О́SKEMEN. 4 aqpan. Shyǵys Qazaqstan oblysynyń ákimi Danıal Ahmetovtiń qatysýymen Glýbokoe aýdanynyń ákimi Arman Bekbosynov turǵyndar aldynda eseptik kezdesý ótkizdi. Bul týraly egemen.kz tilshisi habarlady.
Glýbokoe aýdanynyń ákimi alǵashqy eseptik kezdesýlerin Kojohovo, Krasnoıar aýyldyq okrýgteri men Verhneberezovskıı kentinde ótkizgen bolatyn.
A.Bekbosynovtyń aıtýynsha, aýdan aýyl sharýashylyǵyn damytýdyń jańa tynysyn ashýdy qolǵa aldy.
«Memlekettiń úlken qoldaýy bar ekenin esepke alsaq, búginde mal sharýashylyǵymen shuǵyldaný óte tıimdi bolyp tur. Mal sharýashylyǵy – maýsymdyq sıpat alatyn egistikpen salystyrǵanda jyl boıy toqtamaıtyn óndiris, turaqty jumys orny», – dedi aýdan ákimi Arman Bekbosynov.
Onyń aıtýynsha, Glýbokoe aýdanynda 2014 jyly mal sharýashylyǵynyń ishki ónim kólemi 7 mlrd. 553 mln. teńgeni qurady. О́tken jyly aýdanda et, sút jáne jumyrtqa óndirisi ulǵaıdy. Sondaı-aq sıyr, qoı, eshki basy men qus sany da aıtarlyqtaı artty.
О́ndirilgen sút kólemi 13 myń tonnany qurap, 2013 jylmen salystyrǵanda 8,7 paıyzǵa kóbeıdi. «Sybaǵa» memlekettik baǵdarlamasy sátimen júzege asyrylýda. Degenmen, keıbir jeke sharýashylyqtarda iri qara, jylqy basy men shoshqa sanynyń tómendeýi baıqalǵan.
«Búginde aýdandaǵy agrarlyq sala mamandaryna iri qara sanyn 22 200 basqa, et óndirýdi 7 myń tonnaǵa, sútti 47 myń tonnaǵa jetkizýge tapsyrma berildi», – dedi aýdan ákimi. Kezdesý barysynda ótken jyldyń qortyndylary men aǵymdaǵy jyldyń josparlary jóninde baıandaǵan ol turǵyndardyń saýaldaryna jaýap berdi.
Dýman Anash.
Derek: egemen.kz.
Sýret: glubokoe.gov.kz.
