AQTО́BE. 1 mamyr. Aqtóbe oblystyq ishki ister departamentiniń murajaıynda Uly Jeńistiń 70 jyldyǵyna arnalǵan ıgi shara ótti. Oǵan ardagerler keńesiniń músheleri men departament basshylary qatysty. Bul týraly egemen.kz habarlady.
Oblystyq ishki ister departamentiniń bastyǵy, polısııa polkovnıgi Mahsýdhan Ablazımov ardagerlerdi alda kele jatqan Uly Jeńistiń 70 jyldyǵymen jeke quramnyń atynan quttyqtady. Olardyń erlikteri men eńbekteri úshin alǵys sezimin bildirdi. Uly Otan soǵysynyń tórt jáne eńbek maıdanynyń qyryq eki ardagerine Qazaqstan Respýblıkasy Prezıdentiniń Jarlyǵy negizinde «1941-1945 jyldardaǵy Uly Otan soǵysyndaǵy jeńistiń 70 jyldyǵy» merekelik medalin tapsyrdy. Sondaı-aq, Uly Otan soǵysynyń ardagerlerine 100 myń teńgeden jáne tylda eńbek etken ardagerlerge 35 myń teńgeden aqshalaı syılyq usyndy.
Saltanatty sharanyń sońynda oblystyq ishki ister departamenti ǵımaratynyń aldyndaǵy alańǵa ardagerler óz qoldarymen aǵash kóshetterin otyrǵyzyp, alleıany Uly Jeńistiń 70 jyldyǵyna arnap «Jeńis alleıasy» dep atady.
Satybaldy SÁÝIRBAI.
Derek, sýret: egemen.kz.
