalyq damýyna kedergi keltiredi jáne ınvestısııalyq tartymdylyǵyna nuqsan keltiredi. Oǵan toıtarys berý úshin negizgi úkimettik mekemeler óz kúshterin biriktirýi qajet. Osyǵan oraı, departament pen BAQ-tyń negizgi mindeti – halyqqa aqparatty shynaıy jetkizý bolmaq. Sondyqtan, barshańyzdy sybaılas jemqorlyqpen kúres sharalarynda áriptes bolýǵa shaqyramyn», – dedi ol.
Dýman Anash.
Derek: egemen.kz.
Sýret: Shyǵys Qazaqstan oblysynyń aqparattyq ortalyǵy.
