Almaty men Mınsk arasyna qatynaıtyn áýe reısi ashyldy

ASTANA.1 mamyr. Belarýstiń Belavia áýe kompanııasy Almaty men Mınsk arasyna qatynaıtyn turaqty áýe reısin iske qosty. Endi eki qala ortasynda «Boıng» ushaǵy jolaýshylar tasymaldaıtyn bolady. Bul týraly bonus-travel.by habarlady. Atalǵan jańa reıstiń bir artyqshylyǵy, jolda janarmaı quıý úshin ózge aeroporttarǵa toqtamaıdy. Belavia áýe kompanııasy basshysynyń orynbasary Igor Chergınes: «Bul baǵyttaǵy áýe tasymaly kópten beri halyqtyń suranysyna ıe edi. Jalpy, biz Almaty-Mınsk baǵytyndaǵy áýe kemesi jolaýshylarǵa sapaly qyzmet kórsetetinine senimdimiz. Ázirge áýe qatynasy aptanyń eki kúninde ǵana jolaýshylar tasymaldaıtyn bolady»,–deıdi. Al Qazaqstannyń Belarýstegi tótenshe jáne ókiletti elshisi Erǵalı Bólegenov: «Áýe qatynasy eki el úshin óte mańyzdy ról atqarady. Qazaqstan men Belarýstiń arasyndaǵy taýar aınalymy 1 mlrd. dollar. Bul – árıne az. Sondyqtan da, biz osy áýe qatynasy arqyly taýar aınalymyn ulǵaıtýdy kózdep otyrmyz. Aldaǵy ýaqytta Almatyǵa atalǵan eldiń týrısterin kóptep tartýdy qolǵa alamyz», – dedi. Aıta keteıik, osy jyldyń jazynan bastap Belavia áýe kompanııasy Qazaqstannyń – Astana, Qaraǵandy, Qostanaı, Pavlodar jáne Almaty qalalaryna turaqty túrde qatynaıtyn áýe reısterin iske qosatyn bolady. Talǵat Raıymbek. Derek, sýret: bonus-travel.by.