ALMATY. 1 mamyr. Almatyda qala ákimdigi men «Qoǵamdyq kelisim» KMM Qazaqstan halqy assambleıasynyń qoldaýymen 30 aspaz álemdegi eń uzyn laǵmandy daıyndady. Bul týraly egemen.kz habarlady.
Qazaqstan halqynyń birligi kúni merekesine oraı almatylyqtar memlekettik Qudys Qojamıarov atyndaǵy uıǵyr mýzykalyq komedııa teatrynyń saıabaǵyna jınaldy. Onda 30 aspaz álemdegi eń uzyn laǵman taǵamyn daıyndaýda. Aldyn ala boljam boıynsha aspazdar 500 kılogramm bolatyn jáne 1 500 adamǵa jetetin uıǵyrlardyń ulttyq taǵamyn ázirleýi tıis.
Sondaı-aq, merekeli shara aıasynda turǵyndarǵa laǵman jasaýdan sheberlik sabaǵy, mádenı oıyn-saýyq baǵdarlamasy uıymdastyrylyp, oǵan ulttyq mádenı ortalyqtardyń ókilderi atsalysýda.
Aıta keteıik, merekege Soltústik polıýske baryp kelgen birinshi qazaqstandyq shańǵy ekspedısııasynyń músheleri men Qazaq geografııalyq qoǵamynyń kezekti rekordyn bekitýleri úshin Gınnes rekordtar kitabynyń tóreshileri shaqyryldy.
Aınash ESALI
Derek, sýret: egemen.kz.
