Qostanaıda «Altyn mıkrofon» baıqaýy ótýde (vıdeo)

ASTANA 1 mamyr. Qostanaı qalasynda jas ánshiler arasynda «Altyn mıkrofon» halyqaralyq baıqaýy ótýde. Oǵan ártúrli jas erekshelikterine baılanysty bolashaq ánshiler qatysýda. Bul týraly 24.kz habarlady. Búgin, ıaǵnı, Qazaqstan halqynyń birligi kúnine oraı, baıqaý jeńimpazdary jáne qonaqtarynyń qatysýymen gala-konsert ótedi. «Qostanaı – beıbitshilik pen dostyqtyń qalasy» dep urandatqan baıqaýǵa qatysýshylar ánderin Qazaqstan halqy assambleıasy jylyna arnaýda. Dástúrli baıqaý bıyl XIII ret uıymdastyrylyp otyrǵanyn aıta keteıik. Jas ánshilerdiń festıvali elimizden bólek, alys-jaqyn shet elderge de tanymal. «Altyn mıkrofon» baıqaýyn uıymdastyrýshy Balýan Berkenovtiń aıtýynsha, jyl saıyn qatysýshy elderdiń aıasy keńeıip keledi. «Bıylǵy baıqaýǵa jańadan qatysyp jatqandar da bar. Jyldan jylǵa georgrafııasy keńeıip keledi. Máselen, bıyl Estonııa, Armenııa, Lıtva, Bolgarııa, Ýkraına jáne Belarýs elderinen alǵash ret qatysýshylar keldi. Jalpy, osy jyly 8 elden 65 jas ánshi baq synaýda. Bul biz úshin aıtarlyqtaı kórsetkish», – deıdi Balýan Berkenov. Elaman Qońyr. Derek: 24.kz. Sýret: konfettusha.ru.