PAVLODAR. 1 mamyr El birligi kúni merekesi ,mine, osyndaı taqyrypqa arnaldy. Bul týraly egemen.kz tilshisi habarlady.
Kún de jylyndy. Aınala qulpyryp jaınap tur. Ásem áýender shalyqtap, búkil qalany merekelik kóńil-kúı dýmanǵa bólep tur.
Al, osydan bir kún buryn oblys ortalyǵyndaǵy Dostyq úıinde oblys ákimi Qanat Bozymbaev óńirdiń etno-mádenı birlestikteriniń basshylaryna arnaıy granttar tabys etti. Birlik kúni merekesine oraı quramynda mordova, ýdmýrt, komı-permıask, marıı, vengr ult ókilderi bar Fın-ýgor etnomádenı ortalyǵy ashyldy. Ýdmýrtııadan qonaqtar kelip, etno mádenı birlestik ashylýyna oraı, alań ortasynda tolqı sóz sóıledi. Osy jaqsy jańalyqtardyń sońy búgin qala turǵyndary, qonaqtary ortalyq alań men Ertis ózeni jaǵalaýynda, qalalyq mádenıet jáne demalys saıabaǵynda jalǵasyp, qyzyqqa toly dýmandy merekelik sharalarǵa toly boldy.
Merekeniń «Tilegimiz – tatýlyq, tiregimiz – turaqtylyq» taqyrybyna saı ekran arqyly arnaıy jasalǵan merekelik jýrnal paraqtary ashyldy. Qazaqstan halqy Assambleıasynyń 20 jyldyǵyna oraı etnomádenı birlestikter jáne qala jastarynyń qatysýymen teatrlandyrylǵan qoıylym, etnomádenı birlestikterdiń konserti jáne Isa Baızaqov atyndaǵy oblystyq fılarmonııanyń konserttik baǵdarlamasy usynyldy. Ortalyq alańda halyq kóp. Oblys basshylyǵy, soǵys jáne eńbek ardagerleri quttyqtaý sózderin arnaýda. Merekeniń sán saltanatyn qyzyqtaǵan úlkender, án shyrqap, bı bılep qýanyshty jastar, qyzyq jasyl sharlar kótergen kishkentaı bóbekter-aınala dýman sánin keltiredi.
Saǵat túski 12.00-de ortalyq alańda etnomádenı birlestikterdiń qoldanbaly shyǵarmashylyq jáne dástúrli aspazdyq «Etnoqalashyq» sheberlik kórmesi ótti. Balalar úshin Shapıto sırkiniń merekelik baǵdarlamasy, ekzotıkalyq janýarlar men haıýandardyń zooparki ashyldy. Jaǵalaýda sporttyq oıyn-saýyq baǵdarlamasy qyzsa, «Tatýlyqtyń tutqasy, birliktiń besigi», - qalalyq mádenı saýyq ortalyǵy men balalar shyǵarmashylyq jáne tárbıe ortalyǵy uıymdarynyń «Beıbit bolsyn bolashaq» merekelik konserttik baǵdarlamasymen jarasym tapty.
Farıda Byqaı.
Derek: egemen.kz
Sýret: Valerıı Býgaev.
