«Snow Blower S1 Plus – Yarbo» kompanııasynyń qar tazalaý jumysyn jeńildetýge arnalǵan zamanaýı tehnologııasy. Bul robot 40 santımetrge deıingi qalyń qardy tazalap, 3 tonnaǵa deıin qar shyǵara alady. Onyń 180 gradýsqa burylatyn qondyrǵysy bar. Robot «Yarbo» qosymshasy arqyly aýlanyń kartasyn jasap, tazalaý josparyn qurady. Ol óz jumysyn avtomatty túrde atqarady. Qar tazalaýshylardyń qazirgi qarbalas jumysyn eskersek, mundaı robottar asa qajet.
DNQ-nanoqurylǵy
Ǵalymdar jasýshanyń pishini men ótkizgishtigin ózgerte alatyn DNQ-nanoqurylǵy oılap tapty.
Bul qurylǵylar jasýsha membranasynda arnaıy arnalar jasap, úlken molekýlalardyń, mysaly, dárilik zattardyń, jasýshaǵa ótýine múmkindik beredi. Eń bastysy – bul arnalardy qajet kezde ashyp nemese jaýyp qoıýǵa bolady. Bul qurylǵylar DNQ-oram (DNQ-orıgamı) tehnologııasy arqyly jasalǵan. Iаǵnı DNQ tizbekteri arnaıy qurylymdarǵa jınaqtalyp, pishinin ózgertý jáne aınalasyndaǵy jasýshalarǵa áser etý qabiletine ıe. Bul tehnologııa dárilerdi jasýshalarǵa jetkizýdiń jańa ádisterin jasap, bolashaq medısınada úlken mańyzǵa ıe bolmaq.
Adamnyń sıfrlyq nusqasyn jasaıtyn JI
Stenford ýnıversıteti men «Google DeepMind» ǵalymdary jasandy ıntellektiniń adamnyń sıfrlyq nusqasyn jasaý tehnologııasyn tanystyrdy.
Bul júıe eki saǵattyq áńgimeden soń adamnyń minez-qulqy men oılaý erekshelikterin 85% dáldikpen qaıtalaı alady. JI onyń bilimi men ıntellektin ǵana emes, sonymen qatar mádenı, psıhologııalyq, áleýmettik reaksııalaryn da dálme-dál kóshiredi. Mundaı tehnologııany zertteýlerde, bızneste, saıasatta qoldanýǵa bolady. Degenmen, mamandar etıka erejelerin buzbaý mańyzdy ekenin eskertip otyr.
