Zaýyttyń negizgi ónimi – «Hormesis» (Hormezıs) brendimen shyǵarylatyn energetıkalyq gel. Aıta keterligi, bul ónim elimizdegi densaýlyq saqtaý, tamaqtaný salasynda sırek kezdesetin mańyzdy qadam bolyp sanalady. Jańa óndiris orny jergilikti ekonomıkanyń órkendeýine ózindik úles qosýmen qatar, halyqtyń densaýlyǵyna da eleýli áser etetin ónim shyǵarmaq. Eldi eleń etkizgen jaǵymdy jańalyǵy da osy.
Zaýyt «Ǵylym qory» aksıonerlik qoǵamynyń granttyq qarjylandyrýy, menshikti ınvestısııalar esebinen iske qosylyp otyr. О́ndiristik alań 500 sharshy metrden astam aýmaqty qamtıdy. Onda seh, zerthana, zaýyt jumysshylaryna arnalǵan sharýashylyq-turmystyq úı-jaılar ornalasqan. Mamandardyń aıtýynsha, zamanaýı tehnologııalar men jabdyqtar arqyly ónim sapasyn jaqsartýǵa bolady. Jańa óndiris jylyna 1 200 000 qaptama ónim shyǵarmaq. «Hormesis» geli – densaýlyqty nyǵaıtyp, derttiń aldyn alýǵa qoldanatyn ónim. Energetıkalyq gel otandyq standarttarǵa tolyq sáıkes keledi. О́ndiriletin ónim Qazaq Taǵamtaný Akademııasynda zerthanalyq synaqtardan ótken. Barlyq tıisti sertıfıkattary bar. Zaýyt óz ónimi arqyly eldiń densaýlyǵyn jaqsartýǵa septigin tıgizbek. Sondaı-aq salamatty ómir saltyn saqtap, deneshynyqtyrýmen aınalysatyn adamdardyń kúsh-qýatyn arttyrýǵa yqpal etedi.
Kásiporynnyń ashylýy óńir ekonomıkasyn damytýǵa, jańa jumys oryndaryn ashýǵa, jergilikti turǵyndardyń ál-aýqatyn arttyrýǵa septigin tıgizetin mańyzdy qadam. Aldaǵy ýaqytta seriktestik dıetalyq, profılaktıkalyq tamaq ónimderin shyǵarý aıasyn keńeıtip, óz ónimderiniń sapasyn arttyrý maqsatynda jańa tehnologııalardy paıdalanýdy mejelep otyr.
Aqmola oblysy,
Shortandy aýdany
