Sýret: gov.kz
Stenford joǵary bilim berý mektebiniń bas tehnologııalyq dırektory Pol Kımniń qatysýymen ázirlengen bul baǵdarlama «DeepTech» startaptaryn qalyptastyrý jáne ınnovasııalyq sheshimderdi damytý úshin múmkindikter jasaı otyryp, bizdiń jas talanttarymyz úshin naǵyz tramplın bolady.
«AI-Sana» baǵdarlamasy – stýdentter men oqytýshylardyń jańa oılaýyn qalyptastyrý quraly ǵana emes, sonymen qatar Qazaqstan joǵary oqý oryndarynyń dástúrli bilim berý tásilinen ǵylymı zertteý tásiline kóshýdegi mańyzdy qadam. Biz jańa tehnologııalardyń qarqyndy damýy jaǵdaıynda el úshin mańyzdy mindet bolyp tabylatyn tehnologııalyq baǵdarlanǵan qoǵamdy qalyptastyrý úshin ıdeologııalyq negiz qurýǵa baǵyttalǵanbyz.
Bul bastamanyń mańyzdy elementi – eń kúrdeli ǵylymı máselelerdi sheshýde mańyzdy ról atqaratyn sýperkompıýterler. Elimizde Q.I.Sátbaev atyndaǵy Qazaq ulttyq tehnıkalyq zertteý ýnıversıteti men L.N.Gýmılev atyndaǵy Eýrazııa ulttyq ýnıversıtetinde jalpy ónimdiligi 2 «PFLOPS» bolatyn akademııalyq klaster iske qosylady. Bul sýperkompıýterler ǵylymı zertteýlerge jańa múmkindikter ashady, ǵylymı jumystardy jarııalaý úderisin jedeldetedi jáne ozyq tehnologııalardy damytýǵa múmkindik beredi.
«AI-Sana» úzdik álemdik ǵylymı jáne bilim berý resýrstaryn biriktiretinin atap ótý mańyzdy, bul Qazaqstan jastaryna serpindi tehnologııalar salasynda óz ıdeıalaryn iske asyrýǵa múmkindik týǵyzady. Baǵdarlama eldegi ǵylymı-tehnıkalyq progresti jedeldetýge kómektesip qana qoımaı, stýdenttik kezden bastap startap-ultty qalyptastyrý jolyndaǵy mańyzdy kezeń bolady.
Osylaısha, «AI-Sana» – tehnologııalyq kóshbasshylyqtyń ulttyq ıdeologııasyn nyǵaıtatyn jáne tehnologııalyq ári kásipkerlik bastamalar arqyly Qazaqstannyń uzaq merzimdi ekonomıkalyq ósýin qamtamasyz etetin strategııalyq joba.
Saıasat NURBEK,
Ǵylym jáne joǵary bilim mınıstri
