Baǵdarlama mekeme ishindegi beınebaqylaýǵa engizilip, adamdardyń qozǵalysyn baqylap, agressııa belgilerin anyqtaǵanda birden habarlama arqyly belgi beredi. Aısultan bul jobasyn ınformatıka pániniń muǵalimi Danara Tileýmaǵambetovamen birlesip jasaǵan. «Mundaı ınnovasııalardyń arqasynda meniń dostarym ózderin qaýipsiz sezinip, bolashaqqa senimmen qaraı alady. Jalpy, bul qurylǵyny mektepte ǵana emes, kez kelgen mekemede paıdalanýǵa bolady», deıdi jas ónertapqysh.
Akýlanyń arǵy atasy
Perýdegi paleontologter shamamen 9 mıllıon jyl buryn Tynyq muhıtta tirshilik etken akýlanyń súıekterin tapty.
Bul akýla qazirgi aq akýlanyń arǵy atasy bolǵan dep sanalady. Tabylǵan ejelgi balyqtyń uzyndyǵy 7 metrge deıin jetken. Al tisteri 9 santımetrge jýyq. Negizi, Perýde ejelgi alyp balyqtar súıegi jıi tabylady. «Akýlanyń tolyǵymen saqtalǵan qaldyqtary álemde óte sırek kezdesedi», deıdi paleontolog Marıo Ýrbına.
Sý astyndaǵy tórt aı
Nemis ınjeneri sý astyndaǵy kapsýlada 120 kún bolyp, álem rekordyn jańartty.
59 jastaǵy Rıýdıger Koh Panama jaǵasyna jaqyn mańda 11 metr tereńdikte bolǵan. Kabınada teledıdar, kompıýter, velojattyǵý quraly sııaqty barlyq qajetti nárse ornatylǵan. Aıta keteıik, buǵan deıingi rekord amerıkalyq professor Djozef Dıt Ýrıge tıesili bolatyn. Ol sý astynda 100 kúnin ótkizgen edi.
