Bul – Memleket basshysy Qasym-Jomart Toqaevtyń tapsyrmasymen bastaý alǵan «Jaıly mektep» ulttyq jobasy aıasynda Mańǵystaý oblysy boıynsha ashylǵan 13-bilim ordasy. Buǵan deıin óńirde Aqtaý qalasynyń 17, 19 jáne 33-shaǵyn aýdandarynda, sondaı-aq Munaıly aýdanynyń Batyr aýylyndaǵy Hazar shaǵyn aýdanynda
4 500 oryndyq 4 mekteptiń qurylysy aıaqtalǵan edi.
Qazirgi tańda 825 oqýshy bilim alyp júrgen jańa mektep zamanaýı 66 pán kabınetimen, onyń ishinde STEM-zerthanalar, qysh óneri, vızýaldy dızaın, horeografııa sııaqty shyǵarmashylyq baǵyttarǵa arnalǵan kabınettermen jabdyqtalǵan. Erekshe bilim berýdi qajet etetin balalar úshin sońǵy úlgide jasaqtalǵan sensorlyq kabınet, logoped, defektolog jáne psıholog kabınetteri bar.
– О́ńirimizde Memleket basshysynyń tapsyrmasymen bastaý alǵan «Jaıly mektep» ulttyq jobasy sátti júzege asyp jatyr. Balalardyń sapaly bilim alýy úshin mektepter zamanaýı jáne jaıly bolýǵa tıis. Bul – bizdiń bolashaǵymyzdyń kepili. Prezıdentimiz atap ótkendeı, orta bilim berý deńgeıiniń sapasyn arttyrý – ulttyq bolashaǵymyz úshin mańyzdy qadam. Osyndaı mektepterdiń iske qosylyp jatqany bizdi qýantady. Jas urpaqqa bilim jolynda sáttilik tileımin! – dedi jańa mekteptiń ashylý saltanatynda Mańǵystaý oblysy ákiminiń orynbasary Abbat О́risbaev.
Mańǵystaý oblysy
